ព័ត៌មានជាតិ

រដ្ឋបាលខណ្ឌឫស្សីកែវ ជំរុញដល់អ្នកគ្រប់គ្រងផ្សារឯកជននិងរដ្ឋ៥ ត្រូវរៀបចំបាញ់គំនូស សម្រាប់ការលក់ដូរឱ្យមានគម្លាត

បានផុស

៤ years មុន

នៅ

ថ្ងៃអង្គារ ៨ មិថុនា ២០២១

ដោយ

ក្នុងកិច្ចប្រជុំនៅសាលាខណ្ឌឫស្សីកែវ កាលពីថ្ងៃទី៤ ខែមិថុនា កន្លងមកនេះ លោក ស៊ូ សោគន្ធ អភិបាលរងខណ្ឌឫស្សីកែវ បានជំរុញដល់អ្នកគ្រប់គ្រងផ្សារ ចំនួន៥ រួមមានផ្សារធំទួលសង្កែ ផ្សារងិនអាន ផ្សារច្រាំងចំរេះ ផ្សារតូចទួលសង្កែ និង ផ្សារឆេកូ(នៅមុខCTN) សហការជាមួយកម្លាំងចម្រុះខណ្ឌ ត្រូវរៀបចំបាញ់គំនូសសម្រាប់អាជីវករលក់ដូរឱ្យមានគម្លាតសុវត្ថិភាព និង អនាម័យ ទាំងអ្នកលក់ទាំងអ្នកទិញ អនុញ្ញាតឲ្យអ្នកទិញចេញ ចូលមិនលើសពីចំនួនកំណត់ ហើយផ្សារនីមួយៗ ត្រូវមានច្រកចេញចូលតាមការកំណត់របស់រដ្ឋបាលរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីសុំគោលការណ៍ទៅសាលារាជធានីភ្នំពេញ សាកល្បងបើកឱ្យដំណើរការជាសាធារណៈផ្សារទាំង៥នេះឡើងវិញជាបណ្ដោះអាសន្ន។

នៅព្រឹកថ្ងៃទី៧ ខែមិថុនា គណៈកម្មការចម្រុះខណ្ឌ ដឹកនាំដោយលោក ស៊ូ សារ៉ាត នាយករងរដ្ឋបាលខណ្ឌ និង លោក ប៊ុន ឡុង ប្រធានការិយាល័យ ដែនដីនគររូបនីយកម្មនិងសំណង់ខណ្ឌឫស្សីកែវ បានណែនាំដល់លោក លោកស្រី ជាអ្នកគ្រប់គ្រងផ្សារទាំង៥ ដោយកំណត់ឱ្យអាជីវករតាមផ្សារនីមួយៗ បែងចែកការលក់ដូរជា២វេន តាមថ្ងៃ សេះ និង ថ្ងៃគូ ដើម្បីរក្សាគម្លាតសុវត្ថិភាព ដែលត្រូវអនុវត្តវិធានការសុវត្ថិភាពផ្នែកសុខាភិបាលឱ្យបានម៉ឺងម៉ាត់ ជាអាទិ៍ កាតព្វកិច្ចពាក់ម៉ាស កាតព្វកិច្ចរក្សាគម្លាតសុវត្ថិភាព ការធ្វើអនាម័យ ដើម្បីសម្លាប់មេរោគ ការវាស់កម្ដៅ ការស្កេន QR Code និងត្រូវអនុវត្តតាមការណែនាំរបស់ក្រសួងសុខាភិបាល ជាពិសេសត្រូវប្រកាន់ខ្ជាប់ជានិច្ចនូវវិធានការ «៣ការពារ និង៣កុំ» របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា។

ក្នុងនាមតំណាង លោក ជា ពិសី អភិបាលខណ្ឌឫស្សីកែវ លោក ស៊ូ សោគន្ធ បានបញ្ជាក់ថា៖ ការសុំគោលការណ៍ទៅសាលារាជធានីភ្នំពេញ បើកឱ្យដំណើរការលក់ដូរជាសាធារណៈសាកល្បងប្រសិនបើអ្នកលក់និង អ្នកទិញអនុវត្តបានត្រឹមត្រូវតាមវិធានការ របស់សាលារាជធានីភ្នំពេញ បានល្អប្រសើរ រដ្ឋបាលខណ្ឌឫស្សីកែវ និងស្នើសុំបន្ត បើកផ្សារមួយចំនួនទៀត ដើម្បីឱ្យប្រជាពលរដ្ឋបានប្រកបមុខរបរអាជីវកម្មរបស់ខ្លួន ទទួលបានប្រាក់ចំណូលកំណើនសេដ្ឋកិច្ចបង្កើនជីវភាពប្រចាំថ្ងៃបានគាប់ប្រសើរឡើងវិញ ទាំងអស់គ្នា។

លោក អភិបាលរងខណ្ឌឫស្សីកែវ បានមានប្រសាសន៍ថា ក្រោយពីសុំគោលការណ៍ពីសាលារាជធានីភ្នំពេញ បានសកម្មភាពការងារ មុខរបរនិងអាជីវកម្ម ផ្សារចំនួន៥ ទាំងផ្សាររដ្ឋ និង ឯកជន ត្រូវបានចាត់កម្លាំងគណៈបញ្ជាការឯកភាពខណ្ឌ សង្កាត់ រួមទាំងកម្លាំងផង ចុះត្រួតពិនិត្យលំហូរពលរដ្ឋដែលមកទិញម្ហូប ដោយមិនអនុញ្ញាតឱ្យចូលម្ដងៗច្រើនឡើយ ដើម្បីឱ្យមានលំហ្នឹងកុំឱ្យប្រជ្រៀតគ្នាខុសវិធានក្រសួងសុខាភិបាល។ ដោយណែនាំបន្ថែមអំពីសេចក្តីសម្រេច ស្តីពីបើកដំណើរការឡើងវិញចំពោះផ្សាររដ្ឋទាំងអស់ ក្នុងមូលដ្ឋានរាជធានីភ្នំពេញ (លក់រក្សាគំលាត មានការវាស់កម្ដៅ)៕

អត្ថបទ៖ ឌីរៀ

សូមចុចអាន៖ ពលរដ្ឋនៅភ្នំពេញជាង២លាន៥សែននាក់ហើយ ដែលទទួលបានការចាក់វ៉ាក់សាំងការពារជំងឺកូវីដ-១៩