KPT+

ជឿឬអត់? កាបូបរូបបង្កងយីហោ LV នេះ មានតម្លៃជិត ២ ម៉ឺនដុល្លារ

បានផុស

៣ សប្តាហ៍ មុន

នៅ

ថ្ងៃសៅរ៍ ៨ កុម្ភៈ ២០២៥

ដោយ

យោងតាម Business Standard ការបង្កើតរូបរាងចុងក្រោយបង្អស់របស់យីហោពិភពលោក Louis Vuitton (LV) បានបង្កឲ្យមានការភ្ញាក់ផ្អើលនៅលើប្រព័ន្ធផ្សព្វផ្សាយសង្គម នៅពេលដែលប្រភពជាច្រើនបានបង្ហាញពីកាបូបដែលមានរាងដូចបង្កងមានតម្លៃ ១៨,០០០ ដុល្លារអាមេរិក កាលពីថ្ងៃទី ០៦ ខែកុម្ភៈ។

ការរចនានេះបានបង្ហាញខ្លួននៅក្នុងកម្មវិធី Paris Fashion Week Fall Winter 2025 ចាប់ពីថ្ងៃទី ២១ ដល់ថ្ងៃទី ២៦ ខែមករា។ វាគឺជាការសហការរវាងនាយកច្នៃប្រឌិត Pharrell Williams និងអ្នករចនាម៉ូដសម្លៀកបំពាក់តាមដងផ្លូវដ៏ល្បីល្បាញរបស់ជប៉ុន NIGO ។ ពួកវាត្រូវបានផលិតចេញពីស្បែក Vachetta បោះពុម្ពដោយនិមិត្តសញ្ញានិមិត្តសញ្ញារបស់យីហោបារាំង និងមានរូបសត្វ Crustaceans ។ ក្រៅពីកាបូប យីហោនេះក៏យកបង្កងដាក់បង្ហាញនៅលើសម្លៀកបំពាក់ និងគ្រឿងតុបតែងលម្អផ្សេងៗដែរ។

នៅលើ Instagram ទស្សនិកជនជាច្រើនបានបញ្ចេញមតិលើកាបូបនោះថា លុយជិត២ម៉ឺនដុល្លារសម្រាប់បង្កងមួយក្បាល ពួកគេពិតជាមិនយល់នោះទេ ដែលមនុស្សជាច្រើនចំណាយលុយទៅទិញរបស់បែបនេះយកមកជាកម្មសិទ្ធផ្ទាល់ខ្លួន។ ប៉ុន្តែយ៉ាងណា អ្នកខ្លះបានតបវិញថា សិល្បៈមានតម្លៃមិនអាចកាត់ថ្លៃបាន ប្រសិនបើពួកគេមានលុយ ក៏ពួកគេទិញវាដែរ។ វាស្អាតហើយប្លែក និងជាម៉ូដគួរឲ្យចាប់អារម្មណ៍ខ្លាំងបំផុត។

Louis Vuitton ត្រូវបានបង្កើតឡើងក្នុងឆ្នាំ ១៨៥៤ហើយតែងតែស្ថិតក្នុងផ្ទះម៉ូដប្រណីតថ្លៃបំផុតទាំង ១០ក្នុងពិភពលោក។ មុននឹងដាក់បង្ហាញកាបូបបង្កង ក្រុមហ៊ុនបានទាក់ទាញការចាប់អារម្មណ៍ជាមួយនឹងកាបូបរាងដូចយន្តហោះតម្លៃ ៣៩,០០០ ដុល្លារ និងកាបូបរាងដូចកាសែត ថ្នាំលាបកំប៉ុង ឬរាងខូឃីមានតម្លៃជាង ២,០០០ ដុល្លារអាមេរិកឯណោះ៕