មេរៀន ៥ យ៉ាង​ដែល​លោកយាយ​តែងតែ​បង្រៀន​ចៅ​ៗ​ឲ្យ​រឹងមាំ
Connect with us
Helistar Cambodia - Helicopter Charter Services

KPT+

មេរៀន ៥ យ៉ាង​ដែល​លោកយាយ​តែងតែ​បង្រៀន​ចៅ​ៗ​ឲ្យ​រឹងមាំ

បានផុស

នៅ

នៅ​​ពេល​ដែល​យើង​ពិបាកចិត្ត​ មាន​អារម្មណ៍​ល្ហល្ហេវ ​រក​កោះ​ត្រើយ​មិន​ឃើញ នរណា​ដែល​យើង​នឹក​ឃើញ​មុន​គេ​ បន្ទាប់​ពី​ឪពុកម្ដាយ?​ តាម​រយៈ​បទពិសោធន៍​ក្នុងនាម​ជា​ចៅ​ម្នាក់ ​ដែល​លោក​យាយ​បាន​ផ្ដល់​ឲ្យ ​គឺ​ជា​មេរៀន​ដ៏​សំខាន់​មួយ​ដែល​យើង​គួរ​ចងចាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះ​ជា​មេរៀន​ជីវិត​​ ដែល​គ្មាន​​សាលា​ណា​បង្រៀន ​​តែ​លោកយាយ​របស់​យើង​ បាន​បង្រៀនយើងគ្មានថ្ងៃភ្លេច ៖

១. នៅ​ជាមួយ​វិជ្ជមាន​ជានិច្ច

សំឡេង​របស់​លោក​យាយ​ស្អក​ៗ​ តែ​រឹងមាំ​ និង​មាន​ទំនុក​ចិត្ត​ជានិច្ច។ លោកយាយ​គឺ​ជា​គំរូ​ដ៏​ល្អ​សម្រាប់​ចៅ​គ្រប់គ្នា​ ជា​ពិសេស​ពេល​ដែល​ឪពុកម្ដាយ​យើង​មិន​នៅ​ ហើយ​ទុក​យើង​ឲ្យ​លោក​មើល​ថែរក្សា។

លោកយាយ​ជា​មនុស្ស​ស្រី​ម្នាក់ ​ដែល​ដឹង​ពី​របៀប​ចូលរួម​ជាមួយ​អ្នកដទៃ។ លោក​តែងតែ​ប្រាប់​យើង​ថា ​ត្រូវ​រក្សា​ភាព​វិជ្ជមាន​ជានិច្ច ​ដោយ​ញញឹម​និង​លើក​ទឹកចិត្ត​យើង​ ហើយ​និយាយ​ថា “ក្មេង​តូច​របស់​ខ្ញុំ ​អ្នក​នឹង​ធ្វើ​រឿង​អស្ចារ្យ​នៅ​ថ្ងៃ​អនាគត” ។ គាត់​ចិត្ត​ល្អ​ដាក់​មនុស្ស​គ្រប់គ្នា​ ហើយ​ក៏​ធ្វើ​ឲ្យ​មាន​អ្នក​ស្រឡាញ់​គាត់​ច្រើន។

២. សកម្ម​ជាមួយ​មនុស្ស​ជុំវិញ​ខ្លួន

លោកយាយ​របស់​អ្នក​ បាន​ជួយ​មនុស្ស​ជា​ច្រើន​ដែល​ត្រូវ​ការ​ជំនួយ។ គាត់​បាន​បរិច្ចាគ​សម្លៀកបំពាក់​របស់​គាត់​ និង​ចែក​អំណោយ​ដល់​ជន​ក្រីក្រ​ និង​ជា​អ្នក​ស្ដាប់​ដ៏​ល្អ​ម្នាក់​របស់​អ្នក។

គាត់​ក៏​បាន​លើកទឹកចិត្ត​ក្មេងៗ ​ដោយ​ការ​អាន​រឿង​និទាន ​ទៅ​កាន់​ពួកគេ​យ៉ាង​សប្បាយ​រីករាយ។

រឿង​មួយ​ទៀត​ដែល​លោក​យាយ ​តែងតែ​ធ្វើ​ឲ្យ​ចៅ​ៗ​របស់​គាត់​ជានិច្ច​ នោះ​គឺ ​​ទេព​កោសល្យ​​ចម្អិន​អាហារ​ដ៏​ឆ្ងាញ់។ គាត់​បញ្ចេញ​​សកម្មភាព​សប្បាយ​ៗ ​និង​បង្រៀន​យើង​ពី​របៀប​រស់នៅ​ឲ្យ​ធ្វើ​ជា​មនុស្ស​ធំ​ម្នាក់។

៣. បង្រៀន​ឲ្យ​ធ្វើ​ជា​មនុស្ស​ដែល​ពឹង​ផ្អែក​ខ្លួនឯង

លោក​យាយ​ជា​ស្ត្រី​ទន់ភ្លន់​ តែ​គាត់​រឹងមាំ​គ្រប់​កាលៈទេសៈ​ គាត់​តែង​បង្រៀន​ចៅៗ​ឲ្យ​ចេះ​អត់ធន់​និង​រស់នៅ ​របៀប​ដែល​មនុស្ស​ធំ​គេ​រស់នៅ។

ជា​ពិសេស​គាត់​បាន​បង្រៀន​យើង​ ឲ្យ​តស៊ូ​ ធ្វើអ្វី​ត្រូវ​បញ្ចេញ​ឲ្យ​អស់​សមត្ថភាព ​ទោះ​មិន​បាន​សម្រេច ​ក៏​យើង​បាន​ធ្វើ​វា​អស់​ពី​ចិត្ត​របស់​យើង​ដែរ។

៤. មាន​សន្តិភាព​ជាមួយ​ខ្លួនឯង

អ្វី​ដែល​យើង​តែង​កោត​សរសើរ ​ចំពោះ​ជីដូន​របស់​យើង ​គឺ​ថា​គាត់​ជា​មនុស្ស​ស្មោះត្រង់​ចំពោះ​ខ្លួនឯង​ ​គ្រប់​មធ្យោបាយ។ លោក​ដឹង​ថា ​ពរ​និង​ក្ដី​ស្រឡាញ់​មាន​ន័យ​យ៉ាង​ម៉េច។ ដូច្នេះ​គាត់​មិន​ដែល​ ​ស្ដី​ខ្លួនឯង​ឡើយ។ ជា​ការ​ពិត ​គាត់​តែង​គោរព​ចំពោះ​ខ្លួនឯង និង​ផ្ដល់​តម្លៃ​ដល់​មនុស្ស​គ្រប់រូប​ជា​និច្ច។

៥. ជា​អ្នក​លើក​ទឹកចិត្ត​ដ៏​ល្អ​ពេល​យើង​ដើរ​ដួល

នៅ​ក្មេង​ពេល​យើង​ដើរ​ដួល​ លោក​យាយ​គឺ​ជា​មនុស្ស​ស្រី​ដែល​ឈោង​ដៃ​មក​ជួយ​យើង​ បន្ទាប់​ពី​ឪពុកម្ដាយ។ ពេល​យើង​ធំ​ យើង​ជួប​បញ្ហា​បែប​មនុស្ស​ធំ​ តែ​ក៏​នៅ​មាន​គាត់​ជា​អ្នក​រ៉ាប់រង​ធានា​មើល​ថែ ​និង​លើក​ទឹកចិត្ត​យើង​ដូចគ្នា។

ដូច្នេះ​ចំពោះ​អ្នក​ តើ​បាន​រៀន​អ្វីខ្លះ​ពី​លោកយាយ? ចំពោះ​ខ្ញុំ​ តែងតែ​ចាត់​ទុក​លោក​ជា​មេឃ​ពណ៌​ខៀវ ​របស់​ខ្ញុំ​ជានិច្ច៕

ប្រែសម្រួល៖ សាង  ស្រីល័ក្ខ

ចុចអាន៖ បង្រៀនកូនបែបណាឱ្យក្លាយជាមនុស្សស្មោះត្រង់និងមានចិត្តល្អ?

ចុចអាន៖ មនុស្ស​ដែល​មាន​ឥទ្ធិពល​ពិតប្រាកដ​មាន​លក្ខណៈ​យ៉ាងណា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ៣ ម៉ោង មុន

មាន​គណបក្ស​នយោបាយ​ចំនួន​៤ បាន​ដាក់​ពាក្យ​ចូលរួម​ប្រកួតប្រជែង នៅក្នុង​ការបោះឆ្នោត​ក្រុមប្រឹក្សា​ក្រុង​បូកគោ

ព័ត៌មានជាតិ៤ ម៉ោង មុន

អាជ្ញាធរ​នៃ​មន្ទីរ​វប្បធម៌​និង​វិចិត្រសិល្បៈ​ខេត្ត​ឧ​ត្ត​រ​មានជ័យ ​ទទួល​បាន​បុរាណវត្ថុ​ពី​ព្រះសង្ឃ​គង់នៅ​វត្ត​រួត​ចំប៉ី

ព័ត៌មានជាតិ៥ ម៉ោង មុន

រដ្ឋបាលខេត្ត​កំពង់ធំ រក​ឃើញ​អ្នក​វិជ្ជមាន​កូវីដ១៩​ថ្មី៦នាក់​ទៀត​ នៅថ្ងៃនេះ​

ព័ត៌មានជាតិ៦ ម៉ោង មុន

ក្រសួង​អប់រំ​ ផ្តល់​ឧបត្ថម្ភ​ថវិកា​ដល់​បុគ្គលិក​អប់រំ​រស់នៅ​តំបន់​ក្រហម​ចំនួន​១២៩​នាក់

ចរាចរណ៏៦ ម៉ោង មុន

ម៉ូតូ​២​គ្រឿង ​បុក​គ្នា​លាន់​ដូច​រន្ទះ​ ស្ត្រី​ម្នាក់​របួសធ្ងន់​បញ្ជូន​ទៅ​សង្គ្រោះ​នៅ​មន្ទីរពេទ្យ​មិន​ដឹង​ថា ​ស្លាប់​ ឬ រស់

Sokha Hotels

ព័ត៌មានពេញនិយម

Helistar Cambodia - Helicopter Charter Services