ព័ត៌មានជាតិ

លំនៅឋានប្រជាពលរដ្ឋចំនួន៦០ខ្នងផ្ទះក្នុងស្រុកចំនួន៤នៃខេត្តបាត់ដំបងត្រូវបានខ្យល់កន្ត្រាក់បក់បោកបំផ្លាញ

បានផុស

៥ years មុន

នៅ

ថ្ងៃសុក្រ ៧ ឧសភា ២០២១

ដោយ

បាត់ដំបង ៖ ខណៈដែលមានភ្លៀងធ្លាក់១មេយ៉ាងគំហុកលាយឡំជាមួយខ្យល់កួចខ្លាំងបានបោកបក់បំផ្លាញលំនៅឋានរបស់ប្រជាពលរដ្ឋចំនួន៦០ខ្នងក្នុងភូមិសាស្ត្រខេត្តបាត់ដំបង។ មន្ត្រីជំនាញថាដោយសារតែអាកាសធាតុប្រែប្រួលសំពាធចុះទាបដែលបង្កឲ្យធ្លាក់ភ្លៀងនិងខ្យល់កន្ត្រាក់ដោយមានកម្លាំងខ្លាំងបានបោកបក់នាំឲ្យប៉ះពាល់ទៅដល់តំបន់មួយចំនួននៃខេត្តបាត់ដំបងក្នុងនោះមានស្រុកស្រុកឯកភ្នំ,ស្រុកថ្មគោល,ស្រុករុក្ខគីរីនិងស្រុកភ្នំព្រឹក។

គ្រោះធម្មជាតិនេះបានកើតឡើងកាលពីថ្ងៃទី០៦ខែឧសភាឆ្នាំ២០២១កាលពម្សិលមិញនេះពលរដ្ឋត្រូវមានការប្រុងប្រយ័ត្នផង។

បើតាមរបាយការណ៍ពីសមត្ថកិច្ចដែនបានបញ្ជាក់ថា ឧបទ្ទវហេតុដ៏កាចនេះបានបំផ្លាញលំនៅឋានរបស់ប្រជាពលរដ្ឋសរុបចំនួន៦០ខ្នងក្នុងនោះមានភូមិសាស្ត្រស្រុកភ្នំព្រឹកខូចខាតធ្ងន់និងស្រាលចំនួន១០ខ្នង,ស្រុកឯកភ្នំចំនួន៣ខ្នង,ស្រុករុក្ខគីរីប៉ះពាល់រោងម៉ាស៊ីន១ខ្នងផ្ទះប្រជាពលរដ្ឋចំនួន២៩ខ្នងនិងស្រុកថ្មគោលប៉ះពាល់អស់ចំនួន១៧ខ្នង។

តំបន់ដែលរងការបំផ្លាញផ្ទួនៗដោយសារគ្រោះធម្មជាតិខាងលើនេះដែរភាគច្រើនគឺបានគ្របដណ្តប់ទៅលើតែជាតំបន់ស្រែចម្ការនិងព្រៃរបោះប៉ុណ្ណោះ។ ហើយបច្ចុប្បន្នអាជ្ញាធរមានសមត្ថកិច្ចក្នុងមូលដ្ឋានកំពុងធ្វើកិច្ចការនេះនិងធ្វើរបាយការណ៍ជូនថ្នាក់ស្រុកនិងខេត្តផងដែរដើម្បីជួយសម្រាលទុក្ខរបស់ពលរដ្ឋនៅពេលក្រោយ៕

ដោយ ៖ សៅ សារិទ្ធ