លោក ចម ប្រសិទ្ធ ថា ប្រព័ន្ធផលិតកម្ម LEAN បានជួយលេីកកំពស់ផលិតភាព សហគ្រាស ធុនតូចនិងមធ្យម (SME)
Connect with us
Helistar Cambodia - Helicopter Charter Services

ព័ត៌មានជាតិ

លោក ចម ប្រសិទ្ធ ថា ប្រព័ន្ធផលិតកម្ម LEAN បានជួយលេីកកំពស់ផលិតភាព សហគ្រាស ធុនតូចនិងមធ្យម (SME)

បានផុស

នៅ

លោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានថ្លែងថា ការរៀនសូត្រពីបទពិសោធន៍ប្រព័ន្ធផលិតកម្ម LEANបានជួយផ្តោតសំខាន់លើការបង្កើនសកម្មភាព ផ្តល់ តម្លៃបន្ថែមជូនអតិថិជនរបស់ខ្លួន ហេីយកាត់បន្ថយសកម្មភាពពុំបានផ្តល់តម្លៃបន្ថែមឲ្យនៅទាបបំផុត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកកិត្តិសេដ្ឋាបណ្ឌិត ចម ប្រសិទ្ធ ថ្លែងបែបនេះខណៈ អញ្ជេីញជាអធិបតីក្នុងសិក្ខាសាលាផ្សព្វផ្សាយថ្នាក់ជាតិ ស្តីពី “វដ្ដ នៃគុណភាពនវានុវត្តន៍ និងប្រព័ន្ធផលិតកម្ម LEAN ដេីម្បីលេីកកំពស់ផលិតភាព សហគ្រាស ធនតូចនិងមធ្យម តាមប្រព័ន្ធអនឡាញ (Zoom Cloud Meeting)នាថ្ងៃម្សិលមុិញនៅទីស្តីការក្រសួង ។

លោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានបញ្ជាក់ថា បេីទោះបីមានវិបត្តិសុខភាពសាកលកូវីដ១៩ យ៉ាង​ណាក្តី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅតែបន្តស្វះស្វែងរកវិធីសាស្ត្រដេីម្បីជួយស្តារ ស្ថានភាពសេដ្ឋកិច្ចរបស់ក្រុមហ៊ុន និង សហគ្រាសធនតូចនិងមធ្យមនៅកម្ពុជា ។ រយៈពេល ជាងមួយឆ្នាំមកនេះ តាមរយៈ មជ្ឈមណ្ឌលផលិតភាពជាតិ សហការជាមួយអង្គការផលិតភាពអាស៊ី (APO) ក្រសួងបានសាកល្បងអនុវត្ត គម្រោងផ្តោតលើផលិតកម្ម LEAN (LEAN Manufacturing) ទៅលេីក្រុមហ៊ុនគំរូចំនួន៣ខាងលេីតាមរយៈការផ្តល់ការប្រឹក្សាយោបល់ដោយផ្ទាល់ខ្លះ និងពីចម្ងាយតាមប្រព័ន្ធអនឡាញ ដេីម្បីវាស់វែងរបស់វិធីសាស្ត្រផលិតភាពនេះ ក្នុងបរិបទ ពិភពលោកបច្ចុប្បន្ន ។

ឆ្លៀតឱកាសនេះ លោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានថ្លែងអំណរគុណយ៉ាងជ្រាលជ្រៅចំពោះអង្គការ APO ដែលបានគាំទ្រឲ្យមានគម្រោងស្តីពី “វដ្ដ នៃគុណភាព នវានុវត្តន៍ និងប្រព័ន្ធផលិតកម្ម LEANដេីម្បី លេីកកំពស់ ផលិតភាព សហគ្រាស ធនតូចនិងមធ្យមនេះឡេីង ដោយបានបញ្ជូនជំនាញការដ៏មានបទពិសោធន៍ គឺលោក George Wong មកបង្ហាត់បង្រៀន ដល់ មន្ត្រី មជ្ឈមណ្ឌល ផលិតភាព ជាតិ និងក្រុមហ៊ុនគំរូទាំង ៣ ។

លោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានបន្ថែម ថា ៖រៀនសូត្រ ពី បទពិសោធន៍ ទាំង នេះ ឃេីញថា ប្រព័ន្ធ ផលិតកម្ម LEAN ផ្តោត លើ ការ បង្កើន សកម្មភាព ផ្តល់ តម្លៃ បន្ថែម ជូន អតិថិជន របស់ ខ្លួន ហេីយកាត់បន្ថយ សកម្មភាព ពុំបាន ផ្តល់ តម្លៃ បន្ថែម ឲ្យនៅទាបបំផុត ។ កន្លងមក សកម្មភាព ផ្តល់ តម្លៃ បន្ថែម ( Value-Added Activities) តាម ក្រុមហ៊ុន នានា មាន មិនបាន៣% ផងទេ ។ ផ្ទុយទៅវិញ យេីងបានចំណាយរហូតដល់៩៧% លេីសកម្មភាព ដែលពុំបាន ផ្តល់ តម្លៃ បន្ថែម ជូន អតិថិជន ។ នេះជាការ ខាតបង់ យ៉ាង ច្រើន សម្បើម ។ យ៉ាងណា ម៉ិញ បេីសហគ្រាសយេីងអាចបង្កេីនសកម្មភាពផ្តល់តម្លៃបន្ថែមដល់៥% ឬ រហូត ដល់ ១០% នោះសហគ្រាសយេីង នឹងក្លាយ ជា សហគ្រាស ឆ្នេីម ។

លោក កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ មានជំនឿ ថា ៖តាមរយៈ បទបង្ហាញ លំអិត របស់ក្រុមហ៊ុនគំរូ ទាំង ៣ នាថ្ងៃនេះ នឹងផ្តល់ ជាបទពិសោធន៍ជាក់ស្តែង សម្រាប់ ជា ផលប្រយោជន៍ ដល់ ក្រុមហ៊ុន សហគ្រាស ធនតូចនិងមធ្យម នៅកម្ពុជា យេីង រៀនសូត្រ តាម ដេីម្បីឆ្ពោះទៅការអភិវឌ្ឍជាលំដាប់នរន្ត ។
ក្នុងឪកាសនោះដែរលោក កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានប្រគល់វិញ្ញាបនបត្របញ្ជាក់ដល់ក្រុមហ៊ុនគំរូទាំង៣ ។ ជាមួយគ្នានេះ ក្រុមហ៊ុន គំរូ ទាំង ៣ ក៏បានឧបត្ថម្ភនូវផលិតផល របស់ក្រុមហ៊ុន និងសម្ភារ:មួយចំនួនដល់ក្រសួងផងដែរ ៕

អត្ថបទ ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

KPT+២ នាទី មុន

ពិបាក​ដក​ដង្ហើម​​​​ពេល​ពាក់​ម៉ាស សាកល្បង​តិចនិកទាំង​នេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

សុខភាព២២ នាទី មុន

តឹងច្រមុះពិបាកដកដង្ហើម សាកប៉ុន្មានវិធីនេះអាចជួយបាន

ព័ត៌មានជាតិ៩ ម៉ោង មុន

ប៉េអិម​ស្រុក​លំផាត់​ឃាត់ខ្លួន​ជនសង្ស័យ​៤​នាក់​ ពាក់ព័ន្ធ​ករណី​ជួញដូរ​គ្រឿង​ញៀន​ទៅ​តុលាការ

ព័ត៌មានជាតិ១១ ម៉ោង មុន

អភិបាលស្រុក​រំដួល ចេញមុខ​បដិសេធន៍​ច្រានចោល​ទាំងស្រុង ករណី​ព័ត៌មាន​ថា បែកធ្លាយ​មន្ត្រី​ក្រោម​ឱវាទ​ទម្លា​យ​រឿងអាស្រូវ

ព័ត៌មានជាតិ១១ ម៉ោង មុន

ក្រសួង​ប្រៃសណីយ៍​ ប្រកាស​ឲ្យ​ប្រុង​ប្រយ័ត្ន​ចំពោះ​ឧបាយកល​បោក​លួចយក​គណនី​ ហ្វេសបុក និង​ព័ត៌មាន​ធនាគារ

Sokha Hotels

ព័ត៌មានពេញនិយម

Helistar Cambodia - Helicopter Charter Services