ព័ត៌មានជាតិ
មេខ្យល់២នាក់ ត្រូវបានឃាត់ខ្លួន ខណៈលួចនាំពលករឆ្លងដែនចូលទឹកដីថៃខុសច្បាប់
បាត់ដំបង ៖ មេខ្យល់នាំពលករចូលទៅប្រទេសដោយខុសច្បាប់ចំនួន២នាក់ ត្រូវបានកម្លាំងកងពលតូចថ្មើរជើងលេខ៥៣បានចុះល្បាតប្រទះឃើញឃាត់ខ្លួន នៅថ្ងៃទី១៧ ខែឧសភាម្សិលមិញខណៈដែលពួកគេកំពុងនាំពលករឆ្លងដែនចូលប្រទេសថៃ ដែលទង្វើនេះ បានផ្គើននិងវិធានការទប់ស្កាត់ជំងឺកូវីដ-១៩របស់រាជរដ្ឋាភិបាល ក៏ដូចជាក្រសួងសុខាភិបាលផង។
លោកវរសេនីយ៍ឯកសុខ ដែន មេបញ្ជាការរងកងពលតូចថ្មើរជើងលេខ៥៣បានឲ្យដឹងនៅថ្ងៃទី១៨ខែឧសភានេះថា ការបង្ក្រាបករណីខាងលើកងកម្លាំងខិតខំបំពេញភារកិច្ចតាមបទបញ្ជាដែលថ្នាក់ដឹកនាំកំពូលៗពីថ្នាក់ជាតិបានដាក់ចេញនូវវិធានការទប់ស្កាត់ការរីករាលដាលជំងឺកូវីដ១៩ក៏ដូចជាទប់ស្កាត់រាល់បទល្មើសមួយចំនួនទៀតនិងស្របជាមួយនឹងបទបញ្ជារបស់លោកឧត្តមសេនីយ៍ត្រីកែវ សេង មេបញ្ជាការកងពលផងដែរ ដែលតែងជំរុញឲ្យដល់បណ្តាកងកម្លាំងតាមគោលដៅតំបន់ព្រំដែនទាំងអស់ត្រូវរឹតបន្តឹងនូវបញ្ហាសន្តិសុខព្រំដែនឲ្យកាន់តែមានប្រសិទ្ធភាព។
ប្រភពខាងលើបន្តថា ជនសង្ស័យជាមេខ្យល់ទាំង២នាក់មានឈ្មោះ មាន រឿន ភេទប្រុស អាយុ៣៤ឆ្នាំ និងម្នាក់ឈ្មោះសេង តាក់ ភេទប្រុស អាយុ៣៤ឆ្នាំ ទាំង២នាក់រស់នៅក្នុងភូមិបឹងរាំងឃុំបឹងរាំង ស្រុកកំរៀង ខេត្តបាត់ដំបង ឃាត់ខ្លួនបាននៅចំណុចដើមអំពិលទឹកឋិតក្នុងភូមិសាស្ត្រភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង ខណៈដែលពួកគេកំពុងធ្វើសកម្មភាពនាំពលករ។
លោកវរសេនីយ៍ឯកសុខ ដែន បានបញ្ជាក់បន្តថា ដោយមានការអនុវត្តភារកិច្ចចុះល្បាតតាមបន្ទាត់ព្រំដែនដើម្បីពង្រឹងនូវវិធានការទប់ស្កាត់ការរីករាលដាលជំងឺកូវី១៩ គឺ២៤ម៉ោងលើ២៤ម៉ោងគិតចាប់តាំងពីទទួលផែនការពង្រឹងវិធានការទប់ស្កាត់នូវជំងឺកូវីដ១៩មកកម្លាំងកងពលតូចថ្មើរជើងលេខ៥៣បានបំពេញកាតព្វកិច្ចបើកការស្រាវជ្រាវនាំខ្លួនមេខ្យល់មកដល់ពេលនេះបានចំនួន១៣នាក់បញ្ជូនបន្តអនុវត្តតាមនីតិវិធី។ ចំណែកប្រជាពលរដ្ឋដែលជាពលករបញ្ជូនទៅកាន់មណ្ឌលចត្តាឡីស័កបានចំនួនជិត១០.០០០នាក់ផងដែរ៕
ដោយ ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ