ព័ត៌មានជាតិ

អាជ្ញាធរខេត្តសៀមរាប ចុះផាកពិន័យអ្នកមិនពាក់ម៉ាស និងពាក់ម៉ាសមិនត្រឹមត្រូវ នៅតាមផ្សារមួយចំនួន

បានផុស

៥ years មុន

នៅ

ថ្ងៃសុក្រ ១១ មិថុនា ២០២១

ដោយ

ក្រុមការងារចម្រុះនៃខេត្តសៀមរាប នៅព្រឹកថ្ងៃទី១១ ខែមិថុនា ឆ្នាំ២០២១នេះ បានសហការគ្នាចុះតាមដានផាកពិន័យអ្នកមិនពាក់ម៉ាសនិងពាក់ម៉ាសមិនត្រឹមត្រូវ នៅតាមផ្សារមួយចំនួននៅក្នុងក្រុងសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឲ្យដឹងថា កម្លាំងសមត្ថកិច្ចចម្រុះរួមមាន កម្លាំងនគរបាលព្រហ្មទណ្ឌកម្រិតស្រាល,អាវុធហត្ថ,ប្រជាការពារ,សន្តិសុខផ្សារ និងមន្ទីរសុខាភិបាល បានចុះផាកពិន័យអ្នកមិនពាក់ម៉ាសបានអ្នកបង់លុយរួចចំនួន១៤ករណី អ្នកមិនទាន់បង់លុយចំនួន១៧ករណី។

អាជ្ញាធរបន្ថែមថា កាលពីថ្ងៃទី១០ ខែមិថុនា ឆ្នាំ២០២១ ក្រុមការងារត្រួតពិនិត្យតាមដានការពាក់ម៉ាសបានចុះអនុវត្តការងារផាកពិន័យ នៅផ្សាររាត្រីអង្គរឃ្យុងយូ ជាលទ្ធផលផាកពិន័យបាន១នាក់ជាបុរសទទួលយកបង្កាន់ដៃទុកបង់តាមក្រោយ។ នៅព្រឹកថ្ងៃទី១១ ខែមិថុនា ឆ្នាំ២០២១នេះ ក្រុមការងារត្រួតពិនិត្យ បន្តតាមដានការពាក់ម៉ាសបានចុះធ្វើការផាកពិន័យនៅផ្សារដើមក្រឡាញ់ សរុបទាំងអស់បាន១២នាក់ ស្រីចំនួន៥នាក់ និងបុរសចំនួន៧នាក់ អ្នកបង់ថវិកានៅកន្លែងមិនមាន អ្នកទទួលយកបង្កាន់ដៃទុកបង់តាមក្រោយមានចំនួន១២នាក់។

ក្នុងករណីខាងលើនេះ អាជ្ញាធរខេត្តសៀមរាប នឹងបន្តចុះតាមដានផាកពិន័យអ្នកមិនពាក់ម៉ាសនិងពាក់ម៉ាសមិនត្រឹមត្រូវនៅតាមផ្សារនិងភូមិឋានមួយចំនួននៃខេត្តសៀមរាបបន្ថែមទៀត ដើម្បីបង្ការ កុំឲ្យមានការរាលដាលនៃជំងឺកូវីដ១៩ថែមទៀត៕

អត្ថបទ៖ កុសល

សូមចុចអាន៖ ខេត្តរតនគិរី រកឃើញអ្នកឆ្លងជំងឺកូវីដ១៩ម្នាក់ ជាអ្នកធ្វើដំណើរមកពីភ្នំពេញ