KPT+

ហេតុអ្វីបានជាការក្រោកពីគេងនៅម៉ោង ៥ ព្រឹកគឺជាគន្លឹះនៃភាពជោគជ័យ?

បានផុស

៦ years មុន

នៅ

ថ្ងៃអង្គារ ២៧ តុលា ២០២០

ដោយ

ក្រោកម៉ោង ៥ ព្រឹក គឺជារឿងមួយដែលពិបាកសម្រាប់អ្នកដែលមិនដែលក្រោកសោះ។ ប៉ុន្តែអាចជាការល្អប្រសើរ ប្រសិនបើយើងគ្រប់គ្នាចាប់ផ្ដើមបង្កើតទម្លាប់ក្រោកនៅវេលាទាបភ្លឺ។

ក្រោកទាបភ្លឺជាគន្លឹះនៃជីវិតជោគជ័យផ្ទាល់ខ្លួន និងគុណប្រយោជន៍នៃការកំណត់សំឡេងរោទ៍ដោយខ្លួនឯង៖

១. មានថាមពលច្រើន

ទោះបីជាមានអារម្មណ៍រវើរវាយបន្តិច ប៉ុន្តែបើយើងក្រោកពីព្រលឹមគឺជាពេលព្រឹកដែលបន្ថែមថាមពលបម្រុងខ្ពស់បំផុតសម្រាប់រាងកាយ។ ភ្ញាក់ពីគេងនៅម៉ោង ៥ ព្រឹក នឹងផ្ដល់ឲ្យយើងនូវពេលវេលាល្អពីរបីម៉ោងមុន ហើយអាចត្រៀមការងារ ដើម្បីប្រើប្រាស់លើគម្រោងផ្ទាល់ខ្លួនរបស់យើងនាពេលបន្តិចទៀត។ យើងក៏អាចធ្វើលំហាត់ប្រាណពេលព្រឹក ខ្លីៗ ដើម្បីជំនួយដល់សុខភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. សន្តិភាពនិងស្ងប់ស្ងាត់

មិនមានមនុស្សច្រើនទេក្រោកនៅម៉ោង ៥ ព្រឹក ដូច្នេះយើងនឹងមានភាពងាយស្រួលក្នុងការទទួលបានពេលវេលាស្ងប់ស្ងាត់ផ្ទាល់ខ្លួន ដោយគ្មានអ្នកណាមករំខាន ។ ប្រើពេលវេលាប្រកបដោយសន្តិភាពនេះ ដើម្បីប្រមូលគំនិតរបស់យើងសម្រាប់ថ្ងៃខាងមុខ ហើយរីករាយនឹងគ្រាដែលមនុស្សភាគច្រើនមិនបានឃើញ ដូចជាការមើលព្រះអាទិត្យរះ ជាដើម។

៣. មិនដែលយឺតពេលវេលា

ធ្វើអ្វីមួយទាំងតក់ក្រហល់ គឺមិនមែនជារឿងល្អឡើយ។ ចាប់ផ្ដើមទម្លាប់ខ្លួនភ្ញាក់ម៉ោង ៥ ទាបភ្លឺ ធ្វើចិត្តឲ្យរីករាយ ហាត់ប្រាណងូតទឹក សម្រួលចរន្តឈាម។ យើងក៏អាចទទួលទានអាហារពេលព្រឹកបានល្អ បូករួមទាំងការអានព័ត៌មានថ្មីៗផងដែរ។

៤. ជីវិតនឹងកាន់តែរីករាយ

អ្នកស្រាវជ្រាវមកពីសាកលវិទ្យាល័យ Toronto បានរកឃើញថា អ្នកដែលក្រោកពីព្រលឹមគឺមានសុខភាពល្អ ថែមទាំងរីករាយជាងអ្នកដែលនៅគេងយូរស្ពឹកស្រពន់។ ទស្សនាវដ្ដី Emotion បានសិក្សាថា ភ្ញាក់ពីព្រលឹមគឺដូចជានាឡិកាជីវសាស្ត្ររបស់យើង ត្រូវបានកំណត់ជាកាលវិភាគដែលមានប្រយោជន៍ក្នុងជីវិតរបស់ពួកគេ។

អ្នកដែលទទួលជោគជ័យគឺជាមនុស្សដែលភ្ញាក់ពីព្រលឹមរៀងរាល់ព្រឹក ដើម្បីឈោងចាប់អារម្មណ៍ដែលរីករាយត្រៀមសម្រាប់ការងារ។

ដើម្បីបង្ហាញជាភស្តុតាងរបស់មនុស្សជោគជ័យ ដែលភ្ញាក់ម៉ោងទៀបភ្លឺនេះ គឺមានលោកស្រី Margaret Thatcher និងលោក Napoleonលោក Richard Branson លោក Tim Cook និងលោក Jack Dorsey សុទ្ធតែជាបុគ្គលល្បីល្បាញពីសម័យមុន ហើយត្រូវបានគេដឹងថា ជាអ្នកក្រោកពីព្រលឹមទាំងអស់៕

ប្រែសម្រួល៖ សាង ស្រីល័ក្ខ

ចុចអាន៖ចង់ឡើងភ្នំលេងចុងសប្ដាហ៍ កុំភ្លេចគន្លឹះ ៥ យ៉ាងពីអ្នកមានពិសោធន៍

ចុចអាន៖រៀនរស់ក្នុងវិបត្តិ ត្រូវការកម្លាំងបីយ៉ាងធំៗ

Related Topics:ក្រោកម៉ោង ៥ ព្រឹក