អាវុធហត្ថឃាត់ខ្លួន ជនសង្ស័យ ២ នាក់ វាយយកម៉ូតូពីជនជាតិឥណ្ឌូនេស៊ី យកទៅបញ្ចាំ

ជនសង្ស័យ២នាក់ប្រើល្បិចទៅលើជនជាតិឥណ្ឌូនេស៊ីម្នាក់ យកម៉ូតូទៅបញ្ជាំ និងវាយឱ្យជនរងគ្រោះសន្លប់ ដើម្បីយករបស់មានតំលៃក្នុងខ្លួនតែត្រូវអាវុធហត្ថក្រុងប៉ោយប៉ែតធ្វើការឃាត់ខ្លួន។

បុរសជនសង្ស័យទាំងពីរនាក់ ម្នាក់ឈ្មោះ មិច បារាំង អាយុ ២៦ ឆ្នាំ និងម្នាក់ទៀត ឈ្មោះ ទី គឹមតា អាយុ ២២ ឆ្នាំ ត្រូវបានឃាត់ខ្លួននៅចំណុច ផ្សារយួន ស្ថិតក្នុងភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ហើយនាំយកមកមូលដ្ឋានកងរាជអាវុធហត្ថ នៅរសៀលថ្ងៃទី១២ ខែកក្កដា ឆ្នាំ ២០២១។

លោកវរសេនីយ៍ត្រី នួន នីណារ៉ូ បានបញ្ជាក់ឱ្យដឹងថា ការឃាត់ខ្លួនជនសង្ស័យ២នាក់នេះបានដោយជនរងគ្រោះក្រោយពេលជនសង្ស័យវាយឡើងចង់សន្លប់រត់ទៅដាក់ពាក្យប្តឹងអាវុធហត្ថតែម្តង។

លោកវរសេនីយ៍ត្រី នួន នីណារ៉ូ បានបញ្ជាក់ឱ្យយដឹងទៀតថាជនរងគ្រោះមានឈ្មោះ រូស ស្លាន់ (RUS LAL) ភេទប្រុស អាយុ៣៤ឆ្នាំ ជនជាតិឥណ្ឌូនេសីុ រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

ក្រោយពីសួរនាំរួចជនសង្ស័យទាំង២នាក់បានឆ្លើយសារភាពថាពេលកើតហេតុពួកខ្លួនបានឃើញ ជនជាតិឥណ្ឌូនេស៊ីជិះម៉ូតូម៉ាកហុងដាឌ្រីម ពណ៌ខ្មៅ ម្នាក់ឯង ពេលមកដល់ចំណុចខាងលិចផ្សាររ៉ា ស្ថិតក្នុងភូមិក្បាលស្ពាន សង្កាត់ប៉ោយប៉ែត ជនស្ស័យបានឱ្យជនជាតិឥណ្ឌូនេស៊ីដែលជាម្ចាស់ម៉ូតូចុះមកនិយាយលេងនិងខ្លួនស្របពេលនោះម្នាក់យកម៉ូតូជិៈចេញ​ទៅបញ្ចាំបាត់និងម្នាក់ទៀតវាយជនជាតិឥណ្ឌូនេស៊ីនោះស្ទើរឡើងចង់សន្លប់បំរុងយករបស់មានតំដៃបន្តតែត្រូវ​ជនរងគ្រោះដឹងខ្លួនរត់ទៅដាក់ពាក្យប្តឹងអាវុធហត្ថតែម្តង។ក្រោយពីឃាត់ខ្លួនហើយបញ្ជូនមកបញ្ជាការដ្ឋានកងរាជអាវុធហត្ថខេត្តចាត់ការបន្ត៕ ដោយៈ វ៉ាន់ ណាង