ព័ត៌មានជាតិ

ដំណាំកញ្ឆា៩ទីតាំងទៀតត្រូវបានកម្លាំងនគរបាលស្រុកគីរីវង់ដុតបំផ្លាញ

បានផុស

៥ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

នៅព្រឹកថ្ងៃទី០២ ខែមិថុនា ឆ្នាំ២០២១ វេលាម៉ោង៧និង៣០នាទី កម្លាំងជំនាញអធិការដ្ឋាននគរបាលស្រុកគិរីវង់ សហការជាមួយកម្លាំងប៉ុស្តិ៍នគរបាលរដ្ឋបាលទាំង១២ ឡើងលើភ្នំរុករក និងកាប់ ដុតបំផ្លាញដំណាំកញ្ឆាដែលជនខិលខូចលួចដាំខុសច្បាប់បានចំនួន៩ទីតាំង អាងស្តុកទឹកចំនួន៦អាង។ ដំណាំកញ្ឆាដែលជនខិលខូចលួចដាំ និងកាប់បំផ្លាញត្រូវបានរកឃើញនៅចំណុចដុបកំរ៉ែង ស្ថិតក្នុងភូមិសាស្ត្រ ឃុំព្រះបាទជាន់ជុំ ស្រុកគិរីវង់ ដែលមានផ្ទៃដីប្រមាណ៣៨១២ម៉ែត្រការ៉េ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នកម្លាំងជំនាញកំពុងស្រាវជ្រាវស្វែងរកម្ចាស់ទីតាំងជាអ្នកដាំដំណាំកញ្ឆាដើម្បីយកមកផ្តន្ទាទោសតាមផ្លូវច្បាប់ផងដែរ។

សូមបញ្ជាក់ថា កាលពីថ្ងៃទី៣១ ខែឧសភា ឆ្នាំ២០២១ កន្លងទៅ កម្លាំងនគរបាលស្រុកគីរីវង់ ក៏វបានចុះកាប់ និងដុតបំផ្លាញដំណាំកញ្ឆាខុសច្បាប់ ដែលជនខិលខូចលួចដាំបានចំនួន៨ទីតាំង និងអាងស្តុកទឹកចំនួន៥ នៅចំណុចដុបថ្មចង្ក្រាន ស្ថិតក្នុងភូមិសាស្ត្រឃុំព្រះបាទជាន់ជុំ ដែលមានផ្ទៃដី២៧៣២ម៉ែត្រការ៉េផងដែរ៕

អត្ថបទ ៖ សុខុម