តារាប្រុស ២ នាក់ចោល​សិល្បៈ ​​ស្ម័គ្រ​ចូលបម្រើ​ទ័ពអាវស ប្រយុទ្ធកូវីដ

ភ្នំពេញ៖ តារាចម្រៀងប្រុសពីររូបបានប្តូរពីការតុបតែងខ្លួនជាអ្នកចម្រៀង មកស្លៀកពាក់ឯកសណ្ឋានជាគ្រូពេទ្យស្ម័គ្រចិត្តចូលរួមប្រយុទ្ធប្រឆាំងជំងឺកូវីដ- ១៩។

អ្នកទាំងពីរគឺមិនត្រឹមតែលះបង់ពេលវេលាច្រើនពីសិល្ប:ទេ ពួកគេថែមទាំងបង្ហាញនូវស្នាមញញឹមដោយភាពជឿជាក់ជាមួយការងារកងទ័ពអាវសប្រយុទ្ធប្រឆាំងកូវីដ-១៩ទៀតផង។

តារាចម្រៀងលោក ជ័យ សុវ៉ាត បន្ទាប់ពីចូលរួមជាមួយគ្រូពេទ្យស្ម័គ្រចិត្តនោះ គឺមិនត្រឹមតែលះបង់ពេលវេលាច្រើនពីអាជីពសិល្ប:ទេ លោកថែមទាំងបង្ហាញនូវស្នាមញញឹម និង​ឆ្លៀត​ច្រៀងកម្សាន្តសប្បាយដើម្បីបងប្អូនប្រជាពលរដ្ឋដែលកំពុងសម្រាកព្យាបាលកូវីដទៀតផង។

មិនខុសពីតារាចម្រៀងលោក ជ័យ សុវ៉ាត​ទេ សម្រាប់តារាចម្រៀងOriginal Song លោក ឌឿ វិសាល បច្ចុប្បន្នក៏កំពុងមមាញឹកក្នុងបេសកកម្មប្រមូលវត្ថុសំណាកពីអ្នកសង្ស័យមានវិជ្ជមានជំងឺកូវីដ-១ ៩ ក្នុងនាមជាគ្រូពេទ្យស្ម័គ្រចិត្តរបស់​សម្ដេច​តេជោ។

លោក ឌឿ វិសាលបានទម្លាក់ចោលការងារគ្រូពេទ្យនៅគ្លីនិកឯកជនផ្ទាល់ខ្លួន និងបែកពី​ក្រុម​ចម្រៀងរបស់ខ្លួន​ជិត​១ឆ្នាំទៅហើយ ដើម្បីចូលរួមសកម្មភាពប្រយុទ្ធប្រឆាំងជំងឺកូវីដ-១៩និងជួយ សង្គ្រោះប្រជាពលរដ្ឋខ្មែរ៕

អត្ថបទ៖ ចាន់រ៉ា