KPT+

វិធីបណ្ដុះបណ្ដាលខួរក្បាលឲ្យមានតែរឿងសុទិដ្ឋិនិយម

បានផុស

៤ years មុន

នៅ

ថ្ងៃអង្គារ ១១ ឧសភា ២០២១

ដោយ

ស្រដៀងគ្នាទៅនឹងទម្លាប់ណាមួយដែរ ខួរក្បាលរបស់មនុស្សក៏មានលក្ខខណ្ឌការគិត និងមានឥរិយាបថតាមរបៀបជាក់លាក់ ឬតាមរយៈពាក្យដដែលៗដូចគ្នា។ ដូច្នេះត្រូវទម្លាប់បង្វឹកខួរក្បាលឲ្យកាន់តែវិជ្ជមាន ដើម្បីជួយបង្កើនការគិតវិជ្ជមានល្អដល់ខួរក្បាល ។

នេះជាវិធី ៣ យ៉ាងដែលអាចបង្វឹកខួរក្បាលឲ្យមានភាពវិជ្ជមានជាងមុន ៖

១. ប្រឈមនឹងគំនិតអវិជ្ជមាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចិត្តរបស់យើងគឺជាឧបករណ៍ដ៏មានឥទ្ធិពលមួយ យើងអាចបំពេញវាដោយគំនិតវិជ្ជមានឬអវិជ្ជមាន។ មនុស្សជាមធ្យមមានគំនិតរាប់ពាន់ក្នុងមួយថ្ងៃ ដែល ៨០% នៃគំនិតអវិជ្ជមានហើយ ៩៥% ជាគំនិតដូចគ្នានឹងថ្ងៃមុន។

មនុស្សមានបញ្ហានៅពេលពួកគេកំណត់ថា ពួកគេជានរណា ដោយផ្អែកលើគំនិតខ្លួនឯង។ នេះមិនមែនជាគំនិតរបស់យើងទេ ដូច្នេះកុំជឿអ្វីគ្រប់យ៉ាងដែលយើងបានគិត។

នៅពេលដែលយើងមានគំនិតដែលមិនល្អណាមួយលេចឡើងមក សូមឈប់ ហើយពិចារណាថា តើការគិតនោះត្រឹមត្រូវឬអត់។ វិធីលឿនបំផុតដើម្បីផ្លាស់ប្ដូរជីវិត គឺត្រូវផ្លាស់ប្ដូរការនិយាយស្ដីរបស់ខ្លួន។ ការផ្លាស់ប្ដូររឿងតូចនៅក្នុងផ្នត់គំនិតខ្លួនឯង អាចបង្កឲ្យមានការផ្លាស់ប្ដូរយ៉ាងខ្លាំង នៅក្នុងរបៀបដែលយើងយល់ថា ខ្លួនឯង អ្នកដទៃនិងពិភពលោក គឺរួបរួមគ្នា។

២. ហ៊ុំព័ទ្ធខ្លួនជាមួយមនុស្សវិជ្ជមាន

ជោគជ័យរបស់យើងនៅក្នុងជីវិតត្រូវបានកំណត់ដោយផ្នែកធំ នៃបរិស្ថានរបស់យើង។ ប្រសិនបើយើងចង់ក្លាយជាមនុស្សសុទិដ្ឋិនិយម ត្រូវតែព័ទ្ធជុំវិញខ្លួនជាមួយមនុស្សសុទិដ្ឋិនិយមដូចគ្នា។ កុំរអ៊ូថាយើងមានតែទុក្ខជាប់ខ្លួននោះ បើជីវិតយើងព័ន្ធជុំវិញមនុស្សមុខមិនញញឹម នាំតែទុក្ខមករាល់ថ្ងៃ។

លោក Jim Rohn ធ្លាប់បាននិយាយថា “ អ្នកជាមធ្យមក្នុងចំណោមមនុស្ស ៥ នាក់ដែលអ្នកចំណាយពេលច្រើនបំផុតជាមួយ។ ” ចំណាយពេលបន្តិចហើយគិតអំពីមិត្តភ័ក្ដិជិតស្និទ្ធរបស់យើង។ តើពួកគេជាមនុស្សលើកទឹកចិត្តនិងជំរុញលើកស្ទួយឬផ្ដល់អំណាចដល់យើងដែរឬទេ? ឬតើពួកគេខ្ជិល អវិជ្ជមាន បំពុលយើង? បើពួកគេមិនល្អ គួរបំបែក ហើយរាប់អានអ្នកថ្មី។

នៅពេលយើងនៅជុំវិញជាមួយមនុស្សវិជ្ជមាន យើងនឹងទទួលបានការពង្រឹងសិទ្ធិអំណាច និងមើលឃើញថា ជីវិតកំពុងកើតឡើងតែរឿងល្អៗ។ សម្រេចចិត្តថា យើងចង់ក្លាយជានរណា ហើយស្វែងរកមនុស្សដែលមានចរិតលក្ខណៈទាំងនោះ។ នៅពេលយើងបង្កើនស្តង់ដារ នោះរង្វង់ជិវិតយើងនឹងផ្លាស់ប្ដូរ ។

៣. ធ្វើឲ្យសុខភាពផ្លូវចិត្តនិងសុខុមាលភាពជាអាទិភាព

ជំងឺរាតត្បាតបានធ្វើឲ្យមានការកើនឡើងនៃបញ្ហាសុខភាពផ្លូវចិត្ត។ ភាពឯកោ ការភ័យខ្លាច ភាពមិនប្រាកដប្រជា និងភាពវឹកវរផ្នែកសេដ្ឋកិច្ច ដែលមនុស្សកំពុងជួបប្រទះនៅជុំវិញពិភពលោក គឺជាកន្លែងបង្កាត់ពូជសម្រាប់ភាពតានតឹងខាងផ្លូវចិត្ត។

យើងដឹងថា ចិត្តនិងរាងកាយមានទំនាក់ទំនងគ្នា ប្រសិនបើព្រងើយកន្តើយនឹងបញ្ហាមួយ អ្នកផ្សេងទៀតនឹងរងទុក្ខដូចគ្នា។ ការស្រាវជ្រាវបានរកឃើញថា ការថែរក្សាខ្លួនប្រាណនិងបញ្ញាស្មារតី អាចជះឥទ្ធិពលដល់សុភមង្គល និងបង្វឹកខួរក្បាលយើង ឱ្យមានភាពវិជ្ជមាន។

ការមើលថែទាំងផ្លូវកាយនិងផ្លូវចិត្តមានន័យថា បង្កើតពិធីថែរក្សាសុខភាពប្រចាំថ្ងៃដែលរួមមានការបរិភោគអាហារដែលមានសុខភាពល្អ ធ្វើលំហាត់ប្រាណ សមាធិ យូហ្គា រក្សាទំនាក់ទំនងជាមួយមិត្តភ័ក្ដិ ធ្វើកំណត់ហេតុ អាន និងការអនុវត្តន៍ផ្សេងៗ។

ពេលនេះគឺជាពេលវេលាដើម្បីបណ្ដុះបណ្ដាលខួរក្បាលឲ្យមានសុទិដ្ឋិនិយម ហើយផ្នត់គំនិតគឺអ្វីៗទាំងអស់។ យើងមិនអាចគ្រប់គ្រងពិភពខាងក្រៅរបស់យើងបានឡើយ ដូច្នេះហើយ ទើបវាជាការចាំបាច់ ដើម្បីដាំដុះពិភពខាងក្នុងឲ្យរឹងមាំ៕

ប្រែសម្រួល៖ សាង ស្រីល័ក្ខ

ប្រភព៖lifehack

ចុចអាន៖មូលហេតុ ៧ យ៉ាងធ្វើឲ្យមនុស្សបរាជ័យងើបមុខមិនរួច

ចុចអាន៖អតីតកាលជារឿងកន្លងហួស បើមិនចង់កើតទុក្ខច្រើន គួររៀនដោះលែង