ព័ត៌មានជាតិ
តំណាងចែកចាយ ផលិតផលបំប៉នសុខភាព ៧នាក់ ត្រូវបានបញ្ជូនទៅស្នងការ ដើម្បីចាត់ការបន្តតាមច្បាប់
មនុស្ស៧នាក់ ក្នុងចំណោមមនុស្សប្រុស-ស្រី ៣៨៥នាក់ ដែលត្រូវបានឃាត់ខ្លួន ដោយសារប្រមូលផ្តុំគ្នា រៀនវគ្គលក់ផលិតផលបំប៉នសុខភាពនោះ ត្រូវបានកម្លាំងសមត្ថកិច្ច បញ្ជូនខ្លួនទៅកាន់ស្នងការដ្ឋាន នគរបាលខេត្តតាកែវ ដើម្បីចាត់ការបន្តតាមច្បាប់។
កាលពីល្ងាចថ្ងៃទី១៥ ខែសីហា ឆ្នាំ២០២១កន្លងទៅនេះ នៅចំណុចបុរីរស្មី សង្កាត់រកាក្នុង ក្រុងដូនកែវ ខេត្តតាកែវ មនុស្សប្រុស-ស្រី ចំនួន៣៨៥នាក់ ត្រូវបានសមត្ថកិច្ច និងក្រុមគ្រូពេទ្យ ចុះឃាត់ខ្លួនយកទៅធ្វើសំណាកតេស្ត រកមេរោគកូវីដ-១៩ ក្រោយពីពួកគេប្រមូលផ្តុំគ្នា ដោយមិនស្តាប់តាមការណែរនាំ របស់ក្រសួងសុខាភិបាល និងអាជ្ញាធរមូលដ្ឋាន។
តាមរយៈទំព័រហ្វេសប៊ុក របស់ស្នងការដ្ឋាននគរបាលខេត្តតាកែវ បានឲ្យដឹងនៅយប់ថ្ងៃច័ន្ទថា លោកឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ នៅព្រឹកថ្ងៃទី១៦ ខែសីហា ឆ្នាំ២០២១ បានដឹកនាំកម្លាំងផែនការងារសន្តិសុខ សហការជាមួយកម្លាំងអធិការដ្ឋាន នគរបាលក្រុងដូនកែវ ដោយមានការសម្របសម្រួលពីព្រះរាជអាជ្ញា អមសាលាដំបូងខេត្តតាកែវ បានចុះត្រួតពិនិត្យឆែកឆេរ រកឃើញប្រជាពលរដ្ឋ ចំនួន៣៨៥នាក់ មកពីខេត្តតាកែវ កំពត កែប កណ្តាល និងខេត្តផ្សេងៗទៀត។
បន្ទាប់ពីបានសាកសួរកម្លាំងជំនាញ បានធ្វើការឃាត់ខ្លួនមនុស្ស ចំនួន៧នាក់, ស្រី២នាក់(មេខ្យល់) ដែលបានអះអាងថា ពួកគេជាតំណាងចែកចាយ ផលិតផលឯករាជ្យ ជាផលិតផលបំប៉នសុខភាព របស់ក្រុមហ៊ុន(UNICITY) រួមមាន៖
១-ឈ្មោះ ស៊ី ណាត ភេទប្រុស អាយុ៤១ឆ្នាំរស់នៅភូមិកែវស្នា ឃុំឃ្នេស ស្រុកមេសាង ខេត្តព្រៃវែង។
២-ឈ្មោះ ស្រេង បានិន ភេទប្រុស អាយុ២៦ឆ្នាំ រស់នៅភូមិតាមឿន ឃុំព្រែកដំបូក ស្រុកស្រីសន្ធរ ខេត្តកំពង់ចាម។
៣-ឈ្មោះ អ៊ុយ សិលា ភេទប្រុស អាយុ៣១ឆ្នាំ រស់នៅភូមិកំពង់បាយ សង្កាត់កំពត ក្រុងកំពត ខេត្តកំពត។
៤-ឈ្មោះ ប៉ិច សាបឿន ភេទស្រី អាយុ៤១ឆ្នាំ រស់នៅភូមិកែស្នា ឃុំឃ្នេស ស្រុកមេសាង ខេត្តព្រៃវែង។
៥-ឈ្មោះ កែវ ឌីណា ភេទប្រុស អាយុ២៧ឆ្នាំ រស់នៅភូមិព្រែកគ្រួស ឃុំសូគង ស្រុកកងមាស ខេត្តកំពង់ចាម។
៦-ឈ្មោះ នូ ចន្ថន ភេទស្រី អាយុ៣៤ឆ្នាំ រស់នៅភូមិព្រែកគ្រួស ឃុំសូគង ស្រុកកងមាស ខេត្តកំពង់ចាម។
៧-ឈ្មោះ សន ឧត្ដម ភេទប្រុស អាយុ២៥ឆ្នាំ រស់នៅភូមិចំការបី សង្កាត់ដំណាក់ចង្អើរ ក្រុងកែប ខេត្តកែប។ ដោយមានការជួបជុំ របស់ពួកគេ មិនបានសុំការអនុញ្ញាត ពីអាជ្ញាធរឡើយ។
ស្នងការដ្ឋាន នគរបាលខេត្តតាកែវ បានបញ្ជាក់ថា បច្ចុប្បន្ន មនុស្សទាំង៧នាក់ (មេខ្យល់) ខាងលើនេះ ត្រូវបានបញ្ជូនមកស្នងការដ្ឋាន នគរបាលខេត្តតាកែវ សាកសួរបន្តតាមនីតិវិធី ដើម្បីកសាងសំណុំរឿងបញ្ជូន ទៅសាលាដំបូងខេត្តតាកែវ។
លោក អ៊ូច ភា អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាព រដ្ឋបាលខេត្តតាកែវ បានថ្លែងប្រាប់អ្នកសារព័ត៌មានកម្ពុជាថ្មី កាលពីរសៀលថ្ងៃទី១៦ ខែសីហានេះថា អាជ្ញាធរ និងក្រុមគ្រូពេទ្យ កំពុងតែយកសំណាក តេស្ដរកមេរោគកូវីដ-១៩ លើពួកគេទាំងនោះហើយ។ ប៉ុន្តែគិតមកដល់ត្រឹមរសៀលថ្ងៃម្សិលមិញ មិនទាន់យកអស់នៅឡើយទេ។
ទាក់ទងនឹងចំណាត់ការ លើមនុស្សទាំង៣៨៥នាក់ ដែលល្មើសនឹងវិធានការនេះ លោកអភិបាលខេត្តតាកែវ ក៏មិនទាន់អាចបញ្ជាក់នៅឡើយដែរ ដោយលោកថា រង់ចាំការតេស្ដរកកូវីដអស់សិន ទើបពិនិត្យថាតើ ត្រូវអប់រំណែនាំ ឬក៏មានវិធានការច្បាប់ បែបណាទៀត៕ (ដោយ)៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ