Connect with us

KPT+

និស្សិតនៅភ្នំពេញគ្រោងធ្វើអ្វីខ្លះ ពេលត្រឡប់ទៅស្រុកកំណើតក្នុងឱកាសចូលឆ្នាំថ្មី?

បានផុស

នៅ

ចូលឆ្នាំថ្មីប្រពៃណីខ្មែរ ឆ្នាំ២០២២នេះ រាជរដ្ឋាភិបាលបានប្រកាសឱ្យដំណើរការឡើងវិញ បន្ទាប់ពីបានផ្អាក ២ ឆ្នាំកន្លងមក ដោយសារបង្ការការឆ្លងរាលដាលជំងឺកូវីដ-១៩។ ក្នុងចំណោមមន្ត្រីរាជការ បុគ្គលិកឯកជន និងប្រជាពលរដ្ឋទូទៅដែលនឹងត្រូវឈប់សម្រាក និសិ្សតមួយចំនួនបានរៀបចំគម្រោងនៅពេលពួកគេទៅលេងស្រុកកំណើតក្នុងឱកាសបុណ្យចូលឆ្នាំនៅខានស្អែក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ហុង រក្សា និសិ្សតឆ្នាំទី៣ ជំនាញទំនាក់ទំនងអន្តរជាតិ នៅសាកលវិទ្យាល័យកម្ពុជា បានប្រាប់ “កម្ពុជាថ្មី” នៅថ្ងៃទី១២ ខែមេសា នេះថា នាងមានសេចក្តីរីករាយឥតឧបមាដែលមានឱកាសបានទៅលេងស្រុកកំណើត លេងសង្រ្កាន្ត និងល្បែងប្រជាប្រិយខ្មែរនៅក្នុងភូមិ និងតាមទីវត្តអារាមជាថ្មីម្តងទៀត បន្ទាប់ពីខានលេងអស់រយៈពេលេជាពីរឆ្នាំ។

កញ្ញា រក្សា និយាយថា៖ “នៅក្នុងឱកាសចូលឆ្នាំខ្មែរនេះ ខ្ញុំនឹងធ្វើដំណើរទៅស្រុកកំណើតរបស់ខ្ញុំនៅឯខេត្តព្រៃវែង រួចហើយខ្ញុំនឹងមានឱកាសធ្វើម្ហូបជាមួយម្តាយខ្ញុំ យកទៅប្រគេនព្រះសង្ឃនៅឯវត្ត ដើម្បីធ្វើពិធី បង្សុកូល ឧទិ្ទសកុសលទៅដល់ដូនតាដែលបានចែកឋានទៅអស់កាលជាយូរ។ ខ្ញុំពិតជានឹករាល់សកម្មភាពទាំងនេះណាស់ ខ្ញុំចង់ឱ្យដល់ថ្ងៃចូលឆ្នាំឆាប់ៗនេះ”។

យុវជន ហ៊ន សុខហួន ជានិសិ្សតឆ្នាំទី៤ ជំនាញអក្សរសាស្រ្តខ្មែរ នៅសាកលវិទ្យាល័យភូមិន្ទភ្នំពេញ បានឱ្យ “កម្ពុជាថ្មី” ដឹងថា ថ្វីដ្បិតតែ២ឆ្នាំមុនមានការបិទខ្ទប់មិនឱ្យជួបជុំមែន តែគ្រួសារលោកក៏អាចទៅលេងស្រុកកំណើតបានធម្មតាដែរ គ្រាន់តែមិនអាចធ្វើកម្មវិធីឱ្យបានកុះករនៅតាមផ្ទះ ឬតាមវត្តអារាមបាន។
លោក ហ៊ន សុខហួន និយាយថា៖ “តែដោយឡែកឆ្នាំនេះដោយមានការបើកចំហរភ្លើងខៀវ ដូច្នេះវាស្មើនឹងអារម្មណ៍សប្បាយគុណនឹងពីរឯណោះ។ សម្រាប់គម្រោងទៅស្រុកកំណើត គឺខ្ញុំមិនមានគម្រោងថានឹងទៅកម្សាន្តនៅឯណាឡើយ តែនៅជុំគ្រួសារធ្វើបុណ្យ ប្រគេនចង្ហាន់នៅវត្តក្នុងភូមិ”។

កញ្ញា ស្វាយ និរតី និស្សិតឆ្នាំទី៤ មុខជំនាញវិស្វករ នៅវិទ្យាស្ថានបច្ចេកវិទ្យាកម្ពុជា មានស្រុកកំណើតមកពីខេត្តសៀមរាប បាននិយាយថា​ នាងសប្បាយចិត្តខ្លាំងណាស់នៅពេលមានពិធីចូលឆ្នាំខ្មែរម្តងៗ ព្រោះនៅផ្ទះរបស់នាងមានលក់ភេសជ្ជៈគ្រប់មុខ ព្រមទាំងម្សៅផងដែរ ជាហេតុអាចធ្វើឱ្យគ្រួសារនាងរកប្រាក់កម្រៃបានច្រើនពីពិធីបុណ្យប្រពៃណីជាតិនេះ។

​កញ្ញា និរតី បានប្រាប់ថា៖ “ចំពោះគម្រោងពេលចូលឆ្នាំខ្មែរ គឺខ្ញុំនឹងទៅសៀមរាប ជួយលោកម៉ាក់ប៉ានៅផ្ទះជិត ផបស្ទីត (Pub Street) ហើយនៅពេលយប់ គឺខ្ញុំដើរលេងជាមួយមិត្តភក្តិ និងលេងបាញ់ទឹកនៅ ផតស្ទីតជាមួយគ្នា”។

គួរបញ្ជាក់ថា ពិធីបុណ្យចូលឆ្នាំថ្មីប្រពៃណីខ្មែរ ឆ្នាំខាល ចត្វាស័ក ពុទ្ធសករាជ ២៥៦៦ នឹងចូលមកដល់នៅថ្ងៃព្រហស្បតិ៍ ១៣ កើត ខែចេត្រ ត្រូវនឹងថ្ងៃទី១៤ ខែមសា ឆ្នាំ ២០២២ នៅវេលាម៉ោង ១០:០០ នាទី។ ពិធីបុណ្យនឹងបន្តដល់ថ្ងៃទី១៥ និងទី១៦ ខែមេសា និងត្រូវឈប់សម្រាកភ្ជាប់ដល់ថ្ងៃទី១៧ ខែមេសា ដែលជាថ្ងៃអាទិត្យ៕

អត្ថបទ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៨ នាទី មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ២ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៤ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៤ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៤ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម