សុខភាព

ប្រភេទអាហារដែលមិនគួរញ៉ាំច្រើន ក្រោយវ័យ ៣០ ឆ្នាំ

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

Sonya

អ្នកប្រាកដជាគិតថានៅពេលមានអាយុចាស់ទៅ អ្នកនឹងប្រឈមជាមួយបញ្ហាពុកឆ្អឹងដែលមនុស្សជាច្រើនបាននិយាយតៗគ្នា។ ប៉ុន្តែអ្នកមិនបានគិតពីជំងឺផ្សេងៗទៀតដែលអាចនឹងកើតឡើងចំពោះអ្នក ប្រសិនបើមិនមានការប្រុងប្រយ័ត្នចំពោះអាហារដែលញ៉ាំក្នុងវ័យក្រោយ ៣០ ឆ្នាំ។

១. ជាតិស្ករ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជនអាមេរិកបរិភោគស្ករជាមធ្យមក្នុង ១ ឆ្នាំ ២៩ គីឡូក្រោម ប្រសិនបើការរំលាយអាហារយឺត វានឹងធ្វើឱ្យស្ករដំណើរការនៅក្នុងខ្លួនយឺតដូចគ្នា។ ពេលនោះរាងកាយនឹងផ្ទុកកាឡូរីលើសនៅតាម ត្រគាក ក្រពះ និងកន្លែងផ្ទុកជាតិខ្លាញ់ផ្សេងទៀត។ ជាតិស្ករកើនឡើង អ្នកនឹងមិនអាចមានកូន ហើយវាក៏បង្កើនល្បឿនស្នាមជ្រីវជ្រួញផងដែរ។

២. ជាតិអាកុល

សារធាតុអាកុលសម្បូរទៅដោយកាឡូរីខ្ពស់ ព្រោះថា ក្នុងវ័យ ៣០ ឆ្នាំប្លាយ រាងកាយមិនអាចដុតជាតិអាល់កុលដែលនៅក្នុងខ្លួនបានល្អទេ។ ក្នុងនោះ ស្រាបៀរនឹងបង្កើនកម្រិតអាំងស៊ុយលីនដែលបង្កផលលំបាកនានាដល់រាងកាយ។

៣. ជាតិកាហ្វេអ៊ីន

ក្រៅពីជាតិស្ករនិងអាហារដែលមានសារធាតុពុល ឥទ្ធិពលធំបំផុតមួយទៀតគឺ មកពីជាតិកាហ្វេអ៊ីនទៅលើការគេង។ ជាតិកាហ្វេអ៊ីនច្រើនពេកអាចធ្វើឱ្យឆាប់ចាស់ ដោយសារអ្នកមិនបានសម្រាកគ្រប់គ្រាន់ រីឯសម្រស់ក៏រឹតតែចាស់ទ្វេរដង។

៤. សណ្ដែក

សណ្ដែកអាចជួយច្រើនដល់សុខភាព ប៉ុន្តែចំណុចដែលគួរឱ្យចាប់អារម្មណ៍នោះ គឺប្រេងនិងការកែច្នៃទៅជាអ្វីផ្សេងទៀតដែលឆ្លងកាត់ដោយម៉ាស៊ីននឹងបង្កផលប៉ះពាល់។ អស់ពេលជាយូរ គេគិតថា សណ្ដែកជាប្រភេទអាហារដែលជួយទៅដល់សុខភាព តែវានៅតែមានភាពសង្ស័យជាច្រើន។ សណ្ដែកអាចរំញោចកោសិកាមហារីកសុដន់ និងបញ្ហានៃការចងចាំ។ សណ្ដែកអាចបណ្ដាលឱ្យឈឺក្បាលចំពោះមនុស្សមួយចំនួន។

៥. អំបិល

មនុស្សគ្រប់គ្នាតែងតែត្រូវការអំបិលសម្រាប់បង្កើនរសជាតិទៅឱ្យអាហារ ប៉ុន្តែសូមកុំប្រើវាច្រើនពេក។ ប្រើអំបិលជ្រុល នឹងធ្វើឱ្យហើមពោះដោយសារតែសារជាតិប្រៃនៅក្នុងម្ហូបអាហារ ហើយសូដ្យូមបង្កើនសម្ពាធឈាម និងហានិភ័យនៃជំងឺដាច់សរសៃឈាមខួរក្បាល៕

ប្រែសម្រួល៖ សន ផានិត

ចុចអាន៖ នារីកម្ពុជាវ័យក្មេងប៉ុន្មានម៉ឺននាក់ ដែលនឹងរងគ្រោះព្រោះការប្រើថ្នាំសម្រកទម្ងន់

ចុចអាន៖ ជ្រើសរើសទទួលអាហារដែលត្រឹមត្រូវតាមវ័យ ដើម្បីសម្រស់និងអាយុរវែង