សុខភាព
តាមដាន! ក្អក ក្ដៅខ្លួន មិនមែនកូវីដទាំងអស់ តែអាចជាជំងឺមួយនេះ
ជំងឺរបេង ជាប្រភេទជំងឺឆ្លងមួយប្រភេទ ដែលភាគច្រើនបង្កផលប៉ះពាល់ដល់សួត។ រោគសញ្ញាជំងឺរបេងមានចំណុចខ្លះដូចជំងឺកូវីដ១៩ ដែរ។ ចំណុចដែលដូចមានដូចជា ក្អក ក្ដៅខ្លួន និងពិបាកដកដង្ហើមជាដើម។ ប៉ុន្តែជំងឺរបេងបង្កដោយបាក់តេរី និងឆ្លងពីមនុស្សម្នាក់ទៅម្នាក់ទៀតតាមរយៈការខ្ទាតទឹកមាត់ពេលក្អក ឬកណ្ដាស់។
បាក់តេរីបង្កជំងឺរបេងខ្លះមានភាពស៊ាំនឹងថ្នាំដែលធ្លាប់ប្រើកន្លងមក។ អ្នកមានជំងឺរបេង ឬមានរបេងសកម្ម ត្រូវការប្រើប្រាស់ថ្នាំព្យាបាលច្រើនប្រភេទ ដើម្បីកម្ចាត់ការឆ្លងនេះ និងការពារភាពស៊ាំនឹងថ្នាំផ្សះ។
១. រោគសញ្ញា
ថ្វីបើបាក់តេរីបង្កជំងឺរបេងអាចចូលក្នុងខ្លួនយើងបានក៏ពិតមែន តែប្រព័ន្ធភាពស៊ាំរបស់យើងជាទូទៅអាចការពារមិនឲ្យយើងធ្លាក់ខ្លួនឈឺបាន។ ដោយហេតុផលនេះហើយ បានជាគ្រូពេទ្យចែកការឆ្លងជំងឺរបេងជាពីរ៖
របេងសម្ងំ៖ មនុស្សយើងអាចឆ្លងមេរោគរបេង ប៉ុន្តែបាក់តេរីនៅក្នុងខ្លួនយើងមិនធ្វើសកម្មភាពទេ ដែលនាំឲ្យយើងគ្មានរោគសញ្ញាអ្វីទាំងអស់។ របេងសម្ងំមិនឆ្លងនោះទេ ប៉ុន្តែវាអាចប្រែទៅជារបេងសកម្មនៅថ្ងៃណាមួយបាន ដូចនេះហើយមានតែការទទួលបានការព្យាបាលទេទើបជាការប្រសើរ។
របេងសកម្ម៖ របេងសកម្ម ឬជំងឺរបេង សំដៅដល់ការចេញរោគសញ្ញា ធ្វើឲ្យយើងធ្លាក់ខ្លួនឈឺ និងអាចចម្លងជំងឺទៅអ្នកផ្សេងផងដែរ។ ជំងឺនេះ អាចលេចឡើងជាច្រើនសប្ដាហ៍ក្រោយឆ្លងបាក់តេរីបង្កជំងឺរបេង ឬច្រើនឆ្នាំក្រោយឆ្លងក៏មាន។
រោគសញ្ញាទូទៅនៃរបេងសកម្ម ឬជំងឺរបេង៖
- ក្អកបីសប្ដាហ៍ ឬលើសពីនេះ
- ក្អកមានឈាម ឬស្លេស្ម
- ឈឺទ្រូង ឬឈឺពេលក្អក ឬដកដង្ហើម
- ស្រកទម្ងន់
- អស់កម្លាំង
- ក្ដៅខ្លួន
- គ្រុនរងា
- មិនឃ្លានអាហារ និង
- បែកញើសពេលយប់។
របេងក៏អាចប៉ះពាល់ដល់សរីរាង្គផ្សេងទៀតនៃរាងកាយដែរ រួមមានតម្រងនោម ឆ្អឹងខ្នង និងខួរក្បាល។ រោគសញ្ញាអាចលេចឡើងផ្សេងៗគ្នា ពេលរបេងកើតលើសរីរាង្គផ្សេងនៃរាងកាយ។ ដូចជារបេងកើតនៅឆ្អឹងខ្នង អាចនាំឲ្យយើងមានអាការៈឈឺខ្នង ហើយបើរបេងកើតនៅតម្រងនោម អាចធ្វើឲ្យយើងមាននោមឈាម។
២. ពេលណាទៅជួបពេទ្យ?
គ្នាយើងគួរប្រញាប់ទៅជួបគ្រូពេទ្យបើសិនជាយើងមានចេញរោគសញ្ញាក្ដៅខ្លួន ស្រកទម្ងន់ បែកញើសពេលយប់ ឬក្អកជាប់ជាប្រចាំ។ រោគសញ្ញាទាំងនេះ អាចជារោគសញ្ញាជំងឺរបេង ឬក៏អាចជារោគសញ្ញារបស់បញ្ហាសុខភាពផ្សេងទៀតដែរ។ ដូចនេះ ការជួបពិភាក្សាជាមួយគ្រូពេទ្យ បានធ្វើរោគវិនិច្ឆ័យត្រឹមត្រូវទើបជាការប្រសើរ។
មជ្ឈមណ្ឌលបង្ការជំងឺឆ្លងអាមេរិក CDCបានណែនាំឲ្យមនុស្សមួយចំនួនគួរធ្វើតេស្តរកជំងឺរបេង អ្នកទាំងនោះមានដូចជា៖
- អ្នកមានផ្ទុកមេរោគអេដស៍
- អ្នកធ្លាប់ប៉ះពាល់នឹងអ្នកកើតរបេង និង
- អ្នកនៅក្នុងសហគមន៍ប្រឈមជំងឺរបេង ជាដើម៕
អត្ថបទផ្ដល់ដោយ៖Hello Krupet
ចុចអាន៖ប្រយ័ត្នផង! អាកាសធាតុក្ដៅអាចប៉ះពាល់ការដកដង្ហើម និងសួត
ចុចអាន៖តិចនិកបែងចែកឲ្យដាច់ អាការក្ដៅខ្លួនដោយសារគ្រុនឈាម និងកូវីដ-១៩
សហព័ន្ធប្រដាល់គុនខ្មែរ៖ បើកវគ្គបណ្ដុះបណ្ដាលគ្រូបង្វឹករយៈពេល ៥ថ្ងៃដោយផ្តោលើពីរចំណុចសំខាន់ៗ
វិសោធនកម្មរដ្ឋធម្មនុញ្ញបើកផ្លូវឱ្យអាចដកសញ្ជាតិខ្មែរបានត្រូវបានចូលជាធរមាន
ទីផ្សារខុនដូថៃ ធ្លាក់ចុះទាបបំផុតក្នុងរយៈពេល ១៦ ឆ្នាំ ដោយសារសម្ពាធសេដ្ឋកិច្ច
អភិបាលខណ្ឌឫស្សីកែវ ណែនាំអាជ្ញាធរសង្កាត់ជាប់ដងទន្លេសាប ត្រូវពិនិត្យលើសំណង់តាមដងទន្លេឲ្យបានតឹងរ៉ឹង
រលកកម្ដៅខ្លាំងធ្វើឲ្យអ៊ីរ៉ង់ខ្វះខាតទឹកធ្ងន់ធ្ងរ ខណៈសីតុណ្ហភាពឡើងលើសពី ៥០ អង្សារសេ
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានអន្ដរជាតិ២០ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន