ព័ត៌មានជាតិ
រាជរដ្ឋាភិបាលនឹងចាក់វ៉ាក់សាំងជូនប្រជាពលរដ្ឋគ្រប់គ្នាឲ្យចប់យ៉ាងយូរត្រឹមដើមឆ្នាំ២០២២
តាមរយៈសារជាសម្លេង នាព្រឹកថ្ងៃទី២៩ ខែឧសភា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ថា៖ «រាជរដ្ឋាភិបាលនឹងខិតខំធ្វើឲ្យសម្រេចនូវការចាក់វ៉ាក់សាំងជូនប្រជាពលរដ្ឋឲ្យអស់ ឬឲ្យចប់នៅក្នុងឆ្នាំនេះ ឬយឺតបំផុតនៅដើមឆ្នាំក្រោយ។»
កន្លងមកមានការស្នើសុំចាក់វ៉ាក់សាំងនៅតាមខេត្ត ក៏ដូចជាក្រសួង ស្ថាប័ន ក្រុមហ៊ុន រោងចក្រ សហគ្រាសផ្សេងៗ ហើយក៏មានការស្នើសុំចាក់នៅតាមវិស័យផ្សេងៗផងដែរ ដូចជាវិស័យទេសចរណ៍ជាដើម។
ទាក់ទងទៅនឹងការស្នើសុំនេះ សម្ដេចតេជោបានលើកឡើងថា រាជរដ្ឋាភិបាលបានដាក់ចេញនូវផែនការមេ ដែលជាយុទ្ធសាស្ត្រសម្រាប់ការចាក់វ៉ាក់សាំង គឺយើងប្រើយុទ្ធសាស្ត្រ “ផ្ការីក” ដោយចាក់ពីក្នុងចេញក្រៅ។ យើងមិនអាចប្រើវាក់សាំងត្រង់នេះបន្តិចត្រង់នោះបន្តិចបានទេ បើធ្វើដូច្នេះនឹងមិនទទួលបានផលក្នុងការចាក់វ៉ាក់សាំងនោះទេ។
យោងតាមសម្ដេចតេជោនាយករដ្ឋមន្ត្រី ការចាក់វ៉ាក់សាំងនៅទីក្រុងភ្នំពេញ គឺជាអាទិភាពខ្ពស់បំផុត ហើយបន្តទៅទីប្រជុំជននៅខេត្តកណ្ដាល។ បន្ទាប់មកទៀត នឹងចេញទៅគោលដៅសំខាន់ៗនានា នៅតាមទីប្រជុំជន ទីរួមខេត្ត និងតំបន់រោងចក្រដែលមានកម្មករកកកុញ។
តាមការប៉ាន់ស្មាន ប្រជាពលរដ្ឋខ្មែរ ដែលត្រូវចាក់វ៉ាក់សាំងមានប្រមាណ១០ លាននាក់ ហើយប្រជាពលរដ្ឋនៅទីក្រុងភ្នំពេញ នៅទីប្រជុំជនខេត្តកណ្ដាល និងតំបន់ដែលមានកម្មករច្រើន មានចន្លោះពី៥ ទៅ ៦ លាននាក់ ដែលជាចំណុចអាទិភាពក្នុងការចាក់វ៉ាសាំង តាមដំណាក់កាល និងតាមចំនួនវ៉ាក់សាំងដែលយើងមាន។
តាមគម្រោង វ៉ាក់សាំងនឹងមកដល់ចំនួន៤ លាន៥ សែនដូសបន្ថែមទៀត នៅខែមិថុនា ខាងមុខ ហើយរាជរដ្ឋាភិបាលនឹងចាក់វ៉ាក់សាំងជូនប្រជាពលរដ្ឋឱ្យចប់សព្វគ្រប់នៅដំណាច់ឆ្នាំនេះ ឬដើមឆ្នាំក្រោយ។
នៅក្នុងដំណាក់កាលដែលប្រជាពលរដ្ឋមិនទាន់បានទទួលវ៉ាក់សាំង សម្ដេចតេជោ ហ៊ុន សែន បានអំពាវនាវឲ្យប្រជាពលរដ្ឋការពារខ្លួនឲ្យបានល្អតាមរយៈ ៣ កុំ ៣ ការពារ ហើយបើទោះបីជាអ្នកបានទទួលវ៉ាក់សាំងក៏ដោយ ត្រូវតែមានវិធានការការពារដូចគ្នាពីព្រោះវ៉ាក់សាំង មិនអាចទប់បានគ្រប់ការចម្លងនោះទេ គឺត្រូវប្រើវ៉ាក់សាំងផង និងវិធីការពារផងទើបបាន៕
អត្ថបទ៖ កោះកែវ
-
KPT+១៦ ម៉ោង ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
ព័ត៌មានអន្ដរជាតិ៥ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ១ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៥ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៤ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម៣ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ