KPT+

អ្នកចិត្តសាស្ត្រគិតថា កំណាព្យស្នេហាទៅកាន់ដៃគូ មានឥទ្ធិពលបង្កើនភាពស្អិតរមួត

បានផុស

៥ years មុន

នៅ

ថ្ងៃសៅរ៍ ២៤ មេសា ២០២១

ដោយ

មិនថាទំនាក់ទំនងស្នេហារបស់យើង កំពុងមានស្ថានភាពល្អហើយក៏ដោយ ពេលខ្លះយើងត្រូវមានគំនិតច្នៃប្រឌិតដើម្បីបង្ហាញថា យើងស្រលាញ់គេប៉ុណ្ណា។

តើវិធីណាដែលល្អដើម្បីបង្ហាញសេចក្ដីស្រឡាញ់ទៅកាន់គូស្នេហ៍ ?

សរសេរកំណាព្យស្នេហា ហាក់ដូចជាពិបាក ប្រសិនបើយើងមិនធ្លាប់សរសេរពីមុន។ ដូច្នេះនេះគឺជាគន្លឹះខ្លះៗ ទាក់ទងនឹងអ្វីដែលត្រូវសរសេរកំណាព្យស្នេហាផ្ទាល់ខ្លួនទៅដៃគូ ៖

១. ប្រើខួរក្បាលនិងអារម្មណ៍

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបំផុសគំនិតគឺជាផ្នែកសំខាន់មួយនៃដំណើរការសរសេរ។ ត្រូវគិតនិងដករឿងមិនល្អចេញ ដូច្នេះទើបអាចបំផុសគំនិតល្អៗដែលជាផ្នែកសំខាន់មួយនៃដំណើរការសរសេរ។

វិធីមួយទៀតគឺត្រូវបកទៅមើលអតីតកាលនិងការចងចាំពីពេលវេលាពិសេសមួយ ដែលអ្នកទាំងពីរមានជាមួយគ្នា។ ប្រាប់ដៃគូឲ្យច្បាស់ពីអារម្មណ៍របស់យើង រៀបរាប់ពីអ្វីដែលយើងគិតដល់ពួកគេជាខ្លាំងនៅពេលនេះ។

២. សរសេរកំណាព្យដែលយើងធ្លាប់ដឹង

នេះជាសារៈសំខាន់សម្រាប់យើងក្នុងការជ្រើសរើសទម្រង់ដែលចង់សរសេរកំណាព្យ ដើម្បីអាចសរសេរកំណាព្យតាមរបៀបមួយត្រឹមត្រូវ។ បើយើងចង់បានកំណាព្យខ្លីមួយដែលមានពាក្យពេចន៍និងអត្ថន័យល្អៗ អាចជ្រើសរើសតាមកំណាព្យរបស់ Haiku បាន។

កំណាព្យខ្លះមិនចាំបាច់ល្អឥតខ្ចោះ ឬដូចអ្នកអាជីពឡើយ គ្រាន់តែធ្វើឲ្យប្លែកសម្រាប់ដៃគូរបស់យើង។

៣. ប្រើភាពស្មោះត្រង់

ដៃគូខ្លះមិនសូវចូលចិត្តនិយាយឡើយ ប៉ុន្តែអាចសរសេរកំណាព្យប្រាប់ពីអារម្មណ៍ទៅកាន់ដៃគូបាន។ អាចប្រាប់រឿងមួយពួកគេបានផ្លាស់ប្ដូរជីវិតរបស់យើងប្រសើរជាងមុន និងវិធីដែលពួកគេធ្វើឲ្យយើងក្លាយជាមនុស្សល្អ ពេលនៅជាមួយពួកគេ។ ប៉ុន្តែត្រូវប្រាកដថា ចេញពីបេះដូងនិងមនោសញ្ចេតនារបស់យើង។

៤. សរសេរពីថ្ងៃដំបូងដែលអ្នកទាំងពីរបានជួបគ្នា

មនុស្សគ្រប់គ្នាចូលចិត្តចងចាំពីអតីតកាល មិនថាអាក្រក់ឬល្អឡើយ។ ដូច្នេះយើងក៏អាចប្រាប់ដៃគូបានថា យើងលង់ស្នេហ៍គេដំបូងយ៉ាងម៉េច ឬត្រូវចំណាយពេលប៉ុន្មានថ្ងៃឬខែ ដើម្បីស្គាល់គ្នាមុនពេលអ្នកទាំងពីរធ្លាក់ក្នុងអន្លង់ស្នេហ៍គ្នាទៅវិញទៅមក។

វាមិនចាំបាច់ជាពេលវេលាដ៏ធំឬអស្ចារ្យនៅក្នុងទំនាក់ទំនង ដែលយើងចងចាំបំផុតនោះទេ។ អាចជារឿងតូចតាចដែលធ្វើឲ្យបេះដូងមនុស្សពីរនាក់ រំជួលចិត្តនិងចងចាំតែប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖ស្រែក ឬ ដំឡើងសំឡេងដាក់ដៃគូ គឺជាអាវុធបំផ្លាញស្នេហាយ៉ាងសាហាវ

ចុចអាន៖មនុស្សស្រីម្នាក់ នៅនឹករលឹកសង្សារចាស់ឬអត់ មើលសញ្ញាទាំងនេះ

Related Topics:ស្នេហា កំណាព្យស្នេហា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា