ព័ត៌មានជាតិ

រដ្ឋបាលរាជធានីទទួលបានធុងសំរាម៣០០ធុងពីក្រុមហ៊ុន Khmer Beverages

បានផុស

៦ ខែ មុន

នៅ

ថ្ងៃសុក្រ ៩ មករា ២០២៦

ដោយ

ធុងសំរាមចំនួន៣០០ធុងត្រូវបានក្រុមហ៊ុន Khmer Beverages ប្រគល់ជូនរដ្ឋបាលរាជធានីភ្នំពេញ ដើម្បីយកទៅប្រើប្រាស់ទៅតាមគោលដៅសំខាន់ៗមួយចំនួននៅក្នុងរាជធានីភ្នំពេញ ធ្វើយ៉ាងណាឱ្យរាជធានីដែលជាបេះដូងនៃព្រះរាជាណាចក្រកម្ពុជាមានអនាម័យ បរិស្ថានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីប្រគល់ ទទួលអំណោយខាងលើបានធ្វើឡើងនារសៀលថ្ងៃទី០៩មករាឆ្នាំ២០១៦ ក្រោមវត្តមាន លោក ហួត ហៃ ,លោក ឯក ឃុនដឿន និងលោកឆាយ វីរៈ អភិបាលរងតំណាង លោក ឃួង ស្រេង អភិបាលរាជធានីភ្នំពេញ និងតំណាងក្រុមហ៊ុន Khmer Beverages នៅសាលារាជធានីភ្នំពេញ។

លោក ហួត ហៃ បានមានប្រសាសន៍លើកឡើងថា ធុងសំរាមទាំង៣០០ធុងនេះ ជារបស់ក្រុមហ៊ុន Khmer Beverages ប្រគល់មករដ្ឋបាលរាជធានីភ្នំពេញ ដើម្បីឱ្យរដ្ឋបាលរាជធានីយកទៅប្រើប្រាស់ទៅតាមគោលដៅសំខាន់ៗមួយចំនួននៅក្នុងរាជធានីភ្នំពេញ។

លោក ហួត ហៃ បានបញ្ជាក់ថា តាមការណែនាំពីលោក ឃួង ស្រេង សម្រាប់ធុងសំរាមទាំង៣០០ធុងនេះ មួយចំនួននឹងយកទៅដាក់ពង្រាយនៅលើផ្លូវថ្មើជើងចតុមុខ(Walk street) និងមួយចំនួនទៀតយកទៅដាក់ពង្រាយនៅវិមានឈ្នះឈ្នះ សំដៅធ្វើយ៉ាងណាឱ្យរាជធានីភ្នំពេញដែលជាបេះដូងនៃព្រះរាជាណាចក្រកម្ពុជាមានអនាម័យ និងបរិស្ថានល្អ។

ក្នុងឱកាសនោះលោក ហួត ហៃអភិបាលរង ក្នុងនាម លោក ឃួង ស្រេង អភិបាលរាជធានីភ្នំពេញបានថ្លែងនូវការអរគុណយ៉ាងជ្រាលជ្រៅចំពោះ ក្រុមហ៊ុន Khmer Beverages ដែលបាននាំយកធុងសំរាមមកជូនរដ្ឋបាលរាជធានីភ្នំពេញ ដើម្បីយកទៅ ដាក់តាមគោលដៅសំខាន់ៗមួយចំនួននៅក្នុងរាជធានីភ្នំពេញ៕

ដោយ ៖ ស្រីរ័ត្ន