KPT+

អាថ៌កំបាំងទាំង ៧ ពីសាប៊ូដុំ គ្រប់គ្នាអាចមិនធ្លាប់ដឹងពីមុនមក

បានផុស

៤ years មុន

នៅ

ថ្ងៃពុធ ៣០ មីនា ២០២២

ដោយ

តាមពិតសាប៊ូដុំផ្ដល់គុណប្រយោជន៍ជាច្រើន ហើយយើងតែមើលរំលង ដោយសារតែការប្រើប្រាស់សាប៊ូរាវមានប្រជាប្រិយភាពជាង។ សាប៊ូដុំមានប្រយោជន៍ច្រើនជាងការលាង និងសម្អាត ដែលគ្រប់គ្នាមិនបានដឹងទាល់តែសោះ។

១ ដោះស្រាយបញ្ហាថតតុគាំង ឬទ្វារមិនរអិល ប្រសិនបើអ្នកជួបប្រទះបញ្ហាជាមួយថតតុដែលពិបាកទាញចេញ ឬទ្វារមិនរអិល ពិបាកបើកនិងបិទ គ្រាន់តែយកសាប៊ូដុំមកជូតតាមគែមរបស់ថត ឬគែមនៃទ្វារនៅក្នុងតំបន់ដែលស្ទះ នោះនឹងអាចជួយដោះស្រាយបញ្ហារឹងទាំងនោះបានយ៉ាងងាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ បន្ថែមក្លិនក្រអូបដល់ទូខោអាវ ថតតុ ក្រៅពីជួយដោះស្រាយបញ្ហាទ្វាជាប់គាំងរហើយ អ្វីដែលប្លែកពីសាប៊ូដុំគឺវាមានក្លិនក្រអូប។ អ្នកគ្រាន់តែយកសាប៊ូដែលនៅសេសសល់ ឬសាប៊ូដុំតូចមួយ ដូចដែលសណ្ឋាគារធំៗបានដាក់ក្នុងបន្ទប់ទឹកឬបន្ទប់គេងដោយដាក់វាក្នុងថតតុ ទូខោអាវ ដើម្បីកាត់បន្ថយក្លិនស្អុយចេញពីទូខោអាវ។ វាក៏ធ្វើឲ្យសំលៀកបំពាក់មានក្លិនក្រអូបផងដែរ។

៣ លុបបំបាត់ស្នាមផ្សេងៗ ការផ្លាស់ទីគ្រឿងសង្ហារឹម ឬផ្លាស់ប្តូរទីតាំងរបស់របរក្នុងផ្ទះ អាចនឹងធ្វើឲ្យឃើញស្នាមប្រហោង ស្នាមប្រេះនៅលើជញ្ជាំង ឬកម្រាលឥដ្ឋ យើងអាចប្រើសាប៊ូដើម្បីលុបបំបាត់រន្ធប្រហោងនោះបាន។

៤ ប្រឆាំងនឹងអ័ព្ទនៅលើកញ្ចក់ ប្រសិនបើអ្នកមិនចូលចិត្តទឹកកកនៅលើកញ្ចក់បន្ទប់ទឹក បន្ទាប់ពីអ្នកងូតទឹករួច។ នោះសាប៊ូដុំ អាចជួយដោះស្រាយបញ្ហាទាំងនេះបាន។ រង់ចាំឲ្យកញ្ចក់ស្ងួត រួចយកសាប៊ូមកជូតលើកញ្ចក់សិន មុននឹងយកក្រណាត់ស្ងួតមកជូត។ វិធីសាស្ត្រនេះ ក៏មានប្រសិទ្ធភាពសម្រាប់វ៉ែនតា និងដងវ៉ែនតាផងដែរ។

៥ ការពារដើមឈើឬរុក្ខជាតិពីសត្វល្អិត ការដាក់សាប៊ូកក់សក់លើដីក្នុងផើងរុក្ខជាតិ នេះនឹងជួយការពារសត្វល្អិតដែលមកបំផ្លាញរុក្ខជាតិបានដូចគ្នា។

៦ ធ្វើការសម្អាតឧបករណ៍ផ្ទះបាយផ្សេងៗ កាន់តែងាយស្រួល ក្រោយប្រើខ្ទះឬឆ្នាំងសម្រាប់កម្ដៅអាហារឲ្យឆ្អិន វត្ថុទាំងនោះនឹងពិបាកលាងសម្អាតជាខ្លាំង។ ដូច្នេះចូរសាកល្បងជូតសាប៊ូនៅលើបាតខ្ទះជាមុនសិន នៅពេលលាងសម្អាតឧបករណ៍ផ្ទះបាយ វានឹងកាន់តែងាយស្រួលក្នុងការសម្អាតថែមទៀត។

៧ ផ្លាស់ប្ដូរការងារដេរឲ្យកាន់តែងាយស្រួល សាកល្បងជូតសាប៊ូតាមថ្នេរដែលចង់ដេរ នោះនឹងធ្វើឲ្យវាកាន់តែងាយស្រួលក្នុងការដេរ។ លើសពីនេះ ប្រសិនបើម្ជុលមានភាពរឹង ចូរដោតម្ជុលជាប់នឹងសាប៊ូ វានឹងធ្វើឲ្យការដេរ កាន់តែងាយស្រួលលើសមុន៕

ប្រែសម្រួល៖ សាង ស្រីល័ក្ខ

ចុចអាន៖ហេតុអ្វីអ្នកខ្លះជ្រុះសក់ ហើយមិនដុះវិញ? អាចព្យាបាលបានអត់?

ចុចអាន៖បើកកង្ហារខែក្ដៅ កាន់តែលើសដើម ងាកមកប្រើតិចនិកនេះវិញ ធានាត្រជាក់ស្រួលខ្លួន

Related Topics:ចំណេះដឹង