សុខភាព
កុំប្រហែស! អូមីក្រុង ចេញរោគសញ្ញាប្លែកប៉ុន្មាននេះ គ្មានអ្នកចាប់អារម្មណ៍សោះ
កាលពីយប់ថ្ងៃអង្គារទី ០៨ខែកុម្ភៈ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានចេញសារពិសេស ដោយប្រកាសរកឃើញអ្នកឆ្លងវីរុសបំប្លែងខ្លួនប្រភេទ អូមីក្រុង លើស២០០ករណី ក្នុងរយៈពេលត្រឹមតែមួយថ្ងៃ។
តាមរយៈសារពិសេសនោះ សម្តេច បានអំពាវនាវដល់សាធារណជនទាំងអស់ ត្រូវយកចិត្តទុកដាក់ទៅលើកិច្ចការពារខ្លួនជាចាំបាច់ ដោយអនុវត្ត៣កុំ ៣ការពារ ក្នុងការជួបជុំ ឬការប្រមូលផ្តុំនានា។
ដោយឡែក ក្រុមអ្នកវិទ្យាសាស្រ្តនៅចក្រភពអង់គ្លេសបានអះអាងថា អ្នកនៅតែអាចឆ្លងមេរោគបំប្លែងខ្លួន អូមីក្រុង ទោះអ្នកធ្លាប់ឈឺ ដែលតា ក៏ដោយ ហើយមានរោគសញ្ញាអូមីក្រុង ប្លែកៗជាច្រើន ដែលមនុស្សមិនចាប់អារម្មណ៍សោះ។
ទិន្នន័យមួយចំនួនបង្ហាញថា វីរុសអូមីក្រុង មិនមែនចេញតែរោគសញ្ញាធំៗចំនួន៣ ដូចប្រភេទ មុនៗនោះទេ។ មនុស្សក៏គួរតែដឹងពីសញ្ញាផ្សេងទៀតដែលទាក់ទងនឹង អូមីក្រុង ផងដែរ។
ក្រុមអ្នកជំនាញនៅស្ថាប័នសុខភាពអង់គ្លេសហៅកាត់ NHS បានព្រមានថា បញ្ហាសន្លាក់ និងសាច់ដុំ បញ្ហាស្មា ក ខ្នង និងជង្គង់ ក៏ជាសញ្ញាបញ្ជាក់ថា អ្នកឆ្លងអូមីក្រុងដែរ។
NHS និយាយថា “មនុស្សបានប្រាប់យើងពីបញ្ហាទូទៅបំផុត បន្ទាប់ពីឆ្លងកូវីដ ហើយបញ្ហាទាំងនោះគឺឈឺស្មា និងខ្នង ប៉ុន្តែបញ្ហាសន្លាក់ និងសាច់ដុំអាចកើតឡើងនៅផ្នែកណាមួយនៃរាងកាយ។ មនុស្សមួយចំនួនមានការឈឺចុកចាប់ខ្លាំងជាមួយរោគសញ្ញាទាំងនេះ”។
ជាងនេះទៅទៀត ទិន្នន័យពីកម្មវិធីសិក្សារោគសញ្ញាកូវីដ ZOE របស់ចក្រភពអង់គ្លេសបានបង្ហាញថា ការឈឺសាច់ដុំដែលទាក់ទងនឹង កូវីដ អាចមានចាប់ពីកម្រិតស្រាលដល់កម្រិតមធ្យម ជាពិសេសនៅពេលដែលវាកើតឡើងលើមនុស្សឧស្សាហ៍អស់កម្លាំង។ សម្រាប់មនុស្សមួយចំនួន ការឈឺចាប់សាច់ដុំនេះ អាចរារាំងពួកគេមិនឲ្យធ្វើកិច្ចការប្រចាំថ្ងៃបាន។
ក្រុមអ្នកវិទ្យាសាស្រ្តបានណែនាំថា ការឈឺចាប់សាច់ដុំមិនធម្មតា អាចជារោគសញ្ញាដំបូងនៃជំងឺ កូវីដ១៩៕
ប្រែសម្រួល៖ Vann Vann
ប្រភព៖ Express
ចុចអាន៖ WHO៖ អូមីក្រុង ក្លាយពូជ BA.2 ទំនងមិនធ្ងន់ធ្ងរជាងវីរុសទម្រង់ដើមទេ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)