រឿង៣យ៉ាង មិនគួរផឹកទឹកក្រូចរបៀបនេះ ព្រោះអាចប៉ះពាល់ដល់សុខភាពធ្ងន់

ទឹកក្រូច ជាទឹកផ្លែឈើជ្រើសរើសដោយមនុស្សជាច្រើន ដោយសារតែវាមានរសជាតិឆ្ងាញ់ សម្បូរទៅដោយវីតាមីន C និងសារធាតុប្រឆាំងអុកស៊ីតកម្ម។ ការសិក្សាមួយចំនួនបង្ហាញថា ការផឹកទឹកក្រូចឲ្យបានត្រឹមត្រូវអាចជួយបង្កើនភាពធន់ ធ្វើឲ្យស្បែកប្រសើរឡើង និងជួយដល់ការរំលាយអាហារ។ ទោះជាយ៉ាងណាក៏ដោយ មនុស្សជាច្រើនមានទម្លាប់ផឹកទឹកក្រូចគ្រប់ពេល ដោយមិនគិតទុកជាមុនអំពីគ្រោះថ្នាក់ដែលអាចកើតមាននោះទេ។

យោងតាមគ្រូពេទ្យបុរាណ Bui Dac Sang សមាគមឱសថបូព៌ាហាណូយ ខាងក្រោមនេះជារឿង ៣យ៉ាង ដែលអ្នកមិនគួរផឹកទឹកក្រូច ដើម្បីកុំឲ្យប៉ះពាល់ដល់សុខភាព៖

កុំផឹកទឹកក្រូចនៅពេលយប់

ការសិក្សាជាច្រើនបង្ហាញថា យើងមិនគួរផឹកទឹកក្រូចនៅពេលយប់នោះទេ ព្រោះវាអាចឲ្យកើតជំងឺ Nocturia និងគេងមិនលក់បានយ៉ាងងាយ។ លើសពីនេះ មុនពេលចូលគេង ប្រសិនបើអ្នកផឹកទឹកក្រូច ទឹកមាត់របស់អ្នកនឹងមិនមានច្រើនដូចពេលភ្ញាក់ពីគេង ដូច្នេះវាមិនអាចបន្សាបអាស៊ីតទាំងអស់នៅក្នុងផ្លែក្រូចបានទេ។ នេះនឹងប៉ះពាល់ដល់ស្រទាប់ធ្មេញ។

កត្តាសំខាន់មួយដែលត្រូវកត់សម្គាល់នៅពេលមិនផឹកទឹកក្រូចនៅពេលយប់ គឺដោយសារតែសារធាតុរ៉ែដ៏ច្រើន និងប្រភពថាមពលនៅក្នុងទឹកក្រូចនឹងស័ក្តិសមសម្រាប់ការបំពេញបន្ថែមនៅពេលដែលរាងកាយរបស់យើងធ្វើការ និងបាត់បង់ថាមពល។

ពេលល្ងាចគឺជាពេលដែលរាងកាយបានសម្រាក និងមិនប្រើប្រាស់ថាមពល ប្រសិនបើអ្នកផឹកទឹកក្រូចនៅពេលយប់ រាងកាយនឹងមានថាមពលលើស ហើយប្រមូលផ្តុំជាតិទឹក និងខ្លាញ់នៅក្នុងពោះ។

ដូច្នេះហើយ វា​នឹង​បាត់បង់​ឥទ្ធិពល​នៃ​ការ​សម្រក​ទម្ងន់ ហើយ​ជំនួស​មកវិញ​នឹង​ធ្វើឲ្យឡើង​ទម្ងន់​ ដោយសារ​អាហារ​បំប៉ន​លើស​។ ទន្ទឹមនឹងនោះ ការផឹកទឹកក្រូចនៅពេលយប់ក៏បាត់បង់សមត្ថភាពក្នុងការជួយព្យាបាលគ្រួសក្នុងតម្រងនោម ហើយផ្ទុយទៅវិញ វាមានលទ្ធភាពខ្ពស់ក្នុងការបង្កើតគ្រួសក្នុងតម្រងនោម ដោយសារតែជាតិរ៉ែច្រើនហួសប្រមាណ ហើយវានឹងបង្កជាក្រួសក្នុងតម្រងនោម។

ពេលឃ្លាន

ការ​ផឹក​ទឹក​ក្រូច​ពេល​ឃ្លាន ​មាន​ផល​ប៉ះពាល់​ធ្ងន់ធ្ងរ​ដល់​ក្រពះ។ បរិមាណនៃវីតាមីន C នៅក្នុងទឹកក្រូចអាចធ្វើអន្តរកម្មជាមួយនឹងអាស៊ីតក្រពះ ដែលបណ្តាលឲ្យមានដំបៅ ប្រសិនបើទទួលទានក្នុងបរិមាណច្រើន។

ការផឹកទឹកក្រូចពេលពោះទទេក៏អាចបង្កើនកម្រិតអាស៊ីតចំពោះអ្នកដែលមានបញ្ហាក្រពះ ដែលនាំអោយមានរោគសញ្ញាដូចជាក្រហាយទ្រូង និងធ្វើឲ្យដំបៅកាន់តែធ្ងន់ធ្ងរ។

នៅពេលផឹកទឹកដោះគោ

អ្នកមិនគួរផឹកទឹកក្រូចភ្លាមៗបន្ទាប់ពីផឹកទឹកដោះគោទេ ព្រោះប្រូតេអ៊ីននៅក្នុងទឹកដោះគោ នឹងមានប្រតិកម្មជាមួយនឹងអាស៊ីត tartaric និងវីតាមីន C នៅក្នុងផ្លែក្រូច ដែលវាប៉ះពាល់ដល់ដំណើរការរំលាយអាហារ ថែមទាំងធ្វើឲ្យហើមពោះ ឈឺពោះ និងរាគទៀតផង៕

អត្ថបទ៖ សាង ស្រីល័ក្ខ

ចុចអាន៖តើមានអ្វីកើតឡើងចំពោះរាងកាយ បើអ្នកផឹកទឹកក្រូចរៀងរាល់ព្រឹក?