ស្រីៗមិនគួររំលង ការយល់ដឹងពីថ្នាំ ៧២ ម៉ោង

ថ្នាំ៧២ម៉ោង ឬ ថ្នាំពន្យាកំណើតបន្ទាន់គឺជា ប្រភេទថ្នាំពន្យាកំណើតសម្រាប់មនុស្សស្រីលេបបន្ទាប់ពីរួមភេទហើយមុនរយៈពេល៧២ម៉ោង។ គេច្រើនប្រើថ្នាំនេះសម្រាប់ការពារការមានកូនចំពោះជនរងគ្រោះពីការរំលោភបំពាន ឬការរួមភេទដោយគ្មានការការពារ។

មិនមែនស្រីៗគ្រប់គ្នាសុទ្ធតែអាចលេបថ្នាំពន្យាកំណើតបន្ទាន់នោះទេដូចជា ស្ត្រីមានគត៌ ស្ត្រីបំបៅដោះកូន ស្ត្រីលើសទម្ងន់ និងស្ត្រីអាឡ័កស៉ីនឹងថ្នាំនេះជាដើម។ ចំណែកឯផលប៉ះពាល់វិញមានរយៈពេលយ៉ាងយូរ២-៣ថ្ងៃប៉ុណ្ណោះដូចជា៖ ចង់ក្អួត ក្អួត វិលមុខ ឈឺក្បាល ឈឺសុដន់ ធ្លាក់ឈាម ចុកថ្ងាសពោះ និងអស់កម្លាំង។ ដើម្បីទទួលប្រសិទ្ធភាពអតិបរមាពីការពន្យាកំណើតជាបន្ទាន់គួរតែចាប់ផ្តើមឱ្យឆាប់រហ័សតាមដែលអាចធ្វើទៅបាន បន្ទាប់ពីការរួមភេទដោយមិនការពារ និងក្នុងរយៈពេល ៧២ ម៉ោង អ្នកអាចលេបថ្នាំពន្យារកំណើតបន្ទាន់គ្រប់ពេល និងអំឡុងពេលមករដូវ។ ខណៈថ្នាំពន្យាកំណើតជាថ្នាំល្បីក្នុងការប្រើប្រាស់ យើងប្រហែលជាធ្លាប់ឮពីមាត់មួយទៅមាត់មួយថា ការប្រើប្រាស់ថ្នាំនេះអាចធ្វើឲ្យស្ត្រីមិនមានគត៌នាថ្ងៃអនាគត ឬប៉ះពាល់គត៌ ការពិតទៅវាគ្រាន់តែជាពាក្យចចាមរ៉ាមនោះទេ។ ថ្នាំ៧២ម៉ោងជាថ្នាំដែលផ្ដល់ឥទ្ធិពលរយៈពេលខ្លីមិនអាចធ្វើឲ្យស្ត្រីគ្មានគត៌ជារៀងរហូតបានឡើយ។

ក្នុងករណីក្អួតចង្អោរបន្ទាប់ពីលេបថ្នាំរយៈពេល២ម៉ោង អ្នកគប្បីទៅប្រឹក្សាជាមួយគ្រូពេទ្យក្រែងលត្រូវលេបម្ដងទៀត។ ហាមរួមភេទរហូតដល់អ្នកចាប់ផ្ដើមប្រើប្រាស់វិធីពន្យាកំណើតដទៃទៀតព្រោះអ្នកមិនអាចលេបវាជារៀងរាល់ពេលទេដូច្នេះស្ត្រីនឹងមានឱកាសក្នុងការមានគត៌ដដែល។ សូមតាមដានរដូវខ្លួនឯងឲ្យច្បាស់លាស់ ប្រសិនបើបាត់លើសពីពីរអាទិត្យត្រូវពិនិត្យទឹកនោមភ្លាម។

ជាធម្មតាអ្នកប្រើប្រាស់មិនចាំបាច់ទាក់ទងទៅពេទ្យរហូតទេ លើកលែងតែមានការហូរឈាមឬចុកពោះខុសធម្មតាទើបចាំបាច់ទៅពេទ្យដោយសារវាអាចជាការរលូតកូននិងមានកូននៅក្រៅស្បូន៕

ប្រែសម្រួលដោយ៖ វារី

ចុចអាន៖ ជៀសវាងការទិញថ្នាំពន្យារកំណើតក្លែងក្លាយ ដោយពិនិត្យមើលរបស់ទាំងនេះ…