ព័ត៌មានអន្ដរជាតិ

មហាសេដ្ឋី ឥណ្ឌា ផ្ដល់អំណោយតម្លៃមហាសាល ៤ មុខ ដល់អនាគតកូនប្រសាស្រី

បានផុស

១១ វិនាទី មុន

នៅ

ថ្ងៃសៅរ៍ ២៣ មីនា ២០២៤

ដោយ

បើទោះបីជាពិធីជប់លៀងរយៈពេល៣ថ្ងៃកូនប្រុសពៅមហាសេដ្ឋី Mukesh Ambani បានកន្លងផុតទៅក៏ពិតមែន ប៉ុន្តែទិដ្ធភាពរបស់ Anant និងគូដណ្ដឹង Radhika Merchant នៅតែជាការចងចាំដ៏ពិសេសមួយសម្រាប់មហាជនទូទាំងពិភពលោក។

ជាពិសេសនោះ យោងតាមការរាយការណ៍ដោយ កាសែត Daily Mail កាលពីថ្ងៃ០៤ ខែមីនា ឆ្នាំ២០២៤ បានគូសបញ្ចាក់ឲ្យដឹងថា មហាសេដ្ឋីឥណ្ឌានិងជាបុគ្គលមានទ្រព្យសម្បត្តិច្រើនជាងគេនៅអាស៊ី បានចាយប្រាក់អស់ ១២០លានផោន (ប្រហែល ១៥១.៩ លានដុល្លារអាមេរិក) សម្រាប់កូនប្រុសសំណព្វចិត្តថែមទៀតផង។

លើសពីនេះ មហាសេដ្ឋី Ambani និងភរិយា Nita បានជូនកាដូដល់គូដណ្តឹងកូនប្រុសជាមួយនឹងរថយន្ត Bentley Continental GTC Speed និង choker តុបតែងដោយគុជ និងពេជ្រក្នុងចំណោមរបស់ប្រណិតៗផ្សេងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ រថយន្ត A Bentley Continental GTC Speed

GQ India បានរាយការណ៍ថា អំណោយដែលមហាសេដ្ឋី និងភរិយាបានប្រគល់ជូនអនាគតកូនប្រសាស្រី Radhika Merchant រួមមាន Bentley Continental GTC Speed ដែលជារថយន្តមានតម្លៃ ៤៥ លានរូពី (៥៤១,០០០ដុល្លារអាមេរិក) និងតំណាងឲ្យភាពកំពូលនៃសិប្បកម្មរថយន្តប្រណីត។

២ គ្រឿងតុបតែងរូបព្រះគណេសពីពីប្រាក់សុទ្ធ

កូនក្រមុំ Radhika ដែលនឹងត្រូវទទួលអំណោយមួយផ្សេងទៀតក្នុងទម្រង់ជាអំណោយនោះគឺរូបសំណាកព្រះគេណេសប្រាក់ Laxmi-Ganesh ដែលផលិតយ៉ាងប្រណីតបំផុត។ គ្រឿងតុបតែងលម្អដោយផ្កាពណ៌ស រនាំងនេះមានផើងប្រាក់ Tulsi ចំនួនពីរ ជាមួយនឹងដំបងធូបប្រាក់ និងឈុតរូបព្រះ Lakshmi-Ganesh យ៉ាងល្អឯកថែមទៀតផង ។

៣ គុជខ្យង និងពេជ្រ

អំណោយដ៏ពិសេសនេះដែរ ត្រូវបានគេឃើញតុបតែងក្នុងរូបរាងគុជខ្យង និងពេជ្រដ៏អស្ចារ្យ ដែលជាគ្រឿងអលង្ការពីការប្រមូលផ្ទាល់របស់លោកស្រី Nita ក្នុងអំឡុងពេលប្រារព្ធពិធីជួបជុំគ្រួសារ។ ដូចដែលបានរាយការណ៍ដោយ DNA India ពីមុនភរិយាមហាសេដ្ធីឥណ្ឌាបានពាក់ខ្សែកនេះនៅក្នុងពិធីមង្គលការរបស់តារាសម្តែងឥណ្ឌា Sonam Kapoor ក្នុងឆ្នាំ២០១៨ ដែលបង្ហាញពីទំនាក់ទំនងដ៏ជ្រាលជ្រៅនិងការគោរពដែលមានរវាងម្តាយនិងកូនប្រសានាពេលអនាគត។

៤ ពិធី Arangetram

លើសពីនេះទៅទៀត គ្រួសារ Ambani បានរៀបចំពិធី Arangetram នៅ The Grand Theatre ក្នុងទីក្រុង Mumbai សម្រាប់ Radhika ក្នុងឆ្នាំ ២០២២ ដែលឃើញមានការចូលរួមពីតារាល្បីៗជាច្រើននៅក្នុងវិស័យកម្សាន្ត រួមទាំងតារាសម្តែងឥណ្ឌា Ranveer Singh, Salman Khan និង Aamir Khan ជាដើម។

យោងទៅតាមកាសែត The Times of India ពិធី Arangetram គឺជាការសម្តែងលើកដំបូងរបស់សិស្សនៅក្នុងរបាំបុរាណ ឬតន្ត្រីឥណ្ឌា ដែលបង្ហាញពីការបញ្ចប់ការបណ្តុះបណ្តាល និងការអប់រំជាផ្លូវការរបស់ពួកគេប្រកបដោយជោគជ័យក្នុងទម្រង់សិល្បៈ។ Radhika ដូចជាអនាគតម្តាយក្មេករបស់នាង Nita បានទទួលការបណ្តុះបណ្តាលនៅ Bharatnatyam ដែលជាទម្រង់របាំបុរាណឥណ្ឌា៕