ព័ត៌មានជាតិ
វិស័យឯកជនអំពាវនាវដល់មាតាបិតាសិស្សនាំកូនចៅទៅចាក់វ៉ាក់សាំងការពារជំងឺកូវីដ១៩ឱ្យបានគ្រប់ៗគ្នា
លោក ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានសិក្សាកម្ពុជាបានអំពាវនាវនាវដល់មាតាបិតាសិស្សនាំកូនចៅដែលមានអាយុចាប់ពី១២ឆ្នាំដល់១៧ឆ្នាំទៅចាក់វ៉ាក់សាំងការពារជំងឺកូវីដ១៩ឱ្យបានគ្រប់ៗគ្នាដើម្បីការពារសុខភាពរបស់កុមារនិងយុវវ័យសំដៅឈានទៅបើកសាលារៀនឡើងវិញនាពេលខាងមុខនេះ។
លោក បានមានប្រសាសន៍នៅរសៀលថ្ងៃទី២៧កក្កដានេះថា «ថ្ងៃទី១សីហាសម្តេចតេជោហ៊ុនសែននឹងប្រកាសបើកយុទ្ធនាការចាក់វ៉ាក់សាំងដល់កុមារនិងយុវវ័យដោយនាំចៅៗគាត់ទៅចាក់ផងដែរនៅមន្ទីរពេទ្យកាល់ម៉ែតហើយនៅថ្ងៃទី០៨សីហាទើបបានចាក់ជាទូទៅដល់កុមារនិងយវវ័យចាប់ពីអាយុពី១២ឆ្នាំដល់១៧ឆ្នាំដើម្បីឱ្យមានភាពស៊ាំនៅក្នុងសង្គមដោយអនុញ្ញាតឱ្យមានការបើកសាលារៀនឡើងវិញចាប់ពីអនុវិទ្យាល័យដល់ឧត្តមសិក្សា»។
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់ថា ចៅៗរបស់សម្ដេចចំនួនជិត ១០ នាក់ ដែលដល់អាយុចាក់វ៉ាក់សាំង ហើយនឹងត្រូវចាក់មុនគេ នៅព្រឹកថ្ងៃទី ១ ខែសីហា ខាងមុខនេះ។
សម្តេចបានបន្តថាយុទ្ធនាការចាក់វ៉ាក់សាំងជូនដល់ក្មេង អាយុ ១២ ដល់ ១៧ ឆ្នាំ នេះដោយចាប់ផ្ដើមពីរាជធានីភ្នំពេញមុនគេ នឹងបន្តពង្រីកទៅតាមបណ្ដារខេត្ត-ក្រុង។
សម្តេចតេជោ នឹងនាំយកចៅៗរបស់សម្តេចទាំងអស់ដែលមានអាយុ១២-១៧ឆ្នាំ ទៅទទួលវ៉ាក់សាំង នៅថ្ងៃបើកយុទ្ធនាការចាក់វ៉ាក់សាំង ក្រៅពីចៅរបស់សម្ដេច ក៏នៅមានចៅៗ របស់ថ្នាក់ដឹកនាំសំខាន់ៗ ជាច្រើនទៀតផងដែរ។
វ៉ាក់សាំងការពារជំងឺកូវីដ១៩ប្រភេទស៊ីណូវ៉ាក់ចំនួន៥លានដូសសម្រាប់ចាក់ដល់កុមារនិងយុវវ័យអាយុពី១២ដល់១៧ឆ្នាំនឹងដឹកមកដល់កម្ពុជានាពេលឆាប់ៗខាងមុខនេះ។
បើតាមលោក ស្រីវេជ្ជបណ្ឌិត យក់សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍ថាក្នុងចំណោមវ៉ាក់សាំង៥លានដូសសម្រាប់ចាក់ដល់កុមារនិងយុវវ័យកម្ពុជានឹងមកដល់នៅខែសីហាចំនួន៣លានដូសនិងខែកញ្ញាចំនួន២លានដូស៕ អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ