ស្វាយរៀងខាប់លើកទី៦រក​ឃើញក្រុមប៉ះគ្នាវគ្គ១៦ក្រុមចុងក្រោយ

ការ​ប្រកួត​ជើង​ឯក​ស្វាយរៀង​ខាប់​រដូវ​កាល​ទី​៦ ឆ្នាំ​២០២៣-២៤ បាន​បញ្ចប់​ការ​ប្រកួត​សន្សំ​ពិន្ទុ​ក្នុង​ពូល​ហើយ បន្ទាប់​ពី​ចំណាយ​ពេល​អស់​ជាង​៣​ខែ។ ពេល​នេះ​រក​ឃើញ​ក្រុម​ឡើង​វគ្គ​១៦​ក្រុម​ចុង​ក្រោយ និង​ចាប់​ឆ្នោត​រួច​រាល់ចំពោះក្រុម​​ដែល​ប៉ះ​គ្នា​នៅ​វគ្គ​នេះ។

លទ្ធផល​នៃ​ការ​ប្រកួត​សន្សំ​ពិន្ទុ​សប្តាហ៍​ទី​១៣ ជា​សប្តាហ៍​សន្សំ​ពិន្ទុ​ក្នុង​ពូល​ចុង​​ក្រោយ កាល​ពី​ថ្ងៃ​សៅរ៍ ទី​២៣ ខែ​មីនា​ ក្រុម​សសយក ស្រុកចន្រ្ទា រក​បាន​៣​ពិន្ទុ​តាម​រយៈ​ជ័យជម្នះ ៥-០ លើ​ក្រុម សសយក បាទី ខណៈ​ក្រុម​បក្សីស្វាយរៀង​ ចែក​គ្នា​១​ពិន្ទុ​ម្នាក់ បន្ទាប់​ពី​ស្មើក្រុម​នគរបាលច្រកទ្វារព្រំដែនបាវិត ២-២ ហើយ​ក្រុម CRS SPORT បាន​យក​ឈ្នះ​​ក្រុម​ យុវជនជីភូ ដោយ​លទ្ធផល ៥-១ ដើម្បី​បាន​៣​ពិន្ទុ​បន្ថែម។

ចំពោះ​ថ្ងៃ​អាទិត្យ ទី​២៤ ខែ​មីនា  ក្រុម​ព្រះខ័នរាជស្វាយរៀងអាយុ​១៨​ឆ្នាំ​រក្សា​កំណត់​ត្រា​មិន​ចាញ់​ក្នុង​វគ្គ​សន្សំ​ពិន្ទុ​ តាម​រយៈ​ជ័យជម្នះ​ ៤-១ លើ​ក្រុម​សុំាម៉ូរៃភូមិតាកឹង ហើយ​ក្រុម​សាកលស្វាយរៀង​បាន​បរាជ័យ​ធ្ងន់​ក​​ក្រោម​ថ្វី​ជើង​ក្រុម​សសយក ស្រុកកំពង់រោទិ៍ ២-៨។

នៅ​​ល្ងាច​ថ្ងៃ​ទី ២៤ ខែ​មីនា ឆ្នាំ​២២០២៤ គណៈកម្មការ​រៀប​ចំ​ការ​ប្រកួត​បាន​ធ្វើ​ការ​ចាប់​ឆ្នោត​ដើម្បី​ជ្រើស​រើស​ក្រុម​ដែល​ប៉ះ​​គ្នា​នៅ​វគ្គ​១៦​ក្រុម​ចុង​ក្រោយ​មាន​លទ្ធផល​ដូច​ខាង​ក្រោម។

• ព្រះខ័នរាជស្វាយរៀងអាយុ​១៨​ឆ្នាំ vs ពូប្រុសលីងគួយ
• ស្នងការដ្ឋាននគរបាលខេត្តស្វ.រ  vs កាំភ្លើងធំ
• សៀងហៃរីសតFC vs យុវជនឃុំសម្បត្តិមានជ័យ
• នគរបាលច្រកព្រំដែនបាវិត vs ដារ៉ូពិទូសុខសាន្ត
• UNITED SEZ vs គោព្រៃស្វាយធំ
• សសយក ក្រុងបាវិត vs ភូមិហ៊ីង
• ស្វាយទាប អេហ្វស៊ី vs CRS SPORT
• យុវជនសាគ្គី vs រមាសក្រហម

អត្ថបទ៖ វីរបុត្រ