KPT+

៣យ៉ាងបញ្ជាក់ថា អ្នកណាម្នាក់កំពុងជោគជ័យ«បណ្ដោះអាសន្ន»

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

ជោគជ័យបណ្ដោះអាសន្ន បានន័យថាជីវិត កំពុងតែអូសនាំយើង ទៅរកបរាជ័យនៅពេលក្រោយដែលសឹងថា ពិបាករើខ្លួនមកវិញណាស់។ ប្រសិនអ្នកណាម្នាក់ កំពុងតែជោគជ័យខ្លាំងហើយមានសញ្ញាទាំងនេះប្រយ័ត្នខ្លួន!

១ ជោគជ័យមិនដឹងប្រភព

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុខៗជោគជ័យដោយសំណាង។ លេងឆ្នោត ទិញដី បានមរតក បានអ្វីមួយដែលយើងមិនបានធ្វើដោយមានគម្រោងសោះ។

នេះមិនមែនសញ្ញាល្អប៉ុន្មានទេ!ប្រសិនអ្នកណាម្នាក់ព្រមឲ្យវាសនាកំណត់ជីវិតខ្លួន ថ្ងៃនេះព្រមជោគជ័យព្រោះសំណាងថ្ងៃស្អែកក៏ពិបាកតវ៉ាវិញប្រសិនសំណាងកំណត់ឲ្យដួលដេក។ ចូរក្តាប់ជីវិតក្នុងកណ្តាប់ដៃ ដែលមានតែខ្លួនយើងប៉ុណ្ណោះដែលអាចឲ្យខ្លួនឯងជោគជ័យឬបរាជ័យបាន។

២ មិនដឹងវិធីរក្សាជោគជ័យ

ពិតណាស់! ជោគជ័យដែលយើងមិនបានបង្កើតឡើងដោយដៃ ដោយគម្រោងច្បាស់ដោយផែនការ យើងធ្វើម៉េចដឹងថា នឹងរក្សាបានវិធីណាទៅ? បើយើងពឹងគេដើម្បីជោគជ័យ មានតែមើលទឹកមុខគេពេញមួយជីវិត ពឹងលើគេបន្តជួយយើងទៀតដែរអត់ គេនោះដួលយើងក៏ដួលតាមដែរ ?

ប្រសិនយើងជោគជ័យព្រោះកម្លាំងខ្លួនឯងវិញ តើយើងភ័យអី? យើងដឹងហើយថា យើងកំពុងធ្វើដំណើរទៅណា អ្វីទៅនៅអនាគតខាងមុខ?

៣ ពីមុនពេលជោគជ័យនិងឥឡូវ មិនមានគំនិតរីកចម្រើនថ្មី

ក្រៅពីមានឡានថ្មីនិងផ្ទះធំ មានគេតាមហែរហមតើផ្នត់គំនិតយើងផ្លាស់ប្ដូរ ចរិតយើងចាស់ទ។ឬឆេវឆាវជាងមុន? យើងមានគម្រោងការឬធ្វើការតាមហេងស៊យ?យើងមានចំណេះដឹងសហគ្រិនភាពឬមានជំនាញវិជ្ជាជីវៈដែរ?ឬមួយបានត្រឹមស្ពាយងារដើរបង្អួតតាមហាងកាហ្វេប្រេនៗ?

ការងារដែលគួរធ្វើបន្ទាន់ពេលកំពុងជោគជ័យ មិនមែនកសាងបណ្តាញទេ(បណ្តាញនោះនឹងរលាយពេលអ្នកធ្លាក់ខ្លួន)ចូរកសាងវិជ្ជានិងជំនាញ ព្រោះពីរយ៉ាងនេះនឹងជួយអ្នកខ្លាំងពេលអ្នកធ្លាក់ខ្លួន៕

ប្រែសម្រួល៖តុងឡុង

Related Topics:បុគ្គលជោគជ័យ