ខេត្តព្រះសីហនុរកឃើញអ្នកវិជ្ជមានកូវីដថ្មី ចំនួន ២៦៧នាក់

លោក ឃាង ភារម្យ អ្នកនាំពាក្យសាលាខេត្តព្រះសីហនុ បានមានប្រសាសន៍ នៅរសៀល ថ្ងៃទី ២២ ឧសភា នេះថាខេត្តព្រះសីហនុ បានរកឃើញអ្នកឆ្លងជំងឺកូវីដ១៩ ចំនួន២៦៧នាក់បន្ថែមទៀតស្រី ១៦២នាក់ និងអ្នកជាសះស្បើយថ្មីចំនួន ១០៥នាក់ស្រី ៥៧នាក់។

ក្នុងចំណោមអ្នកឆ្លង២៦៧នាក់នោះក្នុងនោះមាននៅក្រុងព្រះសីហនុចំនួន១៤នាក់ និងនៅស្រុកព្រៃនប់ចំនួន ២៥៣ នាក់។ គិតត្រឹមថ្ងៃទី២១ឧសភាឆ្នាំ២០២១នេះខេត្តព្រះសីហនុមានអ្នកឆ្លងជំងឺកូវីដ ១៩ក្នុងព្រឹត្តិការណ៍សហគមន៍មានចំនួន៣.០១៥នាក់ ស្រី ១.៧០០ នាក់ ជនជាតិ ខ្មែរ  ២.៦៩៦នាក់។ អ្នកជាសះស្បើយថ្មី ចំនួន២. ២២៦ នាក់ ស្រី  ១.៣០៨នាក់អ្នកជំងឺនៅសល់ ៧៧៧នាក់ ស្រី ៣៨៦នាក់និងអ្នកស្លាប់បាត់បង់ជីវិត ចំនួន១២នាក់  ស្រី ៦នាក់  ជនជាតិខ្មែរទាំងអស់៕