តើអ្វី​ទៅ ជា​ជំងឺមហារីក​ដៃ​ស្បូន​!

​ជា​ជំងឺមហារីក​ដែល​កើត​លើ​ដៃ​ស្បូន​របស់​ស្ត្រី​។ ជំងឺ​នេះ​ឈរ​ជួរ​ទី​៧ នៃ​ជំងឺមហារីក​ទាំងអស់រ​បស់​ស្ត្រី​។ ៣/៤ នៃ​ជំងឺ​នេះ​ត្រូវបានធ្វើ​រោគវិនិច្ឆ័យ​យឺតយ៉ាវ ហើយ​ភាគច្រើន​ស្ថិតក្នុង​ដំណាក់កាល​ចុងក្រោយ​។​

​ក​) កត្តា​ប្រឈម និង​មូល​ហេតុដែល​បណ្តាលឲ្យ​កើតមាន​ជំងឺមហារីក​ដៃ​ស្បូន​លើ​ស្ត្រី​៖

– បញ្ហា​ហ្សែ​ន (Génétiques): ១/១០ នៃ​មហារីក​ដៃ​ស្បូន​បណ្តាលមកពី​កត្តា​ហ្សែ​ន​គ្រួសារ (Mutation du gene BRCA 1 ou BRCA 2)

– បញ្ហា​ទាក់ទង​នឹង​ស្ត្រី​: អត់​មានកូន មក​រដូវ​នៅ​វ័យក្មេង​ពេក និង​អស់​រដូវ​នៅ​វ័យចាស់​ពេក​

– ស្ត្រី​មាន​អាយុ​លើសពី ៥០​ឆ្នាំ​

– មាន​ប្រវត្តិ​បាញ់​កាំរស្មី​នៅ​តំបន់​ពោះ ឬ​អាង​ត្រគាក​

​ខ​) រោគសញ្ញា​៖

– នៅ​ដំណាក់កាល​ដំបូង យើង​អាច​រកឃើញ​ដោយ​ចៃដន្យ​នៅពេល​ពិនិត្យ​សុខភាព​

– ឈឺ ឬក៏​ធ្ងន់ៗ​នៅ​តំបន់​ត្រគាក​

– ពោះ​ឡើង​ធំ ស្ទាប​ប៉ះ​ដុំ​សាច់​

– ធ្លាក់ឈាម ឬ​ធ្លាក់​ទឹកថ្លាៗ តាម​ទ្វារមាស​

– រាងកាយ​ទ្រុឌទ្រោម អស់​កម្លាំង ល្ហិតល្ហៃ និង​ស្លេកស្លាំង​

– រោគសញ្ញា​ផ្សេងៗ​ទៀត​ដូចជា​:

• ហត់​

• ឈឺទ្រូង​

• ហើមជើង​

• ស្ទះខ្យល់ ឬ​ទល់លាមក​

• ពិបាក​បត់ជើងតូច​…​។​

​គ​) ការធ្វើ​រោគវិនិច្ឆ័យ​នៃ​ជំងឺ​មហារីក​ដៃ​ស្បូន​តាមរយៈ​៖

– អេកូ​ពោះ​

– ស្កេ​ន​ពោះ​

– មើល​ឈាម​: CA 125 (Adénocarcinome séreux), CA 19.9 et ACE (Adénocarcinome mucineux), AFP et LDH (Tumeur germinale et choriocarcinome)

– អ្វីដែល​សំខាន់បំផុត​ ក្នុង​ការធ្វើ​រោគវិនិច្ឆ័យ​នៃ​ជំងឺ​កាច​សាហាវ​នេះ គឺ​ការយក​ដុំ​សាច់​ទៅ​វិភាគ​ដោយ​មីក្រូ​ទស្សន៍ (Anapath) តាមរយៈ​ការវះកាត់​យក​ដុំ​សាច់​នោះ​ទៅ​មើល ឬ​ច្រឹប​សាច់​នៅ​កន្លែង​ដែល​មហារីក​រាលដាល (​ឧ​ទាៈ ថ្លើម សួត​…) ឬ​ក្នុងករណី​មានទឹក​ក្នុង​ស្រោមពោះ យើង​អាច​បូម​ទឹក​នោះ ទៅ​វិភាគ​រក​កោសិកា​មហារីក​។​

​ឃ​) ការព្យាបាល​៖

​ការព្យាបាល​ជំងឺមហារីក​ដៃ​ស្បូន ធ្វើតាម​ដំណាក់កាល​របស់​ជំងឺ​។ ប៉ុន្តែ​ជាទូទៅ​ការព្យាបាល​រួមមាន​:

– ការវះកាត់​

– ការចាក់​ថ្នាំ​គីមី​

​ក្រុមការងារ​វេជ្ជបណ្ឌិត​ឯកទេស​នៃ​មន្ទីរពេទ្យ​កាល់ម៉ែត កំពុង​ត្រៀមខ្លួន​ផ្តល់​ការប្រឹក្សា និង​ការព្យាបាល​ដ៏​ត្រឹមត្រូវ ចំពោះ​លោកស្រី អ្នកនាង កញ្ញា ដែល​ជួប​បញ្ហា​នេះ ប្រកបដោយ​ការយកចិត្តទុកដាក់ និង​ក្រមសីលធម៌​ខ្ពស់បំផុត ៕

អត្ថបទ៖ ​រស្មី

សូមចុចអាន៖ ​កា​រព្យាបាល​តម្រង​កែវភ្នែក​ស្រអាប់​ ដោយ​កាំរស្មី (YAG-Capsulotomy)

​