ព័ត៌មានជាតិ

អគ្គិភ័យឆេះផ្ទះពីរកន្លែងផ្សេងគ្នាក្នុងយប់តែមួយ បណ្ដាលឲ្យមនុស្សម្នាក់រងរបួស

បានផុស

៥ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

ត្រឹម១យប់មានករណីភ្លើងឆេះផ្ទះប្រជាពលរដ្ឋពីរកន្លែងផ្សេងគ្នាអស់ទាំងស្រុង និងបណ្ដាលឲ្យមនុស្សម្នាក់រងរបួសធ្ងន់។

ករណីទី១កើតនៅវេលាម៉ោង១១យប់ ថ្ងៃទី៤ ខែសីហា ឆ្នាំ២០២១ នៅចំណុចភូមិតាម៉ៅ ឃុំសឿ ស្រុកមង្គលបូរី ខេត្តបន្ទាយមានជ័យ ឆេះផ្ទះអស់១ខ្នងមានទំហំ ៥ម៉ែត្រ គុណនឹង ៦ម៉ែត្រធ្វើអំពីឈើប្រក់ស័ង្កសីឆេះអស់ទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអធិការនគរបាលស្រុកមង្គលបូរី បានប្រាប់ឲ្យដឹងថា ម្ចាស់ផ្ទះមានឈ្មោះ វាំង ធី ភេទប្រុស អាយុ៥៧ឆ្នាំ រស់នៅកន្លែងកើតហេត្ត។

លោកបានបញ្ជាក់ឲ្យដឹងបន្តទៀតថា មុនពេលកើតហេតុ ម្ចាស់ផ្ទះបានបង្កាត់ភ្លើងដាំបាយហូប ដោយសារសុរ៉ាចូលពោះ ភ្លេចការចងចាំដេកលក់បណ្តាលឲ្យភ្លើងឆាបឆេះពេញបន្ទុកឆេះផ្ទះ១ខ្នង របួសទាំងខ្លួនឯងធ្ងន់ទៀត។

លោកបានបញ្ជាក់ទៀតថា ពេលដែលភ្លើងរលត់សមត្ថកិច្ចបានចុះវាយតម្លៃក្នុងនោះមានមនុស្សបួសធ្ងន់១នាក់ រលាកស្បែកដៃខ្នងនិងក្បាលបានបញ្ជូនទៅព្យាបាលនៅមន្ទីរពេទ្យបង្អែកមិត្តភាពកម្ពុជាជប៉ុនផ្នែកសម្ភារៈ អង្ករមួយការ៉ុង ចានឆ្នាំងភួយមុង សរុបជាទឹកប្រាក់ចំនួន ២ ៥០០ .០០០រៀល។

ករណីទី២លោក គាត ហ៊ុល អភិបាលក្រុងប៉ោយប៉ែត លោកវរ:សេនីយ៍ឯក សៅ សារឿន អធិការ នគរបាលក្រុងប៉ោយប៉ែតបានប្រាប់ឲ្យដឹងថា មានភ្លើងឆេះចេញពីស្តង់ដាក់គីបខោអាវជជុះចំនួនពីល្វែង ដែលស្ថិតក្នុងភូមិក្បាលស្ពាន១ សង្កាត់ប៉ោប៉ែត ក្រុងប៉ោយប៉ែត ខេត្តបន្ទាយមានជ័យ។

លោកបានបញ្ជាក់ថា មុនពេលកើតហេតុនោះ មូលហេតុបណ្តាលមកពីឆ្លងចរន្ដអគ្គនីឆេះចេញពីស្តង់២ល្វែងនោះ។

សម្ភារៈខូចខាតគ្រប់គ្រងមិនទាន់បាន ក្នុងនោះមានរថយន្តសង្គ្រោះអគ្គីភ័យចំនួន៣គ្រឿង មានរថយន្តសង្គ្រោះអគ្គិភ័យរបស់អធិការដ្ឋាន រថយន្តរបស់ក្រុមហ៊ុនត្រូពីកាណា រថយន្តសង្គ្រោះអគ្គីភ័យរបស់សាលាក្រុង១ ពេលភ្លើងកំពុងតែឆេះនោះ ដោយសារតែមានរថយន្តជួយពន្លត់យ៉ាងខ្លាំងអាចគ្រប់សភាពការបានហើយភ្លើងរលត់ទាំងស្រុងមិនបណ្តាលឆ្លងរាលដាលទៅកន្លែងផ្សេងនោះទេ ចំណែកមនុស្សក៏មិនរងរបួសដែរ៕

អត្ថបទ ៖ វ៉ាន់ ណាង