ព័ត៌មានអន្ដរជាតិ
អ្នកមានឥទ្ធិពលជប៉ុនម្នាក់ ធ្លាប់ថតផឹកស្រា ៩លីត្រ ពេលនេះសល់ពេល១ឆ្នាំទៀតដើម្បីរស់
Kimbae ដែលមានអាយុ ៤៦ ឆ្នាំ ធ្លាប់មានព័ត៌មានផឹកស្រាបៀរ ៩លីត្រក្នុងមួយថ្ងៃកំពុងបង្កឲ្យមានការភ្ញាក់ផ្អើលសារជាថ្មីម្ដងទៀត បន្ទាប់ពីរូបលោកបានជូនដំណឹងនៅលើបណ្ដាញសង្គម X ដែលពីមុនត្រូវបានគេស្គាល់ថាជា Twitter សរសេរថា “ខ្ញុំត្រៀមខ្លួនជាស្រេចដើម្បីស្លាប់” ។
ចេញផ្សាយដោយ 8days កាលពីថ្ងៃ២២ ខែមីនា បានបង្ហាញពីរូបភាពបានបង្ហាញពីបុរសជនជាតិជប៉ុន Kimba មានក្បាលពោះហើមធំ ហើយដេកនៅលើគ្រែដោយពាក់ខោទឹកនោមសម្រាប់មនុស្សពេញវ័យ។ ក្នុងនោះថែមទៀត គាត់បានសរសេរថា “ឈឺពោះគឺមិនអាចទ្រាំបាន ហើយខ្ញុំបានលេបថ្នាំងងុយគេង ដើម្បីបង្ខំខ្លួនឯងឲ្យគេងលក់ ប៉ុន្តែខ្ញុំនៅតែភ្ញាក់ពីការឈឺចាប់នោះបានដដែល”។
Kimbae ក៏បានចែករំលែកបន្ថែមទៀតថា គាត់ពាក់កន្ទប ព្រោះគាត់នឹងធ្លាយលាមក និងទឹកនោមដោយមិនអាចគ្រប់គ្រងបាន។ ពេលខ្លះទៀត គាត់មិនអាចគ្រប់គ្រងក្រពះបានទេ ខណៈកំពុងញ៉ាំអាហារចូលទៅ គឺក្អួតមកវិញសឹងតែទាំងអស់ ក្រោយមក ទើបប្តូរផឹកទឹកពីដបជ័រតូចមួយដើម្បីឲ្យខ្លួនឯងនៅរស់។
ទោះយ៉ាងណាក៏ដោយ កាលពីខែកញ្ញាឆ្នាំមុន វេជ្ជបណ្ឌិតនៅប្រទេសជប៉ុនបានធ្វើរោគវិនិឆ្ឆ័យ ដោយបញ្ចាក់ទៅកាន់គាត់ថា គាត់នៅសល់រយៈពេលមួយឆ្នាំទៀតប៉ុណ្ណោះក្នុងការរស់នៅ មូលហេតុគឺមកពីការផឹកស្រាច្រើនរយៈពេលយូរ ធ្វើឲ្យខូចរាងកាយ។
ថ្វីបើយ៉ាងនេះក្ដី បន្ទាប់ពីរូបភាពនៃស្ថានភាពជំងឺរបស់ Kimbae បានរីករាលដាល អ្នកលេងអ៊ីនធឺណិតជាច្រើនបានចេញមកជូនពរគាត់ឲ្យឆាប់ជាសះស្បើយ។ ប៉ុន្តែបែរជាមានមនុស្សមួយចំនួន បានចំអកឲ្យគាត់ថាជាអ្នកញៀនស្រា។ អ្នកប្រើបណ្ដាញអ៉ិនធើណេតម្នាក់បានសរសេរថា នេះជាជោគវាសនារបស់អ្នកប្រមឹក ស្របពេលដែលក្នុងមតិមួយចំនួនបានសរសេរថា Kimbae ចាប់ផ្ដើមផឹកស្រវឹងនៅអាយុ ៣៥ ឆ្នាំ ហើយវិធីដ៏ល្អក្នុងការធ្វើឲ្យមនុស្សកាត់បន្ថយការផឹកស្រា ។
យ៉ាងណាមិញ នៅក្នុងរូបថតចុងក្រោយដែលគាត់បានបង្ហោះ បង្ហាញពីក្បាលពោះហាក់ហើមដូចស្ត្រីមានផ្ទៃពោះ ហើយតារាអ៊ិនធឺណេតជប៉ុន Kimbae បានបន្សល់ទុកសារមួយដាស់តឿនសាធារណជនកុំឲ្យធ្វើដូចគាត់ និងជំរុញអ្នកមលេងអ៊ីនធឺណិតឲ្យថែរក្សារាងកាយរបស់ពួកគេផងដែរ៕
អត្ថបទ៖ សាង ស្រីល័ក្ខ
ចុចអាន៖បុគ្គលិក តៃវ៉ាន់ មួយរូប ទម្លាប់ផឹកកាហ្វេខ្មៅមួយថ្ងៃមួយលីត្រ ទីបំផុតចូលសម្រាកពេទ្យ
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៥ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៥ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន