សុខភាព
ពុលចំណីអាហារ ហាមធ្វើរឿងនេះដាច់ខាត អាចប៉ះពាល់ពោះវៀនកាន់តែខ្លាំង
មួយរយៈនេះសម្បូរគ្នាយើងពុលចំណីអាហារណាស់ ទាំងក្មេងទាំងចាស់ ជាពិសេសគឺម្ហូបអាហារដែលទិញគេស្រាប់តែម្ដង។ នេះបើតាមការឲ្យដឹងពីលោកវេជ្ជបណ្ឌិត ហ៊ាង រតនា ជំនាញទូទៅ និងជំងឺកុមារ។
ការពុលចំណីអាហារកើតឡើងនៅពេលដែលយើងញ៉ាំអាហារដែលមានផ្ទុកមេរោគដូចជា ពពួកបាក់តេរី វីរុស និងប៉ារ៉ាស៊ីត។ល។ រោគសញ្ញាទាំងនេះអាចកើតមានក្នុងរយៈ១ម៉ោង ឬលើសនេះ បន្ទាប់ពីយើងញ៉ាំអាហារដែលមានផ្ទុកមេរោគហើយ។ ការឈឺចាប់ដែលបង្កឡើងដោយការពុលចំណីអាហារអាចធ្វើឲ្យយើងឈឺច្រើនម៉ោង ឬច្រើនថ្ងៃក៏មាន។ រោគសញ្ញាដែលលេចឡើងមានដូចជា៖
– ចង្អោរ ក្អួត
– រាករូសខ្លាំង (ទឹកៗ ឬមានលាយឈាម)
– ឈឺ ចុកពោះ
–ក្ដៅខ្លួន។
វេជ្ជបណ្ឌិត ហ៊ាង រតនា បន្តឲ្យដឹងទៀតថា ពេលគ្នាយើងពុលចំណីអាហារ ដាច់ខាតមិនត្រូវប្រើថ្នាំទប់រាកនោះទេ ព្រោះវាអាចបណ្ដាលឲ្យប៉ះពាល់ពោះវៀនកាន់តែខ្លាំង។ ម៉្យាងវិញទៀត ក្នុងករណីដែលយើងពុលចំណីអាហារ គួរប្រញាប់ទៅរកគ្រូពេទ្យ ដោយសារការពុលចំណីអាហារអាចបង្កជាគ្រោះថ្នាក់ដល់សុខភាព ពិសេសចំពោះក្រុមមនុស្សដូចជា៖
មនុស្សចាស់៖ នៅពេលវ័យកាន់តែចាស់ទៅៗ ប្រព័ន្ធការពាររាងកាយមិនខ្លាំងក្លា អាចការពារខ្លួនពីការឆ្លងមេរោគដូចកាលនៅក្មេងបានឡើយ។
ស្ត្រីពពោះ៖ អំឡុងពេលពពោះ ការប្រែប្រួលប្រព័ន្ធរំលាយអាហារ និងចលនាឈាមរត់អាចបង្កើនហានិភ័យនៃការពុលអាហារ។ ស្ត្រីពពោះអាចមានប្រតិកម្មខ្លាំងជាងអ្នកដទៃៗ ហើយបើក្នុងករណីកម្រខ្លះ វាអាចប៉ះពាល់ទៅដល់ទារកក្នុងផ្ទៃផងដែរ។
ទារក ឬក្មេងតូចៗ៖ ដោយសារនៅតូច ប្រព័ន្ធការពាររាងកាយ នៅមិនទាន់លូតលាស់ពេញលក្ខណៈនៅឡើយ។
មនុស្សមានជំងឺរ៉ាំរ៉ៃ៖ មានជំងឺរ៉ាំរ៉ៃដូចជា ជំងឺទឹកនោមផ្អែម ថ្លើម អេដស៍ ឬមួយទទួលការព្យាបាលដោយគីមី ឬការព្យាបាលដោយកាំរស្មីសម្រាប់ជំងឺមហារីក កាត់បន្ថយការឆ្លើយតបរបស់ប្រព័ន្ធភាពស៊ាំ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ កុំបរិភោគ ប្រមាត់ត្រីក្អែកនិងត្រីត្រសក់ ប្រយ័ត្នពុលគ្រោះថ្នាក់
ចុចអាន៖ សញ្ញាបង្ហាញថាជាតិពុលក្នុងខ្លួន ឡើងដល់កម្រិតគួរបារម្ភ
-
សន្តិសុខសង្គម១ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៦ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៥ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៣ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានជាតិ៤ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា