សុខភាព
អ្នកជំនាញសុខភាព ព្រមានថា ការជក់ VAPE នឹងនាំឲ្យខូចខួរក្បាល និងខូចសួតយ៉ាងធ្ងន់ធ្ងរ
អ្នកជំនាញសុខភាពកម្ពុជា បានព្រមានថា ការជក់ពពួក VAPE ឬបារីអេឡិចត្រូនិកនេះ នឹងនាំឲ្យខូចសុខភាពខួរក្បាល ហើយនឹងនាំឲ្យស៊ីសួតយ៉ាងធ្ងន់ធ្ងរថែមទៀតផង។ ការព្រមាននេះ ធ្វើឡើងស្របពេលដែលការជក់VAPE ឬបារីអេឡិចត្រូនិកកំពុងមានការកើនឡើងនៅក្នុងស្រទាប់យុវ័យកម្ពុជា។
លោកវេជ្ជបណ្ឌិត មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជាបានបញ្ជាក់ប្រាប់“កម្ពុជាថ្មី” ឱ្យដឹងថា ការដែលជក់ VAPE ឬបារីអេឡិចត្រូនិកនេះ គឺគ្មានឡើយពាក្យថាមិនប៉ះពាល់ដល់សុខភាព។ លោកអះអាងដូច្នេះថា៖ «ការជក់ VAPE ឬបារីអេឡិចត្រូនិចនេះ ធ្វើឱ្យខូចដល់កោសិកាខួរក្បាល និងឈានទៅស៊ីសួតយ៉ាងធ្ងន់ធ្ងរ ដោយសារតែចំហាយភាគល្អិតដែលមាននៅក្នុងបារីអេឡិចត្រូនិក។ មិនតែប៉ុណ្ណោះ ការជក់ VAPE នេះ វាក៏ជាភ្នាក់ងារចម្លងមេរោគកូវីដ-១៩ ផងដែរ ដោយសារតែក្មេងៗយុវវ័យ ប្រើប្រាស់ឧបករណ៍រួមគ្នាដោយជក់ពីមាត់មួយទៅមាត់មួយទៀត»។
ដោយឡែក ចំពោះការឃោសនាមួយចំនួនពីសំណាក់អ្នកលក់ផលិតផល VAPE ឬបារីអេឡិចត្រូនិកថា ការជក់ VAPE នេះជាវិធីនាំឱ្យផ្តាច់បារីនោះ លោកវេជ្ជបណ្ឌិត មុំ គង់ មិនឯកភាពឡើយ។ លោកថា គ្មានឡើយការផ្តាច់បារីដោយគ្រាន់តែជក់ VAPE ឬបារីអេឡិចត្រូនិកជំនួស។ ផ្ទុយមកវិញ វាទំនងនាំឱ្យអ្នកជក់ VAPE ងាកទៅកាន់ការជក់បារីធម្មតា២ដង ច្រើនជាងអ្នកដែលមិនជក់បារីអេឡិចត្រូនិកទៅទៀត។
គួរជម្រាបជូនថា ការជក់ VAPE ឬបារីអេឡិចត្រូនិក គឺទាន់សម័យ តែមនុស្សស្លាប់ដោយសារបារីអេឡិចត្រូនិចនេះ ដក៏នៅតែជាការពេញនិយមដែរ។ តាមការចុះផ្សាយរបស់មជ្ឈមណ្ឌលគ្រប់គ្រង និងបង្ការជំងឺឆ្លង( CDC)របស់អាមេរិក គឺប្រជាពលរដ្ឋជិត ៣ ពាន់នាក់ ជាពិសេស យុវជន បានចូលពេទ្យដោយសារតែជក់ VAPE និងជិត ១០០នាក់បានស្លាប់ជារៀងរាល់ឆ្នាំ។ ទិន្នន័យនេះ បង្ហាញថា គ្មានឡើយសុវត្ថិភាពណាមួយដែលបានមកពីការជក់បារីអេឡិចត្រូនិច VAPE នេះ៕
ដោយ៖ នាង រតនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង