កីឡា
អ្នកគាំទ្រកំពុងពេញចិត្ត ខ្សែបម្រើ ៣ នាក់នៅក្រុម U23 កម្ពុជា តែត្រូវបង្កើនខ្សែប្រយុទ្ធ
អ្នកគាំទ្រកីឡាបាល់ទាត់កម្ពុជា បានពេញចិត្តចំពោះសមត្ថភាពរបស់ខ្សែបម្រើកណ្តាល ៣ នាក់នៅក្នុងក្រុមបាល់ទាត់ជម្រើសជាតិកម្ពុជាអាយុក្រោម ២៣ ឆ្នាំ (U23) ដែលកំពុងក្លាយជាកម្លាំងសំខាន់សម្រាប់ព្រឹត្តិការណ៍អន្តរជាតិ ៣ ក្នុងឆ្នាំ ២០២៥។
ជូ ស៊ីនទិ អាយុ ២២ ឆ្នាំ កម្ពស់ ១.៦០ម៉ែត្រ មកពីក្លិប ព្រះខ័នរាជស្វាយរៀង ជាខ្សែបម្រើកណ្តាលដ៏ល្អតាមរយៈបច្ចេកទេស និងស្មារតី បានធ្វើឲ្យរូបគេតែងតែគ្រប់គ្រងបាល់ និងចែកបាល់ឲ្យមិត្តរួមក្រុម។ រូបគេមានបទពិសោធច្រើនទាំងក្នុងកីឡាស៊ីហ្គេម កីឡាបាល់ទាត់អាស៊ាន កីឡាបាល់ទាត់អាស៊ី និងជម្រុះបាល់ទាត់ពិភពលោក។
ស៊ីន សុវណ្ណមករា អាយុ ២០ ឆ្នាំ កម្ពស់ ១.៧៥ម៉ែត្រ មកពីក្លិបបាល់ទាត់ វិសាខា ជាកម្លាំងបម្រើកណ្តាលដ៏សំខាន់ទាំងនៅក្រុមបាល់ទាត់យុវជនកម្ពុជា និងក្រុមជម្រើសទី១។ រូបគេបានជាប់ជម្រើសជាតិកម្ពុជាក្នុងក្រុមធំតាំងពីឆ្នាំ ២០២១ និងមានបទពិសោធច្រើនសម្រាប់ការបង្ហាញខ្លួនលើឆាកអន្តរជាតិ។
លឹម លោកា អាយុទើប ១៨ ឆ្នាំមកពីក្លិប Auckland United របស់ប្រទេសនូវែលហ្សេឡង់ ពិតជាទទួលបានការកោតសរសើរពីអ្នកគាំទ្រខ្លាំងមែនទែនសម្រាប់ទម្រង់លេងយ៉ាងសកម្មភាពនៅតំបន់បម្រើការពារ លើកបាល់ពីជ្រុង និងចែកបាល់នៅតំបន់កណ្តាល។ រូបគេមិនទាន់ធ្លាប់បានចូលរួមជាមួយក្រុមធំជម្រើសជាតិកម្ពុជាទេ ប៉ុន្តែធ្លាប់បានចូលរួមជាមួយក្រុម U22 និង ក្រុម U18 សម្រាប់ការប្រកួតជម្រុះពានរង្វាន់យុវជនអាស៊ាន និងអាស៊ី។
កីឡាករទាំង ៣ នាក់នេះ កំពុងជួយក្រុម U23 កម្ពុជា ក្នុងពានយុវជនអាស៊ាន ASEAN U23 Championship នៅប្រទេសឥណ្ឌូណេស៊ី។ ពួកគេក៏នឹងក្លាយជាកម្លាំងមិនអាចខ្វះបានសម្រាប់ការប្រកួតជម្រុះពានយុវជនអាស៊ី 2026 AFC U23 Asian Cup ដែលកម្ពុជាធ្វើម្ចាស់ផ្ទះពូល G ដែលមានអ៉ីរ៉ាក់ អូម៉ង់ និង ប៉ាគីស្ថាន ចាប់ពីថ្ងៃទី ៣ ដល់ទី ៩ ខែកញ្ញា ឆ្នាំ ២០២៥ និងកីឡាស៊ីហ្គេម លើកទី៣៣ នាខែធ្នូ នៅប្រទេសថៃ។
ទោះបីជាយ៉ាងណា ការមានខ្សែបម្រើល្អមិនគ្រប់គ្រាន់ទេក្នុងការស្វែងរកជ័យជម្នះលើដៃគូ។ រហូតដល់ពេលនេះ អ្នកគាំទ្រសង្កេតឃើញពីកង្វះខាតនៅតំបន់ប្រយុទ្ធ។ កម្ពុជាមានកីឡាករនៅតំបន់ប្រយុទ្ធច្រើន ប៉ុន្តែមិនទាន់មានកីឡាករណាម្នាក់លេចធ្លោខ្លាំងឡើយ ហើយនៅតំបន់ការពារក៏មិនសូវរឹងមាំដែរ។ កម្ពុជាត្រូវស្វែងរកកីឡាករប្រយុទ្ធតែមានទេពកោសល្យ បច្ចេកទេស និងកាយសម្បទាដើម្បីបង្កើនភាពមុតស្រួចនៅតំបន់ប្រយុទ្ធឲ្យគ្រោះថ្នាក់៕
អត្ថបទ៖ វីរបុត្រ
រូបថត៖ សហព័ន្ធកីឡាបាល់ទាត់កម្ពុជា
អ្នកគាំទ្រកំពុងពេញចិត្ត ខ្សែបម្រើ ៣ នាក់នៅក្រុម U23 កម្ពុជា តែត្រូវបង្កើនខ្សែប្រយុទ្ធ
អគ្គនាយកដ្ឋានអត្តសញ្ញាណកម្មច្រានចោលព័ត៌មានប្រតិដ្ឋជុំវិញការផ្លាស់ប្ដូរបទពិសោធការងារជាមួយប្រទេសផ្សេង
ARDB និងធនាគារពាណិជ្ជក្នុងស្រុកនឹងរួមគ្នាផ្តល់ឥណទានពិសេសដើម្បីជំរុញការទិញកសិផល
វិមានក្រឹមឡាំង៖ រុស្ស៊ីបើកចំហចំពោះសន្តិភាព តែត្រូវសម្រេចគោលដៅធំ៣ឲ្យបានសិន
សហព័ន្ធប្រដាល់គុនខ្មែរ៖ បើកវគ្គបណ្ដុះបណ្ដាលគ្រូបង្វឹករយៈពេល ៥ថ្ងៃដោយផ្តោលើពីរចំណុចសំខាន់ៗ
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានអន្ដរជាតិ២១ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន