ព័ត៌មានជាតិ
ស្នើសុំឲ្យរដ្ឋាភិបាល កុំយករោងចក្រធ្វើជាកន្លែងធ្វើចត្តាឡីស័ក
ភ្នំពេញ៖ លោក កាំង ម៉ូនីកា អគ្គលេខាធិការរងនៃសមាគមរោងចក្រកាត់ដេរកម្ពុជា (GMAC) បានដាក់សំណើទៅកាន់រាជរដ្ឋាភិបាលកម្ពុជា ដើម្បីស្នើសុំកុំឲ្យយករោងចក្រធ្វើជាកន្លែងចត្តាឡីស័កដាក់កម្មករកម្មការិនី ដែលពាក់ព័ន្ធនឹងអ្នកជំងឺកូវីដ-១៩។ ការស្នើសុំនេះធ្វើឡើងក្រោយសមាគមរោងចក្រកាត់ដេរកម្ពុជាយល់ឃើញថា ការយកទីតាំងរោងចក្រធ្វើជាកន្លែងចត្តាឡីស័ក ជារឿងដែលមិនសមស្របនិងមិនស្របតាមស្តង់ដារសុខាភិបាល ។
លោក កាំង ម៉ូនីកា បានឲ្យដឹងថា សំណើរទាំងនេះធ្វើឡើងក្នុងកិច្ចប្រជុំមួយកាលពីថ្ងៃទី ២៩ មិថុនា ឆ្នាំ២០២១ ដោយមានការចូលរួមពីតំណាងក្រសួងសេដ្ឋកិច្ចនិងហិរញ្ញវត្ថុ ក្រសួងសុខាភិបាល ក្រសួងការងារនិងបណ្តុះបណ្តាលវិជ្ជាជីវៈ រដ្ឋបាលរាជធានីភ្នំពេញ រួមជាមួយសមាគមរោងចក្រកាត់ដេរកម្ពុជា សមាគមរោងចក្រស្បែកជើងនិងភាគីពាក់ព័ន្ធជាច្រើនទៀត។
លោក កាំង ម៉ូនីកា បានថ្លែងបា្រប់សារព័ត៌មានបន្ទាប់ពីកិច្ចប្រជុំថា ការយកទីតាំងរោងចក្រធ្វើជាកន្លែងចត្តាឡីស័កជារឿងដែលមិនសមស្រប និងមិនស្របតាមស្តង់ដារសុខាភិបាល ណាមួយអាចធ្វើឲ្យប៉ះពាល់ដល់សង្វាក់ផលិតកម្មរបស់រោងចក្រផងដែរ។
បើតាមអគ្គលេខាធិការរងសមាគមរោងចក្រ នៅពេលមានករណីផ្ទុះកូវីដ-១៩នៅក្នុងរោងចក្រណាមួយ ក្រសួងសុខាភិបាលគួរយកអ្នកពាក់ព័ន្ធដោយផ្ទាល់ឬប្រយោលទាំងអស់ ទៅដាក់នៅតាមមន្ទីរពេទ្យ ឬកន្លែងដែលមានផាកសុខភាពដែលស្របតាមបច្ចេកទេសរបស់ក្រសួងសុខាភិបាល។
ទន្ទឹងមនោះ សមាគមរោងចក្រកាត់ដេរកម្ពុជារួមជាមួយសមាគមផ្សេងៗទៀត ក៏បានស្នើទៅរាជរដ្ឋាភិបាលតាមរយៈក្រសួងសុខាភិបាលជួយសម្របសម្រួលនីតិវិធីនិងបែបបទផ្សេងៗ ដើម្បីអនុញ្ញាតឲ្យមានការនាំចូលឧបករណ៍តេស្តរកមេរោគកូវីដ-១៩ ឲ្យបានកាន់តែច្រើនថែមទៀត។ ការស្នើសុំនេះគឺដើម្បីបង្ការនិងឆ្លើយតបឲ្យបានទាន់ពេលវេលាពេលមានករណីផ្ទុះការឆ្លងជំងឺកូវីដ-១៩នៅតាមរោងចក្រម្តងៗ ។
គួរកត់សំគាល់ថា ព្រឹត្តិការណ៍សហគមន៍ ២០កុម្ភៈ បានបន្តរីករាលដាលកាន់តែខ្លាំងឡើងនៅមួយរយៈចុងក្រោយនេះមានអ្នកឆ្លងថ្មីប្រមាណ៦០០ទៅ៨០០ នាក់ក្នុងមួយថ្ងៃ។ ជាក់ស្តែងថ្ងៃនេះចំនួនអ្នកឆ្លងបានកើនឡើងដល់ ១១៣០ នាក់ជាចំនួនមួយដ៏ខ្ពស់មិនធ្លាប់មានពីមុនមក ហើយអ្នកស្លាប់មានរហូត ២៧នាក់ ក៏ជាចំនួនមួយខ្ពស់មិនធ្លាប់មានផងដែរ ហើយករណីឆ្លងនៅក្នុងរោងចក្រកាត់ដេរក៏មានកាន់តែច្រើនផងដែរ ៕
អត្ថបទ៖ បាន វិបុល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»