ព័ត៌មានជាតិ
រដ្ឋាភិបាលផ្អាកការចាក់វ៉ាក់សាំងការពារជំងឺកូវីដ១៩ដូសទី១នៅក្នុងភូមិសាស្ត្រដែលបិទខ្ទប់ជាបណ្តោះអាសន្ន
រាជរដ្ឋាភិបាលបានសម្រេចផ្អាកចាក់វ៉ាក់សាំងការពារជំងឺកូវីដ១៩ដូសទី១នៅក្នុងភូមិសាស្រ្តរាជធានីភ្នំពេញនិងក្រុងតាខ្មៅដែលត្រូវបានបិទខ្ទប់ជាបណ្ដោះអាសន្ន។ប៉ុន្តែចំពោះការចាក់វ៉ាក់សាំងដូសទី២នៅដំណើរការធម្មតា។
យោងតាមសេចក្តីសម្រេចស្តីពីកែសម្រួលវិធានការលើសេចក្តីសម្រេចពិសេសមួយ ក្នុងការ Lockdown រាជធានីភ្នំពេញ និងក្រុងតាខ្មៅ និងចេញសេចក្តីសម្រេចបន្តហាមឃាត់ការធ្វើដំណើរ និងបិទរមណីយដ្ឋានទេសចរណ៍ទូទាំងប្រទេសកាលពីយប់ថ្ងៃទី១៧ ខែមេសា ឆ្នាំ២០២១នេះបានឲ្យដឹងថា«ការចាក់វ៉ាក់សាំងការពារជំងឺកូវីដ១៩ដូសទី១នៅក្នុងភូមិសាស្រ្តដែលត្រូវបានបិទខ្ទប់ត្រូវបានផ្អាកជាបណ្ដោះអាសន្ននៅក្នុងអំឡុងពេលបិទខ្ទប់»។
ចំណែកការធ្វើដំណើរដើម្បីទៅទទួលការចាក់វ៉ាក់សាំងការពារជំងឺកូវីដ១៩ដូសទី២ទៅតាមការកំណត់របស់អាជ្ញាធរមានសមត្ថកិច្ច។ លោកស្រី វេជ្ជបណ្ឌិត ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ នៅព្រឹកថ្ងៃទី១៧ ខែមេសា ឆ្នាំ២០២១បានប្រកាសផ្អាកការចាក់វ៉ាក់សាំងកូវីដ១៩ ទាំងលើកទី១ និងលើកទី២ ជូនបងប្អូនប្រជាពលរដ្ឋនៅរាជធានីភ្នំពេញ រយៈពេល៣ថ្ងៃ ចាប់ពីថ្ងៃទី១៧ ដល់ថ្ងៃទី១៩ ខែមេសា ២០២១នេះ។
លោកស្រីបានបន្តថាដោយឡែកចំពោះបងប្អូនប្រជាពលរដ្ឋដែលមានបំណងធ្វើដំណើរមករាជធានីភ្នំពេញដើម្បីចាក់វ៉ាក់សាំងកូវីដ១៩នេះសូមមេត្តាវិលត្រឡប់ទៅកាន់ដែលខ្លួស្នាក់នៅវិញហើយត្រូវរង់ចាំការណែនាំសាជាថ្មីដែលគណៈកម្មការនឹងចេញផ្សាយនាពេលខាងមុខនេះ។
គួរបញ្ជាក់ថារដ្ឋាភិបាលបានប្រកាសជាផ្លូវការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ ខេត្តកណ្តាល ជាបណ្តោះអាសន្ន រយៈពេល១៤ថ្ងៃ គិតចាប់ពីម៉ោងសូន្យថ្ងៃទី១៥ ខែមេសានេះ ដល់ថ្ងៃទី២៨ ខែមេសា ឆ្នាំ២០២១៕
អត្ថបទ៖សំអឿន
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល