ផ្ដន្ទាទោសក្រុមមាតាធម្មជាតិ៥នាក់ ដាក់ពន្ធនាគារពី១៨ខែទៅ២០ខែ

លោក លិ សុខា ចៅក្រមជំនុំជម្រះ សាលាដំបូងរាជធានីភ្នំពេញ និងលោក សឿ ឡង់ឌី ជាព្រះរាជអាជ្ញារង អមសាលាដំបូង បានប្រកាសសាលក្រមសម្រេចផ្តន្ទាទោសលើសំណុំរឿង ក្រុមយុវជនបរិស្ថានចំនួន០៥នាក់(នៅក្នុងឃុំ០៣នាក់និងក្រៅឃុំ០២នាក់) ដាក់ពន្ធនាគារតាមការប្រព្រឹត្តរបស់ពួកគេ ។

ជនជាប់ចោទ១ នៅក្នុងឃុំ ឈ្មោះ ឡុង គន្ធា ភេទស្រី (នៅក្នុងឃុំ) ២.ឈ្មោះ ភួន កែវរស្មី ភេទស្រី (នៅក្នុងឃុំ) ត្រូវដាក់ពន្ធនាគារម្នាក់ៗ ១៨ខែ និងពិន័យជាប្រាក់ក្នុងម្នាក់ៗ៤លានរៀល ។

ជនជាប់ចោទ ៣.ឈ្មោះ ថុន រដ្ឋា ភេទប្រុស (នៅក្នុងឃុំ) ៤.ឈ្មោះ អាឡិច ត្រូខុនសាឡេស ទៅក្រៅប្រទេស (នៅក្រៅឃុំ) ៥.ឈ្មោះ ជា គុន្ធិ (ក្រៅឃុំ) ត្រូវដាក់ពន្ធនាគារម្នាក់ៗរយៈពេល២០ខែ និងពិន័យជាប្រាក់ម្នាក់ៗចំនួន៤​លាន​រៀល ក្រោមការចោទប្រកាន់ពីបទ « ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម » តាមមាត្រា ២៨, ៤៩៤ និង មាត្រា ៤៩៥ នៃក្រមព្រហ្មទណ្ឌនៃព្រះរាជាណាចក្រកម្ពុជា ពាក់ព័ន្ធនឹងការបង្ហោះខ្លឹមសារនៅលើបណ្ដាញសង្គម និងដើរទៅផ្ទះសម្ដេចនាយករដ្ឋមន្ត្រី ហ៊ុនសែន បង្ហាញពីផលប៉ះពាល់នៃការលុបបឹងតាមោកកន្លងទៅរបស់ក្រុមហ៊ុនវិនិយោគ ៕

អត្ថបទ ៖ មករា