សុខភាព
ក្រៅពី កម្ពុជា ប្រទេស អាស៊ាន ៣ ទៀតក៏កំពុងប្រុងជើងការខ្ពស់ចំពោះជំងឺផ្ដាសាយបក្សី H5N1
បន្ទាប់ពីកុមារីកម្ពុជាអាយុ ១១ ឆ្នាំម្នាក់បានស្លាប់ ដោយសារជំងឺគ្រុនផ្តាសាយបក្សី H5N1 ក្នុងនោះ អាជ្ញាធរថៃ វៀតណាម និងឡាវក៏បានចេញសេចក្តីជូនដំណឹងអំពីការផ្ទុះឡើងដែលអាចកើតមាននៅក្នុងប្រទេស ក៏ដូចជាត្រូវមានការប្រុងប្រយ័ត្ន ដើម្បីដោះស្រាយបញ្ហានេះផងដែរ ។
នាយករងនៃនាយកដ្ឋានគ្រប់គ្រងជំងឺថៃ (DDC) លោកវេជ្ជបណ្ឌិត Sopon Iamsirithaworn បាននិយាយថា DDC បាននិងកំពុងសហការជាមួយរដ្ឋាភិបាលកម្ពុជាដើម្បីកំណត់ការឆ្លងជំងឺផ្ដាសាយបក្សី H5N1 បន្ទាប់ពីប្រទេសថៃមិនបានរកឃើញវីរុសមួយនេះអស់រយៈពេល ១៦ ឆ្នាំមកហើយ ។
ចំណែកវិទ្យាស្ថានប៉ាស្ទ័ររបស់វៀតណាមនៅក្នុងទីក្រុងហូជីមិញ ក៏បានជូនដំណឹងដល់ប្រជាពលរដ្ឋរស់នៅភាគខាងត្បូង ដែលនៅជិតព្រំដែនវៀតណាម និងកម្ពុជា ឲ្យមានការប្រុងជើងការខ្ពស់ផងដែរ ចំពោះជំងឺផ្ដាសាយបក្សី H5N1 នេះ ។
នាយករងនៃវិទ្យាស្ថានប៉ាស្ទ័រ លោកវេជ្ជបណ្ឌិត Nguyen Vu Thong បានសង្កត់ធ្ងន់ថា ដើម្បីបញ្ឈប់ការផ្ទុះឡើងដែលអាចកើតមាននេះ, តំបន់ព្រំដែនគួរតែបង្កើនការឃ្លាំមើលជំងឺរលាកសួតមួយនេះ ហើយបញ្ជូនសំណាកករណីសង្ស័យទៅវិទ្យាស្ថានដើម្បីធ្វើតេស្ត ។
ស្របពេលជាមួយគ្នានេះ ប្រទេសឡាវ ក៏បានចេញសេចក្ដីជូនដំណឹងដូចគ្នា ដល់ប្រជាជននៅខេត្ត Champasack និងខេត្ត Attapeu ភាគខាងត្បូង ដែលមានព្រំដែនជាប់ជាមួយកម្ពុជា ចំពោះវីរុស H5N1 នេះ ខណៈអាជ្ញាធរសុខាភិបាលកំពុងអនុវត្តវិធានការ ដើម្បីការពារការផ្ទុះឡើងដែលអាចកើតមាននៅក្នុងប្រទេស ។
គួរបញ្ជាក់ថា បច្ចុប្បន្នជំងឺផ្ដាសាយបក្សី H5N1 បានរីករាលដាលដល់ប្រទេស និងដែនដីសរុបចំនួន ២១ ហើយ ខណៈគិតពីឆ្នាំ ២០០៣ ដល់ត្រឹមចុងខែកុម្ភៈ ឆ្នាំ ២០២៣ ពិភពលោកមានករណីឆ្លងជំងឺនេះសរុបចំនួន ៨៧៣ ករណី និងមានអ្នកស្លាប់ចំនួន ៤៥៨ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Laotian Times
ចុចអាន ៖ មកដឹងចំនួនអ្នកឆ្លង និងស្លាប់សរុប បណ្ដាលមកពីជំងឺផ្ដាសាយបក្សី H5N1 លើពិភពលោក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង