ព័ត៌មានជាតិ

ដាក់កំហិត បងប្អូនរស់នៅតំបន់តំបន់ក្រហម ត្រូវទៅយកតេស្តសំណាក

បានផុស

៣ years មុន

នៅ

ថ្ងៃសៅរ៍ ២៤ មេសា ២០២១

ដោយ

រដ្ឋបាលរាជធានីភ្នំពេញ បានចេញសេចក្តីណែនាំដល់ប្រជាពលរដ្ឋរស់នៅតំបន់ក្រហមក្នុងមូលដ្ឋានរាជធានីភ្នំពេញត្រូវទៅយកតេស្តសំណាកជាកំហិតដែលកំណត់ដោយច្បាប់ក្នុងវិធានការទប់ស្កាត់ការឆ្លងរាលដាលជំងឺកូវីដ១៩។ ក្នុងករណីប្រជាពលរដ្ឋណាម្នាក់មិនព្រមសហការ ឬ គេចវេះមិនទៅយកសំណាកធ្វើតេស្ដរកវីរុសកូវីដ ១៩ នឹងត្រូវទទួលទោស ដូចមានកំណត់ក្នុងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត និងលិខិតបទដ្ឋានគតិយុត្តពាក់ព័ន្ធជាធរមាន ។

ចំពោះប្រជាពលរដ្ឋដែលរស់នៅតំបន់ក្រហមនៃសង្កាត់ស្ទឹងមានជ័យទី១ សង្កាត់ស្ទឹងមានជ័យទី២ និងសង្កាត់ស្ទឹងមានជ័យទី៣ ខណ្ឌមានជ័យ ត្រូវទៅយកសំណាកនៅទីតាំងខាងក្រោម៖

១- ទីលានចាក់សំរាមចាស់ ក្នុងភូមិដំណាក់ធំ
២- ទីតាំងបណ្តោយផ្លូវលេខ ១០១៩ (ផ្លូវទ្រុងមាន់) ក្នុងភូមិទ្រុងមាន់ ភូមិទ្រា
៣- វិហារព្រះយេស៊ូ ទល់មុខបញ្ជាការដ្ឋានកងរាជអាវុធហត្ថរាជធានីភ្នំពេញ ។

ចំពោះប្រជាពលរដ្ឋដែលរស់នៅតំបន់ក្រហមនៃសង្កាត់ចោមចៅទី១ ខណ្ឌពោធិ៍សែនជ័យ ទៅយកសំណាកនៅ៖

១- សាលាបឋមសិក្សាសុភមង្គម ក្នុងភូមិបប៉ែកខាងជើង
២- ផ្សារ K-Mall ក្នុងភូមិត្រពាំងថ្លឹង១
៣- ដីឡូត៍ ខាងក្រោយផ្សារឯករាជ្យIII ក្នុងភូមិត្រពាំងថ្លឹង១ ។

ចំពោះប្រជាពលរដ្ឋដែលរស់នៅក្នុងទីតាំងដែលត្រូវបានកំណត់ជាតំបន់ក្រហម នៃភូមិ១៤ ភូមិ១៦ និងភូមិ១៧ សង្កាត់ បឹងសាឡាង ខណ្ឌទួលគោក ត្រូវទៅយកសំណាកនៅក្នុងបរិវេណមជ្ឈមណ្ឌលវប្បធម៌ចេនឡា ។