Connect with us

KPT+

ខ្លះៗអំពីលោកស្រី ណារ៉ាផន ចាន់អូចា ភរិយានាយករដ្ឋមន្ត្រីថៃ

បានផុស

នៅ

លោកស្រី ណារ៉ាផន ចាន់អូចា (Naraporn Chan-o-cha) ជាភរិយារបស់លោក ប្រាយុទ្ធ ចាន់អូចា នាយករដ្ឋមន្រ្តីទី ២៩ នៃប្រទេសថៃ និងជាអតីតសាស្រ្តាចារ្យរងនៅមហាវិទ្យាល័យសិល្បៈនៃសាកលវិទ្យាល័យ Chulalongkorn ក្រុងបាងកក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអប់រំ

លោកស្រី ណារ៉ាផន កើតនៅថ្ងៃទី ២០ ខែមិថុនា ឆ្នាំ ១៩៥៤។ ជាកូនស្រីរបស់លោកវរសេនីយ៍ឯកនិងជាអភិបាលនៃខេត្ត Narathiwat។ លោកស្រីធ្លាប់ចូលរៀននៅសាលាគ្រិស្ទសាសនា Saint Joseph Convent ក្នុងរាជធានីបាងកក។ ក្រោយមកទៀតបានបញ្ចប់បរិញ្ញាបត្រពីមហាវិទ្យាល័យសិល្បៈសេរីនៅសាកលវិទ្យាល័យ Thammasat និងចប់អនុបណ្ឌិតផ្នែកបង្រៀនភាសាអង់គ្លេសពីមហាវិទ្យាល័យសិល្បៈសេរីនៅសាកលវិទ្យាល័យ Mahidol ។

អាជីព

លោកស្រី ណារ៉ាផន ធ្វើការជាសាស្រ្តាចារ្យរងនៅវិទ្យាស្ថានភាសាបរទេសរបស់សាកលវិទ្យាល័យ Chulalongkorn តាំងពីចប់អនុបណ្ឌិត រហូតដល់ឆ្នាំ ២០១០ ។ ក្រោយលាឈប់ពីការងារនៅសាកលវិទ្យាល័យនាឆ្នាំដដែល ជំទាវរូបនេះក្លាយជាប្រធានអង្គការគ្រូបង្រៀនភាសាអង់គ្លេសនៅប្រទេសថៃ (OETT) និងជាអនុប្រធានមូលនិធិសិក្សាពីចម្ងាយ (DLF) ជាកន្លែងដែលលោកស្រីកាន់តំណែងជាសាស្ត្រាចារ្យកិត្តិយស។ លោកស្រីក៏បានធ្វើការយ៉ាងមមាញឹកជាមួយ មូលនិធិជនពិការភ្នែក បន្ទាប់ពីចាកចេញពី Chulalongkorn ផងដែរ។

ចាប់តាំងពីស្វាមីក្លាយជាអគ្គមេបញ្ជាការនៃកងទ័ពភូមិន្ទនៃប្រទេស លោកស្រីមានការងារបន្ថែមមួយទៀត ដោយចូលបម្រើការជាប្រធានសមាគមភរិយាកងទ័ពថៃ (TAWA)។

ជីវិត​ឯកជន

មិនមានព័ត៌មានលេចឮច្រើនឡើយអំពីជីវិតផ្ទាល់ខ្លួនរបស់គ្រួសារអ្នកនយោបាយថៃរូបនេះ​ ក្រៅតែពីការងារសង្គម និងសកម្មភាពសប្បុរសធម៌មួយចំនួន។  

អ្វីដែលសារព័ត៌មានក្រៅស្រុកបានដឹងគឺ លោកស្រី ​ណារ៉ាផន ចាន់អូចា រៀបការនៅថ្ងៃទី ២២ ខែមិថុនា ឆ្នាំ ១៩៨៤ ជាមួយលោក ប្រាយុទ្ធ ចាន់អូចា ដែលអ្នកទាំងពីរបានជួបគ្នាពេលលោកស្រីកំពុងបង្រៀនភាសាអង់គ្លេសនៅសាកលវិទ្យាល័យ Chulalongkorn រីឯស្វាមីកាលណោះជាសិស្សនៅទីនោះ។ ចំណងអាពាហ៍ពិពាហ៍ពួកគេមានកូនស្រីភ្លោះពីរនាក់ឈ្មោះ តាន់យ៉ា (Tanya) និង នីថា (Nittha)។ ជំទាវ ណារ៉ាផន ក៏ជាឧត្តមភរិយាមួយរូបដែលជាអ្នកមើលថែស្វាមីដោយផ្ទាល់ រៀបចំសម្លៀកបំពាក់ ការតុបតែងខ្លួន និងសូម្បីតែការកាត់សក់របស់លោក ប្រាយុទ្ធ ក៏លោកស្រីជាអ្នកទទួលខុសត្រូវដែរ៕

ប្រែសម្រួល៖ សន្យា

ចុចអាន៖ សាវតារលោក ប្រាយុទ្ធ ចាន់អូចា មុនក្លាយជានាយករដ្ឋមន្ត្រីថៃបច្ចុប្បន្ន

ចុចអាន៖​ Shloka Mehta-Ambani ​ស្ត្រី​សប្បុរសជន​​និង​ជា​អ្នកស្នង​មរតក​ពេជ្រ​រាប់​លាន​នៅ​ឥណ្ឌា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១០ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១០ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១១ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១១ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១២ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម