ស្បែកជើងតម្លៃសមរម្យ ៤ ម៉ាក តារាល្បីអន្តរជាតិចូលចិត្តពាក់ជាប្រចាំ

តារាល្បីៗលំដាប់ពិភពលោកប្រើរបស់អ្វីមួយសុទ្ធតែមានអ្នកគាំទ្រចាំទិញតាមជានិច្ច ប៉ុន្តែភាគច្រើនសុទ្ធតែមានតម្លៃថ្លៃកប់ពពក ។ លើកនេះយើងបង្ហាញស្បែកជើងតម្លៃសមរម្យ ៤ ម៉ាកដែលតារាល្បីចូលចិត្តពាក់ជាប្រចាំ​ ៖

១. New Balance 

New Balance ជាម៉ាកស្បែកជើងងាយស្រួលពាក់ពេញនិយមសម្រាប់ក្មេងជំនាន់ក្រោយ ត្រូវពេញចិត្តដោយ Bella Hadid កំពូលតារាបង្ហាញម៉ូដ, ភរិយាតារាចម្រៀង Justin Bieber, តារាម៉ូដែល Kaia Gerber និងតារាសម្ដែង Katie Holmes ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. Birkenstocks

Birkenstocks ជាប្រភេទស្បែកជើងវាលងាយស្រួលពាក់ សក្តិសមបំផុតសម្រាប់រដូវក្ដៅ សូម្បី Kendall Jenner និង Gigi Hadid ដែលជាតារាម៉ូដែលលំដាប់ពិភពលោកក៏មិនរំលងម៉ាកនេះដែរ ។

៣. Adidas Samba

Adidas Samba ត្រូវបានបង្កើតឡើងក្នុងទសវត្សរ៍ទី ៥០ មុនពេលការប្រកួតបាល់ទាត់ពិភពលោកនៅប្រទេសប្រេស៊ីល។ ដំបូងឡើយគេបង្កើតវាដើម្បីឱ្យកីឡាករបាល់ទាត់លេងលើផ្ទៃរអិលកាន់តែស្និទ្ធ ក្រោយមកវាក៏ក្លាយជាស្បែកជើងទាន់សម័យសម្រាប់គ្រប់កាលៈទេស ហើយធ្លាប់ពាក់ដោយ Bella Hadid, កំពូលតារាចម្រៀង Rihanna, និង Kai Gerber ។

៤. Salomon 

កាលពីឆ្នាំ ១៩៩៧ Adidas បានទិញយក Salomon ហើយប្ដូរឈ្មោះទៅជា adidas-Salomon AG ចំណែកគុណភាពវិញគឺល្អបំផុតសម្រាប់រត់ ឡើងភ្នំ ជិះស្គី និងជិះស្គីទឹកកក ។ យើងឃើញថាតារាដែលចូលចិត្តពាក់វាមានដូចជា Kendall Jenner, Hailey Bieber និង Bella Hadidជាដើម ។

ស្បែកជើងទាំងអស់មានតម្លៃក្រោម ៣០០ ដុល្លារ ប៉ុន្តែមាំមិនងាយខូចស្រួលពាក់ប្រចាំថ្ងៃ និងជាជម្រើសល្អបំផុត ៕

ប្រែសម្រួល ៖ វារី

ប្រភព ៖ Vogue

ចុចអាន ៖ តារាអន្តរជាតិល្បីៗ ៣ ដួង ជាប់ក្នុងបញ្ជីខ្មៅរបស់ Ferrari