អគ្គនាយកដ្ឋានធនធានរ៉ែប្ដេជ្ញាកាត់បន្ថយការិយាធិបតេយ្យ ដើម្បីសម្រួលដល់ការផ្តល់សេវានិងគាំទ្រវិស័យឯកជនក្នុងការអភិវឌ្ឍន៍វិស័យរ៉ែ

អគ្គនាយកដ្ឋានធនធានរ៉ែប្ដេជ្ញាកាត់បន្ថយការិយាធិបតេយ្យ ដើម្បីសម្រួលដល់ការផ្តល់សេវានិងគាំទ្រវិស័យឯកជនក្នុងការអភិវឌ្ឍន៍វិស័យរ៉ែ។ ការប្ដេជ្ញានេះធ្វើឡើង ក្នុងឱកាសបូកសរុបលទ្ធផលការងារឆមាសទី១និងទិសដៅអនុវត្តការងារបន្តឆមាសទី២របស់អគ្គនាយកដ្ឋានធនធានរ៉ែ។

លោក អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ ឱ្យដឹងតាមរយៈទំព័រ facebook ផ្លូវការ នាថ្ងៃទី១៨ ខែកក្កដា នេះថា លទ្ធផល៦ខែ ឆ្នាំ២០២៦នេះ ការប្រមូលចំណូលមិនមែនសារពើពន្ធមានការកើនឡើងគួរអោយកត់សំគាល់ ដោយប្រមូលបាន ៩២,៨៦ លាន ដុល្លាអាម៉េរិក (ស្មើនឹង ១២៩% នៃច្បាប់ថវិកាជាតិ)។

ទន្ទឹមនឹងលទ្ធផលនៃ អគ្គនាយកដ្ឋានរ៉ៃ ក៏ប្ដេជ្ញាកៀរគរចំណូលពីវិស័យរ៉ែដើម្បីសេដ្ឋកិច្ចជាតិ និងកាត់បន្ថយការិយាធិបតេយ្យដើម្បីសម្រួលដល់ការផ្តល់សេវានិងគាំទ្រវិស័យឯកជនក្នុងការអភិវឌ្ឍន៍វិស័យរ៉ែ។

អគ្គនាយកដ្ឋានរ៉ែក៏បានគូសបញ្ជាក់ពីការគិតគូរអំពីតុល្យភាពនៃការអភិវឌ្ឍន៍និងការអភិរក្សដោយយកចិត្តទុកដាក់ខ្ពស់ទៅលើផលប៉ះពាល់សង្គមនិងបរិស្ថានបង្កើនអត្ថប្រយោជន៍ជូនដល់សហគមន៍មូលដ្ឋាន និងបង្កើនសុវត្ថិភាពនិងសុខមាលភាពដល់នយោជិត-កម្មករ ហើយរ៉ែលុបបំបាត់រ៉ែអនាធិបតេយ្យ។

អគ្គនាយកនៃអគ្គនាយកដ្ឋានរ៉ែលោក អ៉ឹង ឌីប៉ូឡា បញ្ជាក់ថាធនធានរ៉ែកម្ពុជាជាធនធានរបស់ប្រជាជនខ្មែរគ្រប់ៗគ្នា។ លោកបានអរគុណប្រជាពលរដ្ឋកម្ពុជាទាំងអស់ចំពោះក្តីបារម្ភ និងការចូលរួមផ្តល់យោបល់៕