ព័ត៌មានជាតិ

ផ្លូវជាតិលេខ ៥៥ ទៅស្រុកភ្នំក្រវាញ អាជ្ញាធររៀបចំបំពាក់បង្គោលភ្លើងបំភ្លឺផ្លូវ គ្រោងរួចរាល់មុនចូលឆ្នាំខ្មែរ

បានផុស

៥ ខែ មុន

នៅ

ថ្ងៃពុធ ៤ មីនា ២០២៦

ដោយ

អាជ្ញាធរស្រុកភ្នំក្រវាញខេត្តពោធិ៍សាត់ បានកំពុងរៀបចំបំពាក់បង្គោលភ្លើងបំភ្លឺផ្លូវប្រវែងជាង ២៣ គីឡូម៉ែត្រតាមបណ្តោយផ្លូវលេខ ១៥៥ និងផ្លូវជាតិលេខ ៥៥ ចាប់ពីព្រំប្រទល់ក្រុងពោធិ៍សាត់ដល់រង្វង់មូលក្រូចពោធិ៍សាត់ និងដំណាក់ឈើក្រំ ដែលគ្រោងបញ្ចប់ឲ្យបានមុនថ្ងៃចូលឆ្នាំខ្មែរខាងមុខនេះ។

អាជ្ញាធរស្រុកភ្នំក្រវាញបានឲ្យដឹងថា គម្រោងតម្លើងបង្គោលភ្លើងសូឡា ដើម្បីសម្រួលដល់ការធ្វើដំណើរ កាត់បន្ថយគ្រោះថ្នាក់ចរាចរណ៍និងបង្កលក្ខណៈងាយស្រួលក្នុងការគ្រប់គ្រងសន្តិសុខផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក នៅលើកំណាត់ផ្លូវជាតិលេខ ៥ ក្នុងភូមិសាស្ត្រខេត្តពោធិ៍សាត់ ចាប់ពីស្រុកក្រគរព្រំប្រទល់ខេត្តកំពង់ឆ្នាំងរហូតដល់ស្រុកបាកានព្រំប្រទល់ខេត្តបាត់ដំបងប្រវែង ៩០ គីឡូម៉ែត្រ រដ្ឋបាលខេត្តពោធិ៍សាត់ក៏បានបញ្ចប់ការតម្លើងបង្គោលភ្លើងបំភ្លឺប្រើពន្លឺព្រះអាទិត្យប្រភេទអំពូល Solar LED ទាំងស្រុង។

លោក ខូយ រីដា អភិបាលខេត្តពោធិ៍សាត់បានចាត់ទុកកិច្ចការនេះ មានសារៈសំខាន់ណាស់សម្រាប់ការកាត់បន្ថយគ្រោះថ្នាក់ចរាចរណ៍ ដោយធានាបាននូវសន្តិសុខ សុវត្ថិភាព និងភាពងាយស្រួល ក្នុងការធ្វើដំណើរជូនបងប្អូនប្រជាពលរដ្ឋនាពេលយប់៕