កូនស្រីបានត្រឹមដេកមើលស្នាដៃ ខណៈធាតុលោក ម៉ៅ អាយុទ្ធ បានមកដល់ផ្ទះ តែនៅមិនទាន់អាចជួបម្ដាយ

ភ្នំពេញ៖ មហាជន និងអ្នកប្រើប្រាស់បណ្តាញសង្គមហ្វេសប៊ុកកាន់តែមានអារម្មណ៍រន្ធត់ចិត្តអាណិតខ្លាំងក្រោយពេលឃើញកូនស្របង្កើតរបស់ផលិតករភាពយន្តជើងចាស់ដ៏ឆ្នើម និងល្បីល្បាញលោក ម៉ៅ អាយុទ្ធ ពោលពាក្យនឹកស្រណោះអាល័យចំពោះ លោកឪពុកជាទីគោរពស្រលាញ់។

អ្វីដែលកាន់តែធ្វើឱ្យអ្នកគាំទ្រក្តុកក្តួលក្នុងចិត្តទៀតនោះ គឺគេឃើញកូនស្រីរបស់លោក ម៉ៅ អាយុទ្ធ គឺអ្នកនាង ម៉ៅ មុន្នីរ័ត្ន មិនត្រឹមតែពោលពាក្យនឹកអាល័យចំពោះឪពុកនោះទេ គឺថែងទាំងបង្ហោះនៅលើបណ្តាញសង្គមហ្វេសប៊ុកជាបន្តបន្ទាប់បង្ហាញពីស្នាដៃជាច្រើនរបស់ឪពុកដែលបានបន្សល់ទុក។
ជាមួយគ្នានេះដែរកូនស្រីរបស់លោក ម៉ៅ អាយុទ្ធ ក៏បានចាត់ទុកលោកឪកជាទីស្រលាញ់ជាវីរ:បុរសក្នុងចិត្តជានិច្ច។ដោយឡែងក្នុងនោះដែរអ្នកនាង ម៉ៅ មុន្នី ក៏បានបង្ហាញអារម្មណ៍នឹកអ្នកម្តាយដែលមិនទាន់អាចជួបគ្នា។

សូមបញ្ជាក់ដែរថាធាតុរបស់លោក ម៉ៅ អាយុទ្ធ ត្រូវបានយកទៅដល់គេហដ្ឋានហើយកាលពីថ្ងៃទី១៧ ខែមេសាឆ្នាំ២០២១ បន្ទាប់ពីធ្វើការបូជារួចរាល់ហើយ៕

អត្ថបទ៖ ចាន់រ៉ា

21 Attachments