ព័ត៌មានជាតិ

ក្រៅពីប្រាសាទអង្គរវត្ត ថៃបានចម្លងប្រាសាទព្រះវិហារខ្មែរនៅខេត្តសាមុទ្រប្រាកាន

បានផុស

៥ years មុន

នៅ

ថ្ងៃពុធ ៧ កក្កដា ២០២១

ដោយ

ក្រោយការផ្ទុះព័ត៌មានដែលថៃគ្រោងស្ថាបនាប្រាសាទអង្គរវត្តកូពីនាំប្រតិកម្មពីពលរដ្ឋកម្ពុជា ដោយឡែកកន្លងទៅនេះថៃក៏ធ្លាប់បានកសាងប្រាសាទព្រះវិហារកូពីនៅតំបន់ទេសចរណ៍មួយកន្លែងស្ថិតនៅក្នុងខេត្តសមុទ្រប្រាកាន ចម្ងាយប្រហែល៣០គីឡូម៉ែត្រភាគខាងត្បូងទីក្រុងបាងកក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាសាទព្រះវិហារកូពីនៅខេត្តសមុទ្រប្រាកានប្រទេសថៃ

ប្រាសាទព្រះវិហារដែលថៃចម្លងដូចសឹងបេះបិទនេះ ស្ថិតនៅក្នុងខេត្តសមុទ្រប្រាកាន សាងសង់លើផ្ទៃដីជាង ២០០ហិចតា បើធ្វើដំណើរតាមរថយន្តប្រើពេលប្រហែល១ម៉ោងពីទីក្រុងបាងកក។

ប្រាសាទព្រះវិហារចម្លងនៅខេត្តសាមុទប្រាកាននេះសាងសង់នៅឆ្នាំ១៩៦៣ គឺ១ឆ្នាំ ក្រោយថៃចាញ់ក្ដីកម្ពុជានៅតុលាការអន្តរជាតិទីក្រុងឡាអេ ប្រទេសហូឡង់ក្នុងឆ្នាំ១៩៦២។

ប្រាសាទព្រះវិហារកូពីសាងសង់ដោយយោធាថៃនៅខេត្តស៊ីសាកេត

ដោយឡែកក្រោយមានការប៉ះទង្គិចគ្នាដោយយោធាពាក់ព័ន្ធនឹងកម្មសិទិ្ធលើដីនៅជាប់ប្រាសាទព្រះវិហារ យោធាថៃក៏បានសាងសង់ប្រាសាទព្រះវិហារកូពីតូចមួយទៀតនៅជ្រលងភ្នំ Pha Mor E-Daeng ក្នុងខេត្តស៊ីសាកេត។ ប្រាសាទព្រះវិហារចម្លងរបស់យោធាថៃ សង់ពីស៊ីម៉ង់ត៍មានទំហំ១លើ១០នៃប្រាសាទព្រះវិហារពិត សាងសង់នៅលើផ្ទៃដីជាង៨០០ម៉ែត្រ ស្ថិតនៅក្នុងឧទ្យាន Pha Mor E-Daeng ទល់មុខប្រាសាទព្រះវិហាររបស់កម្ពុជា។

គួរបញ្ជាក់ថា ប្រាសាទព្រះវិហារ កសាងឡើងដោយមហាវីរក្សត្រខ្មែរព្រះបាទយសោវរ្ម័នទី១ ព្រះបាទសូរ្យវរ្ម័នទី១ និង ព្រះបាទសូរ្យវរ្ម័នទី២ ចន្លោះសតវត្សទី ៩-១២។ ប្រាសាទនេះកសាងនៅលើកំពូលភ្នំព្រះវិហារនៃជួរភ្នំដងរែក ដែលមានរយៈកម្ពស់ ៦២៥ម៉ែត្រ ធៀបទៅនីវ៉ូទឹកសមុទ្រ ស្ថិតនៅភាគខាងជើងនៃប្រទេសកម្ពុជានៅស្រុកជាំក្សាន្ត ខេត្តព្រះវិហារ៕