ព័ត៌មានជាតិ
មន្ត្រីនគរបាលអន្តោប្រវេសន៍ណា មិនទាន់ចាក់វ៉ាក់សាំងកូវីដ១៩ មិនអនុញ្ញាតឱ្យចូលកន្លែងធ្វើការឡើយ
នាយឧត្តមសេនីយ៍ គៀត ច័ន្ទថារឹទ្ធ អគ្គនាយក នៃអគ្គនាយកដ្ឋានអន្តោប្រវេសន៍ បានដាក់បទបញ្ជាថា ចាប់ពីថ្ងៃទី១០
ខែមេសា ឆ្នាំ២០២១ តទៅ មន្ត្រីនគរបាលណាដែលមិនទាន់បានចាក់វ៉ាក់សាំងកូវីដ-១៩ មិនត្រូវបានអនុញ្ញាតឱ្យចូលមកកន្លែងបំពេញការងារឡើយ។
តាមរយៈលិខិតមួយស្តីពីការផ្សព្វផ្សាយបន្ថែមដល់មន្ត្រីនគរបាលក្រោមឱវាទ ឲ្យទៅចូលរួមចាក់វ៉ាក់សាំងកូវីដ-១៩ដែលទើបទទួលបាននៅថ្ងៃនេះ នាយឧត្តមសេនីយ៍ គៀត ច័ន្ទថារឹទ្ធ បានឲ្យដឹងថា កន្លងមកនេះ មានថ្នាក់ដឹកនាំ និងមន្ត្រីគ្រប់ លំដាប់ថ្នាក់ នៃអគ្គនាយកដ្ឋានអន្តោប្រវេសន៍ បានទៅចាក់វ៉ាក់សាំងកូវីដ-១៩ តាមការស្ម័គ្រចិត្ត បានចំនួនប្រមាណ ៨២% នៃចំនួនក្របខ័ណ្ឌរួមបច្ចុប្បន្ន។
ឧត្តមសេនីយ៍ គៀត ច័ន្ទថារឹទ្ធ បានបន្តថា «ក្នុងនាមថ្នាក់ដឹកនាំនៃអគ្គនាយកដ្ឋានអន្តោប្រវេសន៍ សូមសម្តែងនូវការកោតសរសើរចំពោះ ឯកឧត្តម លោកជំទាវ លោក លោកស្រី ទាំងអស់ ដែលបានចាក់វ៉ាក់សាំង ទាំងលើកទី១ និងលើកទី២ ក៏ដូចជាអនុវត្តបានល្អប្រសើរ នូវវិធានការនានា របស់ក្រសួងមហាផ្ទៃ ក្រសួងសុខាភិបាល និងប្រមុខរាជរដ្ឋាភិបាលកម្ពុជា
ក្នុងការបង្ការទប់ស្កាត់ការរីរាលដាលជម្ងឺកូវីដ-១៩»។
ឧត្តមសេនីយ៍ គៀត ច័ន្ទថារឹទ្ធ បានបន្តទៀតថា ទន្ទឹមនេះ អគ្គនាយកដ្ឋានអន្តោប្រវេសន៍ ពិនិត្យឃើញថា នៅមានមន្ត្រីមួយចំនួនទៀត មិនទាន់បានចាក់វ៉ាក់សាំងនៅឡើយ ហើយបានជំរុញឲ្យអគ្គនាយកដ្ឋានអន្តោប្រវេសន៍បន្តផ្សព្វផ្សាយដល់មន្ត្រីនគរបាលនៅក្រោមឱវាទនាយកដ្ឋាននីមួយៗ ដែលមិនទាន់បានទៅចាក់វ៉ាក់សាំងកូវីដ- ១៩ ឱ្យទៅចាក់វ៉ាក់សាំងនៅតាមទីតាំងដែលបានណែនាំកន្លងមក។
លើសពីនេះ ឧត្តមសេនីយ៍ គៀតច័ន្ទថារឹទ្ ធបានណែនាំដល់គ្រប់នាយកដ្ឋាន ត្រូវស្រង់បញ្ជីឈ្មោះមន្ត្រីដែលបានចាក់វ៉ាក់សាំងកូវីដ-១៩ និងមន្ត្រីដែលមិនទាន់បានចាក់វ៉ាក់សាំងរួចផ្ញើមកអគ្គនាយកដ្ឋានអន្តោប្រវេសន៍ឲ្យបានមុនថ្ងៃទី១០ ខែមេសា ឆ្នាំ២០២១ជាកំណត់។
ឧត្តមសេនីយ៍ គៀត ច័ន្ទថារឹទ្ធ បានបន្ថែមថា ក្នុងករណីមន្ត្រីនគរបាលដែលមិនអាចចាក់វ៉ាក់សាំងកូវីដ-១៩ ដោយសារមូលហេតុសុខភាព ក្នុងប្រការណាមួយ សូមស្នើឱ្យមន្ត្រីនោះ ធ្វើការបញ្ជាក់ច្បាស់លាស់ ពីមន្ទីរពេទ្យក្រសួងមហាផ្ទៃ
(មន្ទីរពេទ្យ១៦ឧសភា) ឬមន្ទីរសុខាភិបាលរាជធានី ខេត្ត។
ឧត្តមសេនីយ៍ គៀត ច័ន្ទថារឹទ្ធ បានបញ្ជាក់ថា «ចាប់ពីថ្ងៃទី១០ ខែមេសា ឆ្នាំ២០២១ តទៅ មន្ត្រីនគរបាលណាដែលមិនទាន់បានចាក់វ៉ាក់សាំងកូវីដ-១៩ មិនអនុញ្ញាតឱ្យចូលមកកន្លែងបំពេញការងារឡើយ»។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសដាក់ចេញ «កាតព្វកិច្ចវ៉ាក់សាំង» លើកងកម្លាំងប្រដាប់អាវុធ និងមន្ត្រីរាជការស៉ីវិល លើកលែងតែប្រជាពលរដ្ឋ ដែលត្រូវស្ថិតនៅក្នុងគោលការណ៍ស្ម័គ្រចិត្ត ដើម្បីទទួលបានវ៉ាក់សាំងប្រឆាំងកូវីដ១៩។
នៅក្នុងសេចក្តីថ្លែងការណ៍ពិសេសនៅថ្ងៃទី១០ ខែមេសា ឆ្នាំ២០២១នេះ សម្តេចតេជោ ហ៊ុន សែន បានថ្លែងថា ក្នុងនាមជាប្រមុខរាជរដ្ឋាភិបាលកម្ពុជា សម្តេចមានសិទ្ធិដាក់ «កាតព្វកិច្ចវ៉ាក់សាំង» សម្រាប់កងកម្លាំងប្រដាប់អាវុធ និងមន្ត្រីរាជការស៉ីវិល។
សម្តេចតេជោ ហ៊ុន សែន មានប្រសាសន៍ទៀតថា «ក្នុងប៉ុន្មានថ្ងៃនេះ គេបានស្តីបន្ទោសខ្ញុំថា រំលោភលើគោលការណ៍ស្ម័គ្រចិត្ត (រឿងចាក់វ៉ាក់សាំងកូវីដ១៩) តែខ្ញុំសូមបញ្ជាក់ឲ្យច្បាស់ ក្នុងឋានៈជាប្រមុខនៃរាជរដ្ឋាភិបាលរបស់ប្រទេស។
ខ្ញុំត្រូវមានភារកិច្ច ដាក់ជាកាតព្វកិច្ច «វ៉ាក់សាំងកាត្វកិច្ច» ឲ្យកងកម្លាំងប្រដាប់អាវុធ និងមន្ត្រីរាជការស៉ីវិលទាំងអស់ តែសម្រាប់ប្រជាពលរដ្ឋ គឺគោលការណ៍ស្ម័គ្រចិត្ត»៕
អត្ថបទ ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ