KPT+
មុនដាក់ពាក្យសុំលែងលះ ប្ដីប្រពន្ធគួរពិចារណាលើចំណុចទាំងនេះសិន
គូស្វាមីភរិយា ភាគច្រើនរៀបការជាមួយក្ដីសង្ឃឹមទទួលបានការរស់នៅដោយសុភមង្គល ប៉ុន្តែមិនមែនអាពាហ៍ពិពាហ៍ទាំងអស់ សុទ្ធតែមានលទ្ធផលល្អទេ។ ទំនាក់ទំនងខ្លះត្រជាក់ឬក្ដៅក្រហាយ នៅពេលដែលដៃគូទាំងពីរចាប់ផ្ដើមហែកហួរគ្នា នៅចុងបញ្ចប់ក៏ឈានទៅដល់ការលែងលះទៀត។
ការជ្រើសរើសការលែងលះ មិនមែនដូចជាការសម្រេចចិត្តពេលដើរលេងនៅក្នុងឧទ្យានទេថា ត្រូវថតរូបជាមួយទេសភាពណានោះទេ ជាពិសេសប្រសិនបើអ្នកទាំងពីរមានកូននៅក្នុងបន្ទុកគ្រួសារ សូមគិតរឿងទាំងនេះ៖
១. កូនរបស់អ្នកទាំងពីរ
ការលែងលះអាចប៉ះពាល់ដល់ជីវិតរបស់កុមារយ៉ាងខ្លាំង។ ភាគីទាំងសងខាងត្រូវពិចារណាពីតួនាទីជាឪពុកម្ដាយ ថាតើបន្ទាប់ពីលែងលះសុខុមាលភាពរបស់កូនៗរួមទាំង ការឧបត្ថម្ភ ទីលំនៅ និងកត្តាជាច្រើនទៀតដែលនឹងជះឥទ្ធិពលដល់ការលូតលាស់ ក៏ដូចជាការអភិវឌ្ឍរបស់កូនៗគ្រប់គ្នា នឹងទៅជាយ៉ាងណា។
ជីវិតក្មេងប្រៀបដូចជាក្រដាសសមួយសន្លឹក បើមានទឹកកខ្វក់ស្រក់លើក្រដាសនោះហើយ គ្មានថ្ងៃរលុបបានវិញឡើយ។
គិតមើល៍! បន្ទាប់ពីម៉ាក់ប៉ាគេលែងលះគ្នា តើកុមារនោះនឹងមានអារម្មណ៍បែបណា? សាកស្រមៃពីភាពឯកោរបស់កូនៗ ជាពិសេសគឺនៅសាលារៀនតែម្ដង។
២. ស្ថានភាពហិរញ្ញវត្ថុរបស់អ្នកទាំងពីរ
បន្ទាប់ពីលែងលះ អ្នកទាំងពីរមុខតែប្រឈមនឹងវិបត្តិបន្ថែមទៀត បែបបុរសពោះម៉ាយ ឬស្រ្តីមេម៉ាយ។ ជាពិសេស គឺថវិកាទាក់ទិនចំណូល និងចំណាយ អាចថាម្ខាងណាដែលទទួលចិញ្ចឹមកូននឹងត្រូវរ៉ាប់រងជាម្ដាយផង ជាឪពុកផង ។ និយាយរួមបន្ទុករកលុយក៏ដូចជាការផ្គត់ផ្គង់នឹងរងកាន់តែធ្ងន់។
៣. ទំនាក់ទំនងគ្រួសារនិងមិត្តភក្តិ
ការលែងលះជាកត្តាមួយដែលអាចប៉ះពាល់ដល់ទំនាក់ទំនងរវាងអ្នកជាមួយសាច់ថ្លៃ និងមិត្តភក្តិ។
ដូចគ្នានឹងពាក្យដែលពេញនិយមមួយពោលថា “គ្មាននរណាម្នាក់រស់នៅលើកោះមួយតែឯងកើតទេ ” ។ មនុស្សគ្រប់គ្នាត្រូវការទំនាក់ទំនងសង្គម តែក្រោយប្ដីប្រពន្ធចប់គ្នា សម្ព័ន្ធភាពជាមួយមនុស្សទាំងនោះច្បាស់ល្អក់កករដែរមិនខាន គ្រាន់តែតិចឬច្រើន។ កម្រមានសាច់ញាតិខាងគេ មកគាំទ្រខាងយើងណាស់ ! ជម្រើសលែងគ្នា ជាការសម្រេចចិត្ត ដែលប៉ះពាល់មិត្តភាព៕
ប្រែសម្រួល៖ សាង ស្រីល័ក្ខ
ប្រភព៖ bornrealist
ចុចអាន៖ វិធីកាត់បន្ថយភាពសោកសៅក្រោយពីបែកបាក់ឬលែងលះគ្នាភ្លាមៗ
ចុចអាន៖ សិល្បៈជីវិត ដោះស្រាយជាមួយនឹងដំណាក់កាលបែកបាក់ឬលែងលះ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?