ព័ត៌មានជាតិ
កសិករស្រុកមោងឫស្សី ត្រេកអរខ្លាំង ក្រោយតម្លៃស្រូវហក់ឡើងខ្ពស់ ទទឹមនិងផលស្រូវបានល្អ
ដោយសារតែតម្លៃស្រូវបង្កើនរដូវក្នុងឆ្នាំនេះ បានហក់ឡើងខ្ពស់ជាងឆ្នាំមុនៗប្រជាកសិកររស់នៅក្នុងឃុំជ្រៃ ស្រុកមោងឬស្សី ខេត្តបាត់ដំបងម្នាក់ៗសប្បាយចិត្តស្ទើរបិទមាត់មិនជិត ខណៈការប្រមូលទិន្នផលរបស់ពួកគាត់ទទួលបានច្រើន ហើយតម្លៃក៏បានហក់ឡើងខ្ពស់ ដែលពួកគាត់មិននឹកស្មានដល់ក្នុងឆ្នាំនេះ។
ប្រជាកសិកររស់នៅក្នុងភូមិអង្គ្រងឃុំជ្រៃ ស្រុកមោងឬស្សី នៅព្រឹកថ្ងៃទី១០ ខែកុម្ភៈ ឆ្នាំ២០២១នេះ បានលើកឡើងប្រហាក់ប្រហែលគ្នាថា ក្រោយពីមានការខាតបង់ទិន្នផលស្រូវរបស់ពួកគាត់កន្លងទៅដោយសារតែទឹកជំនន់ បានបំផ្លាញពួកគាត់ក៏បានខិតខំស្តារសេដ្ឋកិច្ចគ្រួសារឡើងវិញ ក្រោយពីទទួលបានពូជស្រូវពីរាជរដ្ឋាភិបាលរហូតទទួលបានលទ្ធផលល្អគួរសមនិងបានបន្តធ្វើស្រូវបង្កើនរដូវប្រភេទ(អេអឹម)ក៏បានទទួលទិន្នផលល្អ ហើយតម្លៃក៏បានកើនខ្ពស់នាពេលនេះ។
ប្រភពដដែលបានបន្តថា រយៈកាលកន្លងទៅសម្រាប់ទិន្នផលស្រូវបង្កើនរដូវប្រភេទ(អេអឹម)ក្រោយប្រមូលផល បានឈ្មួញចូលមកទិញ ក្នុងមួយតោនលក់បានត្រឹមតែ៧០ទៅ៨០ម៉ឺនរៀលប៉ុណ្ណោះ ពេលខ្លះតម្លៃក៏ធ្លាក់ចុះស្ទើរតែពួកគាត់ មិនអាចទទួលយកបាន។ ដោយឡែកនៅឆ្នាំនេះ ស្រូវបង្កើនរដូវប្រភេទ(អូអឹម) ដែលពួកគាត់បានផ្តើមប្រមូលផលនាពេលនេះ តម្លៃបានហក់ឡើងខ្ពស់ស្ទើរមិននឹកស្មានដល់ ដោយក្នុងមួយតោនតម្លៃឡើងដល់ជាង១លានរៀល បើទោះបីប៉ុន្មានថ្ងៃចុងក្រោយនេះ មានការថមថយតម្លៃបន្តិចវិញ ក៏ដោយចុះក៏ពួកគាត់សប្បាយចិត្តនឹងទទួលយកបាន។ ពួកគាត់បញ្ជាក់ដែរថា នៅតំបន់ពួកគាត់មិនសូវមានកសិករធ្វើស្រូវបង្កើនរដូវនេះច្រើនទេ ដោយសារតែកត្តាទឹកមានការខ្វះខាតសង្ឃឹមលើទឹកស្ទឹង គឺឆាប់រីងហួតមិនដក់ទឹកបានយូរខែនោះទេ ទើបចំនួនកសិករធ្វើស្រូវបង្កើនរដូវមានចំនួនតិច។ មន្ត្រីមន្ទីរជំនាញស្រុក ក៏បានឲ្យដឹងប្រហាក់ប្រហែលនិងការបញ្ជាក់របស់ប្រជាកសិករដែរថា លោកទទួលស្គាល់ថា នៅតំបន់ពួកគាត់ខាងលើនេះ ពិតជាមានចំនួនកសិករមួយចំនួនតូច ដែលបានធ្វើស្រូវបង្កើនរដូវដោយសារតែតំបន់នោះនៅឆ្ងាយពីប្រភពទឹកងាយរងគ្រោះនឹងធ្វើឲ្យខាតបង់ថវិកា។
មន្ត្រីនៃមន្ទីរកសិកម្មខេត្តបានឲ្យដឹងដែរថា ចំពោះកសិករដែលធ្វើស្រូវបង្កើនរដូវមិនថា ក្នុងស្រុកមោងឬស្សីនោះទេ ខាងមន្ត្រីជំនាញតែងចុះធ្វើការណែនាំដល់ពួកគាត់ក្នុងការដាំដុះកុំធ្វើដោយប្រថុយប្រថាន ត្រូវដាំដុះទៅតាមរដូវកាលជៀសវាង ក្នុងការខូចខាតរួមទាំងបច្ចេកទេសផង ដើម្បីឲ្យទទួលបានផលល្អ។ ហើយនៅដើមឆ្នាំនេះ ក្រៅពីស្រូវបង្កើនរដូវប្រភេទ(អូអឹម)ក៏មានស្រូវបង្កើនរដូវប្រភេទ(សែនក្រអូប)និងប្រភេទ(អ៊ីអ៊ា)ក៏តម្លៃបានហក់ឡើងខ្ពស់ដូចៗគ្នាផងដែរ ដែលធ្វើឲ្យសេដ្ឋកិច្ចគ្រួសាររបស់កសិករបានធូរធារមួយកម្រិតទៀត៕
អត្ថបទ៖ សៅ សារិទ្ធ
សូមចុចអាន៖ ដឹងទេ មុនថ្ងៃសែនចូលឆ្នាំចិន វៀតណាម មាន់ស្រែរស់មួយគីឡូតម្លៃប៉ុន្មាន
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត