ព័ត៌មានអន្ដរជាតិ
ភេរវករសារភាពថា ខ្លួនត្រូវគេជួលតម្លៃ ៥ ៤១៨ដុល្លារ ឲ្យវាយប្រហារនៅ រុស្ស៊ី
យោងតាម RT, នៅថ្ងៃចន្ទទី២៥ខែមីនា តុលាការរុស្ស៊ី បានចោទប្រកាន់បុរស៤នាក់ ពាក់ព័ន្ធការវាយប្រហារភេរវកម្មក្នុងសាលប្រគំតន្ត្រីសម្លាប់មនុស្ស ១៣៧នាក់ ប៉ុន្តែតាមការសួរចម្លើយរបស់កងកម្លាំងទីក្រុងមូស្គូ មុនពេលនាំខ្លួនពួកគេចូលតុលាការ មានជនសង្ស័យម្នាក់សារភាពថា ខ្លួនត្រូវគេជួលតម្លៃ៥ ៤១៨ដុល្លារ ដើម្បីឲ្យប្រព្រឹត្តទង្វើនេះ។
ជនសង្ស័យម្នាក់បានអះអាងថា គាត់ប្រព្រឹត្តបទឧក្រិដ្ឋដើម្បីតែលុយប៉ុណ្ណោះ។ មានអ្នកជួល ហើយសន្យាផ្តល់ប្រាក់ ៥ ៤១៨ដុល្លារ ខណៈប្រាក់ពាក់កណ្តាល បានផ្ទេរចូលកុងធនាគាររបស់គាត់រួចទៅហើយ មុនការវាយប្រហារ។
ជនសង្ស័យដដែលនេះ ក៏សារភាពដែរថា គាត់ស្តាប់អ្នកបញ្ចូលមនោគមន៍វិជ្ជានៅលើឆានែល Telegram មួយរយៈមកហើយ ហើយប្រហែលមួយខែមុនការវាយប្រហារ មានមេគំនិតម្នាក់ទាក់ទងមកគាត់។ ទោះបីជាយ៉ាងណាក៏ដោយ គាត់មិនប្រាប់ថា អ្នកនោះជានរណាទេ។
ប្រព័ន្ធផ្សព្វផ្សាយលោកខាងលិចមួយចំនួនរួមទាំង Reuters និង CNN ផងដែរ សុទ្ធតែរាយការណ៍ថា ក្រុមរដ្ឋឥស្លាម បានអះអាងទទួលខុសត្រូវចំពោះការវាយប្រហារ ហើយក្រុមភេរវករនេះ ក៏បញ្ចេញរូបថតជនសង្ស័យបួននាក់ ឈរជិតទង់ IS ដែរ។ យ៉ាងណា រុស្ស៊ី បានដាក់ការសង្ស័យទៅលើអ៊ុយក្រែន ប៉ុន្តែត្រូវបានទីក្រុងកៀវ បដិសេធ ហើយចាត់ទុកជាការចោទប្រកាន់ទាំងដែលគ្មានព័ស្តុតាងនេះថា “មិនសមហេតុផលទាល់តែសោះ”។
សូមរម្លឹកបន្តិច មកទល់ពេលនេះ ជនសង្ស័យចំនួន១១នាក់កំពុងស្ថិតក្នុងដៃរុស្ស៊ី ដោយជឿថាពាក់ព័ន្ធក្នុងការវាយប្រហារភេរវកម្មដ៏សាហាវឃោរឃៅ ហើយក្នុងនោះ មាន៤នាក់ដែលរុស្ស៊ីអះអាងថា ចូលរួមដោយផ្ទាល់ក្នុងការវាយប្រហារនៅសាលប្រគំតន្ត្រី។
សេចក្តីថ្លែងការណ៍របស់ FSB បាននិយាយថា ជនសង្ស័យទាំង៤នាក់នោះ ត្រូវបានចាប់ខ្លួននៅពេលព្រឹកព្រលឹមថ្ងៃសៅរ៍ (ពេលវេលានៅរុស្ស៊ី) ក្នុងតំបន់ Bryansk ជាប់ព្រំដែនអ៊ុយក្រែន។ ពួកគេបានធ្វើដំណើរក្នុងរថយន្តម៉ាក Renault Symbol/Clio ពណ៌ស ដែលជិះគេចពីកន្លែងកើតហេតុ។
យោងតាមព័ត៌មានចុងក្រោយបំផុត ជនសង្ស័យទាំង៤មានឈ្មោះ Dalerdzhon Mirzoyev, Saidakrami Murodali Rachabalizoda, Shamsidin Fariduni និង Muhammadsobir Fayzov។
សេចក្តីថ្លែងការណ៍របស់តុលាការបានឲ្យដឹងថា Mirzoyev គឺជាពលរដ្ឋនៃប្រទេសតាហ្ស៊ីគីស្ថាន ហើយបានសារភាពកំហុសទាំងស្រុង ខណៈ Rachabalizoda ក៏សារភាពកំហុសដែរ។ តុលាការបន្ថែមថា អ្នកទាំងបួន ត្រូវឃុំខ្លួនបណ្តោះអាសន្នរហូតដល់ថ្ងៃទី២២ខែឧសភា៕
អត្ថបទ៖ សុខ សុវណ្ណ
ចុចអាន៖ លម្អិតការវាយប្រហារភេរវកម្មនៅរុស្ស៊ី ខណៈមនុស្សស្លាប់ កើនដល់ ១៣៧នាក់
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ