បះសក់!​ ស្គាល់​មហាសេដ្ឋី​ជប៉ុន​ដែល​ទិញ​កៅអី​យានអវកាស SPACEX ទាំងអស់​ឬ​នៅ? – Kampuchea Thmey Daily
Connect with us

KPT+

បះសក់!​ ស្គាល់​មហាសេដ្ឋី​ជប៉ុន​ដែល​ទិញ​កៅអី​យានអវកាស SPACEX ទាំងអស់​ឬ​នៅ?

Published

on

បុរស​មាន​បំផុត​ទី ១៨ នៅ​ជប៉ុន លោក Yusaku Maezawa បាន​ទិញ​យក​កៅអី​ដែល​មាន​លក់​សំបុត្រ​ទទួល​យក​អ្នកដំណើរ ២-៣ នាក់​ប៉ុណ្ណោះ​ទៅ​កាន់​ភព​ព្រះអង្គារ តាម​រយៈ​យានអវកាស​ក្រុមហ៊ុន SpaceX របស់​មហាសេដ្ឋី​អាហ្វ្រិក​ខាងត្បូង​លោក Elon Musk ។

លោក Yusaku Maezawa ជា​អ្នកទេសចរទីអវកាសចុះឈ្មោះដំបូងគេ ដោយ​បាន​ចុះ​ហត្ថលេខា​សម្រាប់​ដំណើរ​កម្សាន្ត​ដែល​មិន​ធ្លាប់​កើត​មាន ចាប់តាំង​ពី​កម្មវិធី​អាប៉ូឡូ​របស់​ណាសា បាន​បញ្ចប់ក្នុងឆ្នាំ១៩៧២។

ផែនការ​របស់ក្រុមហ៊ុន SpaceX នឹងនាំ​សេដ្ឋី​ជប៉ុន​រូប​នេះ​ទៅ​ទស្សនកិច្ច នៅ​ជុំវិញ​ភព​ព្រះចន្ទ​នៅ​ឆ្នាំ ២០២៣ ខាងមុខ។

សហគ្រិន Maezawa អាយុ ៤២ឆ្នាំ គឺ​ជា​បុគ្គល ដ៏​ជោគជ័យ​មួយរូប​នៅជប៉ុន តែ​ក្ដី​ស្រលាញ់​ដំបូង​ក្នុង​ជីវិត​របស់​គាត់​ដូរតន្ត្រី។ គាត់​ចេះលេង​ហ្គីតា និង​ស្គរ ហើយ​បាន​ចាប់ផ្ដើម​បង្កើត​ក្រុម​តន្ត្រី​ដំបូងក្នុងឆ្នាំ ១៩៩៣ ពេលគាត់នៅវិទ្យាល័យ។ ជំនួសឲ្យការទៅមហាវិទ្យាល័យរៀន គាត់បានសម្រេចចិត្តទៅលេងសហរដ្ឋអាមេរិកជាមួយមិត្តស្រីរបស់គាត់។ នៅ​ទីនោះ​គាត់​បាន​ចាប់ផ្ដើម​ប្រមូល​ស៊ីឌី និង​កំណត់ត្រា​កម្រ​ជាច្រើន​ដែល​ក្នុងឆ្នាំ ១៩៩៥ នៅ​ពេល​គាត់​ត្រឡប់​ទៅ​ប្រទេស​ជប៉ុន​វិញ គឺ​ជា​មូលដ្ឋាន​គ្រឹះ​សម្រាប់​អាជីវកម្ម​ដំបូង តាម​រយៈ​ការ​បណ្ដាក់​ទុន​តន្ត្រី​តាម​អ៊ីមែល។

នៅឆ្នាំ ១៩៩៨ ពេលគាត់​មាន​អាយុ ២២ ឆ្នាំ សេដ្ឋី​រូប​នេះ បាន​បញ្ចូល​អាជីវកម្ម​ជា​ផ្លូវការ​ដែល​គាត់​បាន​ដាក់​ឈ្មោះ​ថា Start Today។

ក្នុងឆ្នាំ ២០០៤ ក្រុមហ៊ុន Start Today បាន​ពង្រីក​ខ្លួន​ទៅ​លក់​សំលៀកបំពាក់ ហើយ​បាន​បើកដំណើរការ Zozotown ដែល​ជា​វេទិកា​លក់​រាយ​ពេញនិយម​ស្រដៀង​ទៅ​នឹង​ក្រុមហ៊ុន Amazon ដែរ តែ​វា​ផ្តល់​ជូន​នូវ​ម៉ាក​យីហោ​ជាង ៦៨០០ ប៉ុណ្ណោះ ដោយ​នៅ​ឆ្នាំ ២០១៧ Zozotown បាន​រក​បាន​ចំណូល ៧៦ពាន់លានដុល្លារ។

នាយក​ប្រតិបត្តិ និង​ជា​មហាសេដ្ឋី​រូប​នេះ ក៏​បាន​សាងសង់​សារមន្ទីរ​មួយ​នៅ​ស្រុក​កំណើត​ខ្លួន ដែល​នៅ​ទីនោះ គាត់​បាន​ដាក់​តាំង​រាល់​ការ​ប្រមូល​បាន​នូវ​បណ្ដា​វត្ថុ​កម្រ​ផ្នែក​សិល្បៈ​នានា​សម្រាប់​សិស្ស និង​និស្សិត។

Maezawa ដែល​ជា​មហាសេដ្ឋី​លំដាប់ទី ១៨ នៅ​ក្នុង​ប្រទេស​ជប៉ុន មាន​ទ្រព្យសម្បត្តិ ២,៩ពាន់​លាន​ដុល្លារ បាន​ទិញ​យកកៅអីទាំងអស់នៅលើ SpaceX’s Big Falcon Rocket សម្រាប់​ដំណើរ​កម្សាន្ត ហើយមិនមានគម្រោងធ្វើដំណើរតែម្នាក់ឯង​ទេ។ ដើម្បី​ជា​ការបង្ហាញអំពី ការ​ស្រលាញ់​មុះមុត ចំពោះ​សិល្បៈ គាត់​គ្រោង​ថា​នាំ​យក​សិល្បករ​មួយ​ក្រុម​ធ្វើ​ដំណើរ​មួយ​សប្តាហ៍​ទៅ​ជាមួយ ហើយ​ពណ៌នា​ឈ្មោះ​ដំណើរ​នោះ​ថា​ជា “គម្រោង​សិល្បៈ​សកល​គួរ​ឲ្យ​ស្ញប់ស្ញែង” #dearMoon ។ គាត់​បាន​សរសេរ​អំពី​គោលដៅ​នេះ​ថា “ខ្ញុំ​សង្ឃឹមថា​គម្រោង​នេះ​នឹង​ជំរុញ​ក្ដី​សុបិន​របស់​យើង​ម្នាក់ៗ”៕

ប្រែសម្រួល៖ សុភា

ប្រភព៖ Enterpreneur

ចុចអាន៖តើ​ធ្វើ​ដូចម្ដេច ទើប​អាច​មានមុខ​នៅលើគម្របទស្សនាវដ្តី FORBES បាន?

ចុចអាន៖Rolls Royce មិនដែល​ត្រូវការ​ធ្វើ​ទីផ្សារលើ​ប្រព័ន្ធផ្សព្វផ្សាយសង្គមទេ! ហេតុអ្វី?

ចុច Like Facebook កម្ពុជាថ្មី

កីឡា7 hours ago

ខ្លាំង​មែន​! Capitan ផ្ដួល Ramazanov ដើម្បី​ក្លាយជា​ម្ចាស់​ខ្សែក្រវាត់​ពិភពលោក​ថ្មី

ព័ត៌មានជាតិ10 hours ago

លោកជំទាវ​ម៉ែន សំអន បាន​សម្របសម្រួល​បញ្ចប់​វិវាទ​ករណី​សំណង់​ផ្សារ​ទំនើប​សេន​ជូ​រី​ផ្លា​ហ្សា ស្របតាម​វិធីសាស្ត្រ ឈ្នះ ឈ្នះ របស់​សម្តេច​តេ​ជោ ហ៊ុន សែន

ព័ត៌មានជាតិ10 hours ago

ខេត្តស្ទឹងត្រែង​មាន​បញ្ហា​ប្រឈម​ច្រើន ដោយសារតែ​ស្ថានភាព​ព្រំដែន​មាន​សភាព​ស្មុគស្មាញ និង​មិនទាន់​បោះបង្គោល​ព្រំដែន

ព័ត៌មានជាតិ11 hours ago

កម្ពុជា ចិន រៀបចំ​ព្រឹត្តិការណ៍ «​ដំណើរ​ភាពយន្ត​ចល័ត​ចិន​-​កម្ពុជា​ដ៏​ឆ្នើម​លើក​ទី​៥»

ព័ត៌មានជាតិ11 hours ago

ករណី​បាញ់​សម្លាប់​ជនជាតិ​ចិន​កក្រើក​នៅព្រះសីហនុ ​សមត្ថកិច្ច​ឃាត់​ខ្លួន​ជនសង្ស័យ​៣នាក់​

ព័ត៌មានពេញនិយម